Eliphaz's Second Speech

¹Gobane sefahlego sa gagwe se tletše makhura Le gona matheka a gagwe a na le makhura,"

²O dula metseng yeo e tlago go fedišetšwa sa ruri; O dula dintlong tšeo batho ba ka se dulelego sa ruri go tšona, Tšeo e tlago go ba mekgobo ya maswika."

³A ka se hume e bile lehumo la gagwe le ka se oketšege, Le gona tšeo ba kgopo ba di hweditšego a ka se di atiše mo lefaseng."

⁴A ka se furalele leswiswi; Thabe ya gagwe e tla omišwa ke mollo, A ba a fedišwa ke mohemo wa molomo wa Modimo."

⁵Anke a se holofele lefeela, gomme a arošwa, Gobane o tla hwetša lona lefeela leo;"

⁶Seo se tla direga pele ga letšatši la gagwe. Lekala la gagwe le ka se gole la kgahliša."

⁷Diterebe tša gagwe tše di sa butšwago di tla hlohlorega go etša ge go hlohlorega morara, Le gona matšoba a gagwe a tla wa go etša a mohlware."

⁸Gobane kopano ya bahlanogi ga e tšweletše dienywa, Le mollo o tla ja ditente tša letsogo-le-kobong."

⁹Go ingwa mathata gwa tswalwa se se gobatšago, Mpa ya bona e rera bofora.”"

¹⁰Jobo a fetola a re:"

¹¹“Ke kwele dilo tše dintši tše di swanago le tše. Ka moka ga lena le bahomotši ba go tshwenya!"

¹²Na mantšu a lefeela a tla ka a fela? Goba le galefišwa ke eng ge e bile le araba?"

¹³Le nna ke be nka kgona go bolela bjalo ka lena. Ge feela meoya ya lena e be e ka ba moo moya wa ka o lego gona, Na ke be ke tla le botša mantšu a mahlajana? Le gona na ke be ke tla le šišinyetša hlogo?"

¹⁴Ke be ke tla le matlafatša ka mantšu a molomo wa ka, Le gona dikhomotšo tša melomo ya ka di be di tla okobatša mahloko a lena."

¹⁵Ge e ba ke bolela, bohloko bja ka ga bo okobale, Le ge nka kgaotša go dira bjalo, ke bohloko bjo bokaaka’ng bjo bo tlogago go nna?"

¹⁶Bjale gona ke lapišitšwe ke yena; O šwalalantše bohle bao ba bokanego le nna."

¹⁷Le gona wena o a ntshwara. Seo ke bohlatse, Moo e lego gore go ota ga ka go ntsogetše matla. Go hlatsela ka pele ga sefahlego sa ka."

¹⁸Ke rathagantšwe ke bogale bja gagwe, gomme o ntira tša bonaba. O ntomagantšhetša meno. Lenaba la ka le ntlhabile ka mahlo."

¹⁹Ba nkahlamišeditše melomo, Ba nkgobošitše ka go mphasola marama, Ba nkgobokanela ka bontši gore ba lwe le nna."

²⁰Modimo o nkgafela bašemanyana, O ntahlela ka matla diatleng tša ba kgopo."

²¹Ke be ke iketlile, eupša yena a ntšhišinya; A ntshwara ka bokamorago bja molala a mpšhatlaganya, Le gona o mphetotše mohlaselwa wa gagwe."

²²Babetši ba gagwe ba mesebe ba a ntikanetša; O pharola dipshio tša ka ka bogare gomme a se be le lešoko; O tšhollela sabohloko sa ka fase."

²³O mphula mašoba; O kitimela go nna go etša mogale."

²⁴Ke rokile mekotla gore ke khupetše letlalo la ka, Seriti sa ka ke se lahletše leroleng."

²⁵Sefahlego sa ka se hubaditšwe ke go lla, Moriti wa lehu o mahlong a ka,"

²⁶Le ge diatla tša ka di se na bošoro, E bile thapelo ya ka e sekile."

²⁷Wena lefase, o se ke wa khupetša madi a ka! Le gona a dillo tša ka di se khutišwe!"

²⁸Le gona tseba gore magodimong go na le yo a ntlhatselago, Hlatse ya ka e kua godimo."

²⁹Bagwera ba ka ke baboleledi bao ba bolelago gampe ka nna; Mahlo a ka a lebeletše Modimo ke se na boroko."

³⁰Go tla dirwa phetho magareng ga monnatia le Modimo, Ya go etša ya magareng ga motho le wa gabo."

³¹Gobane go tlo tla nywaga e sego kae feela, Ke tla sepela ka tsela yeo nka se boego ka yona."

³²“Ke nolegile moko, matšatši a ka a fedile; Lebitla le nkemetše."

³³Ke a kwerwa, Le mahlo a ka a dulela go bona boitshwaro bja bona bja borabele."

³⁴Hle anke o be kgonthišetšo ya ka. Ke mang yo mongwe yo a lego gona yo a tlago go fana diatla le nna e le go dira tlamo?"

³⁵O tswaleletše dipelo tša bona temogo. Ke ka baka leo o sa ba phagamišego."