Jeremiah Threatened

¹Bjale ge e le nna ke gafetše dinaga tše ka moka seatleng sa Nebukadinetsara kgoši ya Babilona, yena mohlanka wa ka; ke mo neile le diphoofolo tša naga gore di mo hlankele."

²Ditšhaba ka moka di tla mo hlankela, tša hlankela le morwa wa gagwe gotee le setlogolo sa gagwe go fihla go etla nako ya go senywa ga naga ya gagwe, gomme ditšhaba tše dintši le dikgoši tše dikgolo di tla mo šomiša gampe bjalo ka mohlanka.’"

³“‘“‘Ge go ka ba le setšhaba le mmušo tšeo di ka se mo hlankelego, yena Nebukadinetsara kgoši ya Babilona; setšhaba seo se ka se kego sa rwala joko ya kgoši ya Babilona molaleng wa sona, ke tla se otla ka tšhoša le ka tlala gotee le ka leuba la bolwetši,’ o re’alo Jehofa, ‘go fihlela ke se feditše ka seatla sa gagwe.’"

⁴“‘“‘Ge e le lena, le se ke la theetša baporofeta ba lena, dinoge tša lena, balori ba lena, boramalea ba lena gotee le baloi ba lena bao ba rego go lena: “Le ka se hlankele kgoši ya Babilona.”"

⁵Seo ba le porofetelago sona ke maaka, ka morero wa gore le išwe kgole le naga ya lena; ke tla le tšitlanya gomme la fedišwa."

⁶“‘“‘Ge e le setšhaba seo se tla rwalago joko ya kgoši ya Babilona molaleng wa sona sa e hlankela, le sona ke tla se khutšiša nageng ya sona,’ o re’alo Jehofa, ‘gomme se tla e lema le go dula go yona.’”’”"

⁷Gaešita le Tsedekia kgoši ya Juda ke mmoditše go ya ka mantšu a ka moka, ka re: “Rwalang joko ya kgoši ya Babilona melaleng ya lena le e hlankele, yona le batho ba yona gomme le tšwele pele le phela."

⁸Ke ka baka la’ng ge wena le batho ba gago le ka hwa ka tšhoša, ka tlala gotee le ka leuba la bolwetši go ya ka seo Jehofa a se boditšego setšhaba seo se sa hlankelego kgoši ya Babilona?"

⁹Le se ke la theetša mantšu a baporofeta bao ba rego go lena: ‘Le ka se hlankele kgoši ya Babilona,’ ka gobane seo ba le porofetelago sona ke maaka."

¹⁰“‘Ka gobane ga se ka ba roma,’ o re’alo Jehofa ‘eupša bona ba porofeta maaka ka leina la ka, moo ke tlago go ba ka le tšitlanya, gomme le tla fedišwa, lena gotee le baporofeta bao ba le porofetelago.’”"

¹¹Ke boletše le baperisita le batho ba ka moka, ka re: “Se ke seo Jehofa a se boletšego: ‘Le se ke la theetša mantšu a baporofeta ba lena bao ba le porofetelago, ba re: “Tsebang gore dibjana tša ntlo ya Jehofa di tla tloga di bušwa Babilona!” Ka gobane ba le porofetela maaka."

¹²Le se ke la ba theetša. Hlankelang kgoši ya Babilona gomme le tšwele pele le phela. Ke ka baka la’ng ge motse wo o swanetše go šwalalanywa?"

¹³Eupša ge e ba e le baporofeta gomme ba na le lentšu la Jehofa, anke hle ba lope Jehofa wa madira, e le gore dibjana tšeo di šetšego ntlong ya Jehofa le ntlong ya kgoši ya Juda gotee le Jerusalema di se ke tša išwa Babilona.’"

¹⁴“Gobane se ke seo Jehofa wa madira a se boletšego mabapi le dikokwane le sebjana se segolo le dikoloi gotee le tše di šetšego tša dibjana tše di šetšego motseng wo,"

¹⁵tšeo Nebukadinetsara kgoši ya Babilona a bego a sa di tšea ge a be a tšea Jekonia morwa wa Jehoyakima, kgoši ya Juda, Jerusalema a mo iša bothopša Babilona gotee le bakgomana ka moka ba Juda le Jerusalema;"

¹⁶gobane se ke seo Jehofa wa madira, Modimo wa Isiraele, a se boletšego mabapi le dibjana tšeo di šetšego ntlong ya Jehofa le ntlong ya kgoši ya Juda le Jerusalema, a re:"

¹⁷‘“Di tla išwa Babilona tša ba moo go fihla mohlang ke di šetša,” o re’alo Jehofa. “Ke tla di rotoša ka di bušetša lefelong le.”’”"

¹⁸Ngwageng wona woo, mathomong a mmušo wa Tsedekia kgoši ya Juda, e lego ngwageng wa bone, kgweding ya bohlano, ke moo Hanania morwa wa Atsuri, moporofeta yo a bego a etšwa Gibeoni, a mpoditšego ke le ntlong ya Jehofa pele ga mahlo a baperisita le a batho ka moka, a re:"

¹⁹“Se ke seo Jehofa wa madira, Modimo wa Isiraele, a se boletšego, a re: ‘Ke tla roba joko ya kgoši ya Babilona."

²⁰Pele ga ge nywaga e mebedi e fela ke tla bušetša dibjana ka moka tša ntlo ya Jehofa lefelong le, tšeo Nebukadinetsara kgoši ya Babilona a di tšerego lefelong le a di iša Babilona.’”"

²¹“‘Ke tla bušetša Jekonia morwa wa Jehoyakima, kgoši ya Juda, gotee le mathopša ka moka a Juda ao a tlilego Babilona lefelong le,’ o re’alo Jehofa, ‘ka gobane ke tla roba joko ya kgoši ya Babilona.’”"

²²Moporofeta Jeremia a tšwela pele a re go moporofeta Hanania pele ga mahlo a baperisita le pele ga mahlo a batho ka moka bao ba bego ba eme ka ntlong ya Jehofa;"

²³ee, moporofeta Jeremia a re: “Amene! Anke Jehofa a dire bjalo! Anke Jehofa a tiiše mantšu a gago ao o a porofetilego ka gore a bušetše dibjana tša ntlo ya Jehofa lefelong le gotee le batho ka moka ba thopilwego ba tšwago Babilona."

²⁴Lega go le bjalo, hle ekwa lentšu le leo ke le bolelago wena le batho ka moka le hlwaile tsebe."