Job's Despair Continues

¹Umoya wam wonakele, imihla yam icinyiwe, Into yam ngamangcwaba."

²Inene ndiyinto abadlala ngayo, Neliso lam lilibele ziinkani zabo."

³Khawubeke into, undimele; Ngubani na yena oya kubambana nam ngesandla?"

⁴Ngokuba intliziyo yabo uyifihlele ukuqiqa; Ngenxa yoko akuyi kubaphakamisa."

⁵Unikela abahlobo ukuba babe ngamaxhoba, Amehlo abantwana bakhe aze aphelelwe."

⁶Undimise ndaba ngumzekeliso ezizweni; Ndaba ngotshicelwa ebusweni."

⁷Laza lanorhatyazo iliso lam kukukhathazeka; Amalungu am aba njengesithunzi onke ephela."

⁸Bamangaliswa abathe tye yile nto; Omsulwa uyazixhokonxa ngenxa yentshembenxa."

⁹Ke olilungisa ubambe indlela yakhe, Ozandla zihlambulukileyo uya ekhalipha."

¹⁰Kodwa nina nonke, buyani, khanize; Andiyi kufumana silumko phakathi kwenu."

¹¹Imihla yam idlule, zijaciwe izigqibo zam, Amafa entliziyo yam."

¹²Bathi ubusuku yimini; Ukukhanya kusondele, xa kuza kuba mnyama."

¹³Ukuba ndithe ndathemba, ndithembe elabafileyo, indlu yam; Ndandlala umandlalo wam emnyameni;"

¹⁴Ukuba ndithe kukubola, Ungubawo; Ndathi kwimpethu, Unguma, ungudade wethu:"

¹⁵Liphi na ke ngoku ithemba lam? Ithemba lam, ngubani na owolibona?"

¹⁶Liya kuhla liye emivalweni yelabafileyo, Xa siphumla kunye eluthulini."