Zophar's First Speech

¹Lega go le bjalo, hle kgopela diruiwa, tšona di tla go ruta; Le dinonyana tša magodimo gomme di tla go botša."

²Goba bontšha kgahlego ka lefase gomme le tla go ruta; Le dihlapi tša lewatle di tla go botša."

³Ke mang gare ga tše ka moka a sa tsebego gabotse Gore seatla sa Jehofa ka bosona se dirile tše,"

⁴Yoo ka seatleng sa gagwe go lego moya wa yo mongwe le yo mongwe yo a phelago Le moya wa nama ka moka ya motho?"

⁵A tsebe yona ga e lekole mantšu Go etša ge magalagapa a ekwa tatso ya dijo?"

⁶A bohlale ga bo hwetšwe gare ga batšofadi, Le gona a kwešišo ga e hwetšwe ka go ata ga matšatši?"

⁷Bohlale le matla di go yena; O na le keletšo le kwešišo."

⁸Bona! O a phušola, gore go se agiwe; O tswalelela motho, gore go se bulwe."

⁹Bona! O thibela meetse gomme a pšha; O a a roma gomme a fetoša lefase."

¹⁰Matla le bohlale bjo bo holago di go yena; Yo a dirago phošo le yo a timelago ke ba gagwe;"

¹¹O dira gore baeletši ba sepele ba sa rwala selo dinaong, Baahlodi bona a ba dira gore ba gafe."

¹²O tlemolla ditlemo tša dikgoši, A di tlema ka lepanta mathekeng."

¹³O dira gore baperisita ba sepele ba sa rwala selo dinaong, Bao ba duletšego ruri o a ba phekgola;"

¹⁴Bao ba botegago o ba hlokiša molomo, Bakgalabje bona o ba amoga tlhaologanyo;"

¹⁵O nyatša bakgomana, A hlephiša lepanta la ba matla;"

¹⁶O utolla dilo tše di tseneletšego leswiswing, A tliša kgampi ya leswiswi seetšeng;"

¹⁷A godiša ditšhaba, gore a di fediše; A atiša ditšhaba, gore a di iše bothopša;"

¹⁸A amoga bao e lego dihlogo tša batho ba naga tlhaologanyo, Gore a ba raladiše molaleng moo go sego tsela."

¹⁹Ba phopholetša leswiswi moo go sego seetša, Gore a ba raladiše bjalo ka letagwa."

²⁰“Bona! Tše ka moka leihlo la ka le di bone, Tsebe ya ka e di kwele gomme e a di eleletša."