Job Replies

¹Waphendula uYobhi, wathi,"

²Yivani, nikuve ukuthetha kwam; Kube ziintuthuzelo zenu oku."

³Ndithwaleni, ndithethe nam; Nigculele emva kwamazwi am."

⁴Mna, inkalazo yam isemntwini yini na? Khona bekungani ukuba ungazekaneki umoya wam?"

⁵Bhekani kum, nimangaliswe; Bekani isandla emlonyeni."

⁶Okunene, ndakukhumbula, ndisuka ndikhwankqiswe, Nenyama yam ibanjwe kukududuzela."

⁷Yini na ukuba abangendawo badle ubomi, Babe badala, kananjalo bomelele, babe namandla?"

⁸Imbewu yabo iqinile phambi kwabo, inabo; Nabaphume embilinini wabo basemehlweni abo."

⁹Izindlu zabo zinoxolo, kungekho kunkwantya, Nentonga kaThixo ayibafikeli."

¹⁰Inkunzi yabo iyazeka ingahlohleli; Imazi yabo iyazala ingaphunzi."

¹¹Bayawakhuphela njengomhlambi amakhwenkwe abo, Nabantwana babo bayadloba."

¹²Baphakamisa ilizwi benengqongqo nohadi, Bavuye lilizwi logwali."

¹³Bayayigqiba imihla yabo ngokuchwayitha, Behle ngephanyazo ukuya kwelabafileyo."

¹⁴Bathi kuThixo, Suka kuthi, Asikunanzile ukuzazi iindlela zakho."

¹⁵Uyini na uSomandla, ukuba simkhonze? Kusinceda ntoni na ukumjoka?"

¹⁶Yabona, azisesandleni sabo izinto zabo ezilungileyo; Iqhinga labangendawo malibe lee kum."

¹⁷Kukangaphi na ke isibane sabangendawo sicinywa? Kubafikela ukusindeka kwabo? Ababele uThixo izintya ngomsindo wakhe?"

¹⁸Babe njengengca enqunqiweyo phambi komoya, Njengomququ ohlaselwa sisaqhwithi?"

¹⁹Nithi, UThixo ububekela abantwana babo ubutshinga babo. Makabuphindezele kubo ngokwabo, bazi bona;"

²⁰Makayibone inkxwaleko yabo amehlo abo, Babusele ubushushu boSomandla."

²¹Ngokuba bayinanze ngani bona indlu yabo emva kwabo, Lakuqhitshulwa inani leenyanga zabo?"

²²Uya kufundiswa ukwazi uThixo na, Lowo ugweba abaphezulu?"

²³Omnye ufa emandleni okwakhe ukuphila, Onwabile kanye, echulumachile."

²⁴Iimvaba zakhe zizele ngamasi, Nomongo wamathambo akhe utyebile."

²⁵Omnye ufa ukrakra umphefumlo wakhe, Engadlanga zinto zilungileyo."

²⁶Balala ndawonye eluthulini, Iimpethu ziyabagubungela bobabini."

²⁷Yabona, ndiyazazi iingcinga zenu, Namayelenqe enindigonyamela ngawo."

²⁸Xa nithi, Iphi na indlu yesibhovubhovu? Iphi na intente ebalulekileyo yabangendawo?"

²⁹Anibuzanga na kwabadlula ngendlela? Imiqondiso yabo ninako na ukuyikhanyela?"

³⁰Ukuba ngemini yokusindeka wanqandwa ongendawo, Ngemini yokuphuphuma umsindo wemkiswa?"

³¹Ngubani na ongaxela ebusweni bakhe indlela yakhe? Enze into yena, ngubani na oya kuphindezela kuye?"

³²Usiwa emangcwabeni yena, Alinde esigangeni."

³³Anencasa kuye amagada esihlambo; Emva kwakhe kulandela lonke uluntu, Nangaphambi kwakhe belungenakubalwa."

³⁴Ningathini na ke ukundithuthuzela ngeento ezingento, limpendulo zenu zisele zibubumenemene nje?"