Zophar's Second Speech

¹Wasusela uTsofare waseNahama, wathi,"

²Ngako oko iingcingangcinga zam ezi ziyandiphendula, Ngenxa yokuthabatheka kwam ngaphakathi kwam."

³Ukuthethisa okundihlazayo ndiyakuva, Ke umoya uyandiphendula engqondweni yam."

⁴Oku uyakwazi na kambe kwanini, Kususela koko lwabekwayo uluntu ehlabathini:"

⁵Ukuba ukumemelela kwabangendawo kufutshane, Ukuvuya kweentshembenxa kokwephanyazo?"

⁶Nokuba kuthe kwenyuka kwaya ezulwini ukuphakama kwakhe, Intloko yakhe wayifikisa emafini:"

⁷Njengelindle lakhe uya kudaka kuphele, Abambonayo bathi, Uphi na?"

⁸Uya kuphaphazela emke njengephupha, angafunyanwa, Aphekuzwe njengombono wobusuku."

⁹Iliso elikhe lambona, aliyi kuphinda; Indawo yakhe ayisayi kumalama."

¹⁰Abantwana bakhe baya kungxengxezela abasweleyo, Izandla zakhe zibuyise imfuyo yakhe."

¹¹Amathambo akhe ebezele bubutsha; Bolaliswa phantsi naye eluthulini."

¹²Nokuba ububi bebunencasa emlonyeni wakhe, Wabugusha phantsi kolwimi lwakhe,"

¹³Wabuconga akabuyeka, Wabuthintela ekhuhlangubeni lakhe;"

¹⁴Isonka sakhe sibhuqukile emathunjini akhe, Yinyongo yamaphimpi embilinini wakhe."

¹⁵Uginye ubutyebi, wabuhlanza; Uyabukhupha esiswini sakhe uThixo."

¹⁶Womungunya ubuhlungu bamaphimpi, Lumbulale ulwimi lwenyushu."

¹⁷Akayi kubona mijelo, Milambo, zihlambo zobusi namasi."

¹⁸Ebuyisa awakuxelengayo, akakuginyi; Angavuyi ngangobutyebi aburhwebileyo."

¹⁹Kuba wabathi viki, wabalahla, abasweleyo; Waxhakamfula indlu, angayakhanga."

²⁰Kuba engalwazanga uxolo esiswini sakhe, Akayi kusinda nezinto zakhe ezinqwenelekayo."

²¹Bekungekho nto isindayo emqaleni wakhe; Ngenxa yoku, aziyi kuhlala izinto zakhe ezilungileyo."

²²Ekuzalisekeni kokumaneleyo ubandezelekile, Izandla zonke zabangento ziyamfikela."

²³Kothi, ukuze sizaliswe isisu sakhe, UThixo athumele kuye ukuvutha komsindo wakhe, Awunise phezu kwakhe enyameni yakhe."

²⁴Ebaleka isikrweqe sesinyithi, Lomphumela utolo lwesaphetha sobhedu."

²⁵Lurholiwe, lwaphuma emzimbeni, Nenyembe ebengezelayo enyongweni yakhe; Uyemka, izothuso ziphezu kwakhe."

²⁶Ubumnyama bonke bubekelwe iingqwebo zakhe; Udliwa ngumlilo ongavuthelwanga; Ugqibe okusindileyo ententeni yakhe."

²⁷Izulu lobutyhila ubugwenxa bakhe, Nehlabathi lisukele phezulu kuye."

²⁸Iya kufuduswa indyebo yendlu yakhe, Ikhukuliswe ngomhla womsindo wakhe."

²⁹Siso eso isabelo somntu ongendawo, sivela kuThixo, Nelifa alimiselweyo yena nguThixo."