Restoration Promised

¹Gobane go tla tla letšatši leo baleti bao ba lego tikologong ya dithaba tša Efuraime ba tlago go goeletša, ba re: ‘Emang, lena banna, re rotogeleng Tsione, go Jehofa Modimo wa rena.’”"

²Ka gobane se ke seo Jehofa a se boletšego a re: “Goeletšang Jakobo le thabile, le goeletše ka lethabo ka gobane le hlogo ya ditšhaba. Tsebatšang seo. Neang tumišo le re: ‘Phološa batho ba gago, wena Jehofa, ona mašaledi a Isiraele.’"

³Šefa ke ba tliša ba etšwa nageng ya ka leboa gomme ke tla ba kgoboketša go tšwa dikarolong tša kgole kudu tša lefase. Gare ga bona go tla ba le difofu, dihlotša le basadi ba baimana le bao ba belegago, ka moka ba le gotee. Ba tla boela mo e le phuthego e kgolo."

⁴Ba tla tla ba lla, gomme ke tla ba tliša ba le gare ba lopa gore ba gaugelwe. Ke tla ba sepedišetša meeding ya mafula a meetse, tseleng e lokilego yeo ba ka se kego ba kgopša go yona. Ka gobane ke Tatago Isiraele; ge e le Efuraime, yena ke leitšibulo la ka.”"

⁵Ekwang lentšu la Jehofa, lena ditšhaba, le le boleleng dihlakahlakeng tša kgole, le re: “Yo a gašanyago Isiraele o tla e kgoboketša gomme o tla e lota go etša modiši ge a lota mohlape wa gagwe."

⁶Ka gobane Jehofa o tla lopolla Jakobo le go mo phološa seatleng sa yo a mo fetago ka matla."

⁷Ba tla tla gomme ba goelela ka lethabo godimo ga thaba ya Tsione, ba thaba ka baka la go loka ga Jehofa, le ka baka la mabele le beine e mpsha le makhura le diputšane, dikwana le dinamane. Moya wa bona o tla ba bjalo ka serapa se se nošetšwago gabotse, le gona ba ka se felelwe ke matla le ka mohla.”"

⁸“Ka nako yeo kgarebe e tla thabela go bina, gotee le masogana le bakgalabje, ka moka ga bona. Ke tla fetoša sello sa bona ya ba tlhalalo, ka ba homotša le go ba thabiša gore ba be kgole le manyami a bona."

⁹Ke tla khoriša moya wa baperisita ka motlalo wa dijo, gomme batho ba ka ba tla kgotsofatšwa ke go loka ga ka,” o re’alo Jehofa."

¹⁰“Se ke seo Jehofa a se boletšego a re: ‘Kua Rama go kwala lentšu, go kwala sello le go lla gabohloko; Ragele o llela bana ba gagwe. O ganne go homotšwa ka baka la bana ba gagwe ka gobane ga ba sa le gona.’”"

¹¹Se ke seo Jehofa a se boletšego a re: “‘Lesa go lla, le mahlo a gago a se ke a tšwa megokgo, gobane modiro wa gago o tla putswa,’ o re’alo Jehofa, ‘le gona ba tla boa nageng ya lenaba.’"

¹²“‘Go na le kholofelo ka bokamoso bja gago,’ o re’alo Jehofa, ‘gomme bana ba tla boela seleteng sa bona.’”"

¹³“Ke kwele Efuraime a itelela, a re: ‘O mphošolotše, gore ke phošollwe, go etša namane yeo e sego ya tlwaetšwa. Ntshokolle, gomme ke tla sokologa ka bolokologi, ka gobane o Jehofa Modimo wa ka."

¹⁴Ka morago ga gore ke sokologe ke ile ka itshola; ka morago ga gore ke tsebišwe ke ile ka iphasola seropeng. Ke ile ka hlabja ke dihlong, ka ba ka kwa ke inyatša, ka gobane ke be ke rwele kgobogo ya bofseng bja ka.’”"

¹⁵“Na Efuraime ga se morwa wa ka yo bohlokwa goba ngwana yo ke mo swarago ka lerato? Ka gobane tsela yeo ke mo solago ka yona ke yona yeo ruri ke tlago go mo gopola ka yona go ya pele. Ke ka baka leo mala a ka a huduegilego ka baka la gagwe. Ke tla mo šokela e le ruri,” o re’alo Jehofa."

¹⁶“Itlhomele maswao a tsela. Ipeele maswao. Lebiša pelo ya gago tseleng e kgolo, tsela yeo o tla sepelago ka yona. Boa, wena kgarebe ya Isiraele. Boela metsaneng ye ya gago."

¹⁷O tla retologela kua le kua lebaka le lekaaka’ng, wena morwedi wa go se botege? Ka gobane Jehofa o hlotše selo se sefsa lefaseng: Mosadi o tla dikologa monnatia.”"

¹⁸Se ke seo Jehofa wa madira, Modimo wa Isiraele, a se boletšego a re: “Ba tla buša ba bolela lentšu le nageng ya Juda le metsaneng ya yona, nakong ya ge ke tla kgoboketša mathopša a bona, ba re: ‘Anke Jehofa a go šegofatše, wena lefelo la bodulo la go loka, wena thaba e kgethwa.’"

¹⁹Juda le metsana ya yona ka moka di tla dula go lona di le ka moka, gotee le balemi le bao ba tšwilego le mohlape."

²⁰Ka gobane ke tla lapološa moya o lapilego gomme ka horiša moya o mongwe le o mongwe o fokolago.”"

²¹Ka baka la se ke ile ka phafoga gomme ka go bona; ge e le boroko bja ka, bjona bo be bo ntsefetše."

²²“Tsebang gore go tla matšatši ao ka ona ke tla bjalago peu ya motho le peu ya diruiwa ntlong ya Isiraele le ntlong ya Juda,” o re’alo Jehofa."

²³“Go etša ge ke ile ka ela hloko taba ya gore ke ba tumole le go ba phušola le go ba rutla le go ba senya le go ba fediša, ka mo go swanago ke tla ela hloko taba ya gore ke ba age le go ba bjala,” o re’alo Jehofa."

²⁴“Mehleng yeo ba ka se sa re: ‘Botate ke bona ba jelego diterebe tša go se butšwe, eupša meno a barwa ya ba ona a šiago.’"