Job Replies

¹Waphendula uYobhi, wathi,"

²Ndive izinto ezininzi ezinjengezo; Ningabathuthuzeli abayindinisa, nonke niphela."

³Aphelile na amazwi angumoya? Uxhokonxwa yintoni na, ukuba uphendule?"

⁴Nam ndibe ndingathethayo njengani. Ukuba umphefumlo wenu ubusendaweni yomphefumlo wam. Ndibe ndinganiqukela ukuthetha, Ndinihlunguzele intloko;"

⁵Ndibe ndinganikhaliphisa ngomlomo wam, Nokukhuza komlomo wam kulunqande usizi lwenu."

⁶Nokuba ndithe ndathetha, awunqandwa umvandedwa wam; Nokuba ndithe ndayeka, kumka ntoni na kum?"

⁷Hayi, ngoku undidinisile; Uliphanzisile lonke ibandla lam."

⁸Undintshwenyisile, kwaba lingqina oko; Kwandimela ukubhitya kwam, Kwaphendula ebusweni bam."

⁹Umsindo wakhe wandiqwenga, wanditshutshisa; Uditshixizele amenyo akhe; Engumbandezeli wam, uwenze abukhali amehlo akhe kum."

¹⁰Bandakhamele umlomo; Ngengcikivo bandibetha ezidleleni; Bonke bayathelelana ukundichasa."

¹¹UThixo wandinikela kumakhwenkwe, Wandijulela ezandleni zabangendawo."

¹²Ndibi ndichulumacha, wandivithavitha, Wandibamba ngentamo, wandihlekeza, Wandimisa ndaba yitekeni kuye."

¹³Bandirhawula abatoli bakhe, Wazityanda izintso zam, engenalufefe, Wayiphalazela emhlabeni inyongo yam."

¹⁴Wandenza iinduma ngeenduma, Wandigila njengegorha."

¹⁵Ndathungela iingubo ezirhwexayo enkwaneni yolusu lwam, Ndalugquba ngothuli uphondo lwam."

¹⁶Ubuso bam bubomvu kunene kukulila, Phezu kweenkophe zam lithunzi lokufa;"

¹⁷Nakuba kungekho kugonyamela ezandleni zam, Uqaqambile umthandazo wam."

¹⁸Mhlaba, musa ukuliselela igazi lam, Kungabi nasikhundla ukuhlahlamba kwam."

¹⁹Nangoku, yabona, lisemazulwini ingqina lam; Ondivumelayo usezindaweni eziphezulu."

²⁰Abandigxekayo ngabethu aba; Iliso lam liyengezela kuThixo,"

²¹Ukuba alungisele umfo kuThixo, Ahlule phakathi komntu nommelwane wakhe."

²²Kuba iminyaka embalwa iza kudlula, Ndihambe ke umendo endingayi kubuya ngawo."