Job's Confidence

¹O bile o patagantše dinao tša ka ka dikota setokising, Le gona o šetša ditsela tša ka ka moka; O thalela bogato bja dinao tša ka mollwane."

²Nna ke bjalo ka selo se se bodilego seo se hwelelago; Ke bjalo ka seaparo seo se jewago ke tshwele."

³“Motho yo a belegwego ke mosadi O phela nako e kopana gomme o tlaletšwe ke pherekano."

⁴O thunya bjalo ka letšoba gomme a ripša, O tšhaba bjalo ka moriti gomme ga a tšwele pele a le gona."

⁵Ee, yena yo o mo tsepeletše, Ge e le nna o nkiša tshekong."

⁶Ke mang a ka tšweletšago motho wa go hlweka go wa go se hlweke? Ga go le o tee."

⁷Ge e ba matšatši a gagwe a badilwe, Gona palo ya dikgwedi tša gagwe e go wena; O ntšhitše taelo ya gore a se a fete."

⁸Lesa go mo tsepelela gore a khutše, Go fihlela a thaba go etša ge mothwalwa a dira bjalo letšatšing la gagwe."

⁹Gobane go na le kholofelo gaešita le ka sehlare. Ge e ba se ka ripša, se tla buša sa hloga gape, Thabe ya sona e tla dula e le gona."

¹⁰Ge modu wa sona o ka tšofalela mo mmung, Kutu ya sona ya hwela leroleng,"

¹¹Ge se ekwa monola wa meetse se tla hloga. Se tla tšweletša thabe ya lekala go etša semela se senanana."

¹²Eupša monnatia o a hwa gomme a rapalala a fentšwe; Motho wa lefaseng o a hwa, gomme o kae?"

¹³Meetse a a pšha lewatleng, Noka le yona e a gopa ke moka ya oma."

¹⁴Motho le yena o robala lehung gomme ga a tsoge. Ba ka se tsoge go fihlela ge legodimo le se sa le gona, Le gona ba ka se tsošwe borokong."

¹⁵A mola o ka be o nkuta Bodulabahu, Wa ntira sephiri go fihlela o gomiša bogale bja gago, Wa mpeela nako gomme wa nkgopola!"

¹⁶Ge e ba monna a ehwa, na a ka buša a phela? Ke tla leta matšatšing a ka ka moka a ge ke sa gapeletšega go leta, Go ba go fihla kimologo ya ka e etla."

¹⁷O tla bitša, gomme nna ke tla go araba. O tla hlologela modiro wa diatla tša gago."

¹⁸Gobane ga bjale o bala dikgato tša ka; Ga o šetše selo ge e se sebe sa ka."

¹⁹Ka mokotleng go tswaleletšwe dikarogo tša ka, O kgomaretša melato ya ka ka sekgomaretši."

²⁰Lega go le bjalo, thaba yeo e phušogago e tla felela, Gaešita le leswika le tla tlošwa lefelong la lona."

²¹Meetse a kgobola maswika; Mafula a ona a gogola lerole la lefase. Ke kamoo o fedišitšego kholofelo ya motho wa nama le madi."

²²O mo fekeeletša ruri e le gore a hwelele; O senya sefahlego sa gagwe e le gore o mo rake."

²³Barwa ba gagwe ba a godišwa, eupša yena ga a tsebe seo; Ba fetoga ba go se re selo, eupša yena ga a lemoge seo."

²⁴Ge feela a sa phela mmeleng o tla kwa bohloko, Ge a sa phela o tla lla.”"

²⁵Elifase wa Themane a araba a re:"

²⁶“Na motho yo bohlale a ka araba ka tsebo ya lefeela, Goba na a ka tlatša pelo ya gagwe ka dikgopolo tše di gobatšago?"

²⁷Go no kgalema ka lentšu go ka se thuše selo, Go no bolela go nnoši go ka se hole selo."

²⁸Lega go le bjalo, ge e le wena o dira gore go boifa Modimo go se be matla, Le gona o dira gore go kgomega le ge e le gofe ka Modimo go fokotšege."