Job Replies to Zophar

¹Seo le se tsebago le nna ke a se tseba; Ga le mphete ka selo."

²Lega go le bjalo, ge e le nna ke tla bolela le Ramatlaohle, Ke tla kgahlwa ke go tšeišana kgang le Modimo."

³Ge e le lena le phara batho ka maaka; Ka moka ga lena le dingaka tša go hloka mohola."

⁴A mola le be le ka ikhomolela, E le gore seo e be bohlale go lena!"

⁵Hle ekwang ge ke iphetolela, Gomme le theetšeng ge melomo ya ka e phophotha."

⁶Na le ka bolelela Modimo ka tše a rego ga di a loka, Gomme na le ka mmolelela ka tše a rego ke tša bofora?"

⁷Na le tla be le beba sefahlego sa gagwe, Goba na le tla lwela Modimo wa therešo molaong?"

⁸Na e tla ba mo gobotse gore a le lekole? Goba na le tla mo hlalefetša go etša ge motho wa nama le madi a hlalefetšwa ke yo mongwe?"

⁹Ruri o tla le kgalema Ge e ba ka sephiring le leka go beba sefahlego sa ba bangwe;"

¹⁰Na bogolo bja gagwe bo ka se le tsenye letšhogo, Le gona na le ka se tšhoge ge a le tšhoša?"

¹¹Dipolelo tša lena tše bohlale ke diema tše di se nago mohola go etša melora; Mekgabišo ya dikotse tša lena e etša mekgabišo ya dikotse ya letsopa."

¹²Homolang gomme go bolele nna. Ke moka anke ke welwe ke selo le ge e le sefe!"

¹³Go re’ng bophelo bja ka bo le kotsing, E bile ke bo bea kotsing?"

¹⁴Le ge e ba a ka mpolaya ka sehlogo, na nka se lete? Ke tla no tšeišana kgang le yena ka ditsela tša ka ke le pele ga sefahlego sa gagwe."

¹⁵Le gona e tla ba phološo ya ka, Gobane ga go mohlanogi yo a ka tlago pele ga gagwe."

¹⁶Ekwang mantšu a ka gabotse, Ditsebe tša lena di theetše se ke se bolelago."

¹⁷Ntheetšeng hle! Ke tlišitše taba e nyakago toka; Ke tseba gabotse gore nna ga ke na molato."

¹⁸Ke mang a tlago go phenkgišana le nna? Gobane ge e ba ga bjale nka homola gona ke tla hwa!"

¹⁹Ke dilo tše pedi feela tše ke sa nyakego o ntira tšona; Ge e ba go le bjalo nka se ikute feela ka baka la gago;"

²⁰Iša seatla sa gago kgole le nna, Go boifiša ga gago anke go se ntšhoše."

²¹Wena bitša gomme nna ke arabe; Goba nna ke bolele wena o nkarabe."

²²Ke ka tsela efe ke nago le melato le dibe? Ntsebiše dikarogo tša ka le sebe sa ka."

²³Go re’ng o uta sefahlego se sa gago Gomme o ntšea ke le lenaba la gago?"

²⁴Na o tla tšhoša letlakalanyana leo le iphofelago, Goba na o tla rakediša mahlakanyana a go oma?"

²⁵Gobane o ngwala dilo tše bohloko ka nna Gomme o nkweša ditlamorago tša melato ya bofseng bja ka."