The Wicked

¹“Bobuši le go tšhoša di na le yena; O dira khutšo mafelong a gagwe a phagamego."

²Na dihlopha tša bahlabani ba gagwe di a balega? Le gona ke mang yoo seetša sa gagwe se sa mo hlabelego?"

³Ka gona motho wa nama le madi a ka loka bjang pele ga Modimo, Goba motho yo a belegwego ke mosadi e ka ba bjang yo a hlwekilego?"

⁴Bona! Ke re le yona kgwedi ga e tage; Dinaledi le tšona ga se tša hlweka mahlong a gagwe."

⁵Go bjalo gakaakang ka motho wa nama le madi, yo e lego seboko, Le ngwana wa motho, yo e lego sebokwana!”"

⁶Jobo a araba a re:"

⁷“Wa tla wa thuša yo a se nago matla! Wa tla wa phološa letsogo leo le se nago matla!"

⁸Wa tla wa eletša yo a se nago bohlale, Wa tla wa tsebiša ba bantši bohlale bjo bo holago!"

⁹O boditše mang mantšu ao, Ke mang a go neilego dikgopolo tšeo?"

¹⁰Bao ba hwilego ba dula ba thothomela Ba le ka tlase ga meetse le tšeo di dulago go ona."

¹¹Bodulabahu bo hlobotše ka pele ga gagwe, Lefelo la tshenyego ga le na sa go khupetša."

¹²O phurollela leboa mo go se nago selo, A fega lefase lefeeleng;"

¹³A phuthela meetse ka maru a gagwe, Gore maru a se ke a phulega gomme meetse a tšhologela fase;"

¹⁴A šira bokapele bja sedulo sa bogoši, A se apeša ka leru la gagwe."

¹⁵O thaletše meetse ntikodiko, Gona kua go felelago seetša le leswiswi."

¹⁶Dikokwane tša legodimo di a šišinyega, Di makaditšwe ke kgalemelo ya gagwe."

¹⁷Ka matla a gagwe o huduile lewatle, Gomme ka kwešišo ya gagwe a robaganya mohlasedi."

¹⁸Ka phefo ya gagwe o phadimišitše le lona legodimo, Seatla sa gagwe se hlabile noga yeo e gagabago."

¹⁹Bona! Tše ke feela karolwana ya mediro ya gagwe. Ruri go kwelwe feela mohebehebetšo wa taba ka yena! Eupša ke mang yo a ka kwešišago kamoo a tšweletšago modumo wa matla a legadima la gagwe?”"

²⁰Jobo a buša a hlaba seema sa gagwe a re:"

²¹“Ke ikana ka Modimo yo a phelago, yena yo a nkgannego ka toka, Le gona ke ikana ka Ramatlaohle yo a phelago, yena yo a hlokofaditšego moya wa ka, ke re:"

²²Ge mohemo wa ka o sa dutše o feletše ka go nna, Le moya wa Modimo o le ka dinkong tša ka,"

²³Molomo wa ka o ka se bolele tša go se loke, Gomme leleme la ka le ka se bobole ka tša bofora!"

²⁴Nka se tsoge ke naganne go bolela ka lena gore le lokile! Ke tla ba ka hwa ke se ka lahla potego ya ka!"

²⁵Ke kgomaretše go loka ga ka, gomme nka se go tlogele; Pelo ya ka e ka se nkgoboše mehleng ya ge ke sa phela."