Bildad's Second Speech

¹Waphendula uBhiledadi wakwaShuwa, wathi,"

²Kunini na nikuzingela ukuthetha? Qondani, sothetha emveni koku."

³Yini na ukuba kuthiwe sinjengeenkomo, Sibe ziinqambi emehlweni akho?"

⁴Wena uziqwengayo ngomsindo wakho, Liya kushiywa ihlabathi ngenxa yakho, lingamiwa na? Likhwelele iliwa endaweni yalo?"

⁵Noko nokukhanya oku kongendawo kuya kucinywa, Lingabi mhlophe ilangatye lomlilo wakhe."

⁶Ukukhanya kuya kwenziwa mnyama ententeni yakhe, Nesibane sakhe sicinywe phezu kwakhe."

⁷Ukunyantsula kwakhe kuya kuxinwa, Limphose phantsi kwaelakhe iqhinga."

⁸Kuba uqhutyelwe emnatheni ziinyawo zakhe, Uhamba phezu kwesibatha."

⁹Umgibe umbambisa ngesithende, Limbambise isango."

¹⁰Lufihliwe emhlabeni ulutya lwakhe, Ukuthiwa hlasi kwakhe kusengqushwini."

¹¹Uyadandathekiswa ngeenxa zonke kukukhwankqisa, Kumbhebhethe, kuthane mbende naye."

¹²Amandla akhe aya kuphela kukulamba, Ukusindeka kulungiselwe ukujingxela kwakhe."

¹³Kudla iziqendu zolusu lwakhe; Udla iziqendu zakhe owamazibulo wokufa."

¹⁴Iyancothuka ententeni yakhe inkoloseko yakhe, Ahanjiselwe kukumkani wokukhwankqisa."

¹⁵Kuhleli ententeni yakhe izinto zasemzini; Kugcwayelwa isulfure ekhayeni lakhe."

¹⁶Ngaphantsi ziya koma iingcambu zakhe, Ngaphezulu abune amasebe akhe."

¹⁷Isikhumbuzo sakhe siya kudaka ehlabathini, Angabi nagama nasemaphandleni."

¹⁸Baya kumtyhala ekukhanyeni, aye ebumnyameni, Aphekuzwe kwelimiweyo."

¹⁹Akayi kuba nanyana nanzala ebantwini bakowabo, Kungabikho usindileyo emizini yakhe."

²⁰Bomangaliswa yimini yakhe abahleli entshonalanga, Nabasempumalanga babanjwe kukuba namanwele."

²¹Inene, injalo iminquba yabanobugqwetha, Injalo indawo yongamaziyo uThixo."