Job Longs for God

¹Waphendula uYobhi, wathi,"

²Nanamhlanje inkalazo yam ineenkani, Isandla sam sinzima phezu kokugcuma kwam."

³Yoo! Andaba bendisazi apho ndingamfumana khona, Ndize esihlalweni sakhe!"

⁴Bendiya kulicacisa phambi kwakhe ityala lam, Ndiwuzalise umlomo wam ngeziganeko."

⁵Andaba bendikwazi ukuthetha abeya kundiphendula ngako, Ndiyiqonde into abeya kuyithetha kum."

⁶Wobambana nam ngamandla amakhulu na? Hayi! Kodwa ke wondigqala."

⁷Oko othe tye ubeya kubonisana naye, Ndisinde kumgwebi wam, kuphele."

⁸Yabona, ndisinga phambili, angabikho; Nangasemva, ndingamnakani;"

⁹Ngasekhohlo, ekusebenzeni kwakhe, ndingamalami; Xa atyekela ngasekunene, ndingamboni."

¹⁰Kuba uyayazi indlela enam; Endicikidile, bendiya kuphuma njengegolide."

¹¹Unyawo lwam lubambe umkhondo wakhe, Ndayigcina indlela yakhe, andathi gu bucala."

¹²Emthethweni wemilebe yomlomo wakhe andisukanga; Ndiwabekile amazwi omlomo wakhe kunowam ummiselo."

¹³Ke yena umi ndaweni-nye, ngubani na ongambuyisayo? Umphefumlo wakhe ukhanukile, uya kwenza oko."

¹⁴Kuba uya kukufeza oko ndikumiselweyo; Zininzi ke izinto ezinje kuye."

¹⁵Ngenxa yoko ndikhwankqiswe ebusweni bakhe. Ndakukugqala, ndisuka ndinkwantye nguye."

¹⁶UThixo uyiqobisile intliziyo yam. USomandla undikhwankqisile."

¹⁷Kuba andibhangiswanga ngenxa yobumnyama, Nangenxa yobuso bam obugutyungelwe sisithokothoko."