Zophar's Second Speech

¹Legodimo le tla utolla molato wa gagwe, Lefase lona la mo tsogela matla."

²Pula ya matlorotloro e tla gogola ntlo ya gagwe; Go tla ba le dilo tše di tšhollwago ka letšatši la bogale bja Modimo."

³Ye ke yona kabelo ya motho yo kgopo e tšwago go Modimo, Gaešita le bohwa bja gagwe bjo go boletšwego ka bjona bjo bo tšwago go Modimo.”"

⁴Jobo a fetola a re:"

⁵“Theetšang lentšu la ka ka kelohloko, Anke se se le homotše."

⁶Nkgotleleleng, gomme nna ke tla bolela; E tla re ge ke feditše go bolela, ya ba gona yo mongwe le yo mongwe wa lena a kwerago."

⁷Ge e le nna, na matshwenyego a ka ke a lebišitše mothong? Gona moya wa ka o be o tla fela pelo bjang?"

⁸Retološetšang difahlego tša lena go nna le ntsepeleleng le maketše, Le thibe melomo ya lena ka diatla."

⁹Ge e ba ke gopotše, gona e bile ke ferekane, Nama ya ka e a thothomela."

¹⁰Go re’ng ba kgopo ba tšwela pele ba phela, Ba tšofetše e bile ba humile le dinala?"

¹¹Bana ba bona ba tieletše ba le pele ga bona, Le ditlogolo tša bona pele ga mahlo a bona."

¹²Dintlo tša bona ke khutšo ka boyona, ga di na letšhogo, Kgati ya Modimo ga e gona go bona."

¹³Dipoo tša bona di a tswadiša, ga di senye peu; Dikgomo tša bona di a tswala tša se folotše."

¹⁴Ba bulela bašemanyana ba bona go etša dihuswane, Bana ba bona ba a tshelatshela."

¹⁵Ba dulela go hlaboša mantšu a bona ka moropa le ka harepa, Le gona ba thabela modumo wa naka."

¹⁶Ba fetša matšatši a bona ba ipshina, Ka morago ga nakwana ba theogela Bodulabahu."

¹⁷Ba botša Modimo wa therešo gore: ‘Re tlogele! Ga se ra kgahlwa ke go tseba ditsela tša gago."

¹⁸Ramatlaohle ke’ng moo re ka mo hlankelago, Le gona re holega bjang ka go mo rapela?’"

¹⁹Bonang! Go phela ga bona gabotse ga go matleng a bona. Merero ya ba kgopo yona e kgole le nna."

²⁰Lebone la ba kgopo le tingwa gakae, Le gona tshenyego ya bona e ba wela gakae? Ke gakae Modimo a ba tlišetšago tshenyego a galefile?"

²¹Na ba etša lehlokwa pele ga phefo, Le mooko woo ledimo le o tšeago?"

²²Bošula bja motho Modimo yena o tla bo bolokela bana ba gagwe; O tla mo lefetša e le gore a tle a tsebe."

²³Mahlo a yo kgopo a tla bona ge a senyega, Gomme o tla nwa kgalefo ya Ramatlaohle."

²⁴O tla kgahlišwa ke’ng go ba šetšego ba ntlo ya gagwe, Ge palo ya dikgwedi tša gagwe e tla be e arotšwe diripa tše pedi?"

²⁵A a ka ruta Modimo tsebo, Mola Yena e le yo a ahlolago ba maemo?"

²⁶Yena yo yo kgopo o tla hwa ge a kgotsofetše ka botlalo, Mola a tloga a se na mathata gomme a iketlile;"

²⁷Ge dirope tša gagwe di tletše makhura Le moko wa marapo a gagwe o se wa oma."

²⁸Ge e le yo yo mongwe o tla hwa a šulafaletšwe moyeng, Mola a se a ja tše dibose."

²⁹Ba tla robala gotee leroleng Gomme ba tla apešwa ke diboko."