The Potter's House

¹“‘“Ka gona tsebang gore go tla matšatši ao ka ona lefelo le le ka se hlwego le sa bitšwa Thofethe le moedi wa morwa wa Hinomo, eupša le tla bitšwa moedi wa polao,” o re’alo Jehofa."

²Ke tla dira gore morero wa Juda le wa Jerusalema e be lefeela lefelong le, gomme ke tla dira gore ba bolawe ka tšhoša pele ga manaba a bona le go bolawa ka seatla sa bao ba tsomago moya wa bona. Ke tla nea dinonyana tša legodimo le dibata tša naga ditopo tša bona gore e be dijo tša tšona."

³Ke tla dira motse wo selo seo se tlabago le selo seo se leletšwago molodi ka go kgotsa. Yo mongwe le yo mongwe yo a fetago go wona o tla o tsepelela a tlabegile a ba a letša molodi ka go kgotsa ka baka la dikotlo tša wona ka moka."

⁴Ke tla dira gore ba je nama ya barwa ba bona le ya barwedi ba bona; yo mongwe le yo mongwe wa bona o tla ja nama ya wa gabo, ka baka la boemo bjo thata le ka baka la kgatelelo yeo manaba a bona le bao ba tsomago moya wa bona ba tla ba pitlaganyago ka tšona.”’"

⁵“O pšhatle legapa mahlong a banna bao ba sepelago le wena."

⁶O re go bona: ‘Se ke seo Jehofa wa madira a se boletšego: “Ka tsela e swanago ke tla pšhatla batho ba le motse wo go etša ge motho a pšhatla sebjana sa mmopi yo a bopago ka letsopa moo se ka se hlwego se momaganywa; ba tla boloka kua Thofethe go ba go fihla go se sa na lefelo la go bolokela.”’"

⁷“‘Ke kamoo ke tla dirago lefelo le ka gona,’ o re’alo Jehofa, ‘ka dira gotee le badudi ba lona, gaešita le go dira motse wo gore o swane le Thofethe."

⁸Dintlo tša Jerusalema le dintlo tša dikgoši tša Juda di tla swana le lefelo la Thofethe, e be tšeo di sa hlwekago, ke gore, dintlo ka moka tšeo ditlhakeng tša tšona ba bego ba thuntšhetša makoko ka moka a legodimo muši wa dihlabelo e bile go tšhelelwa medimo e mengwe dibego tša dino.’”"

⁹Jeremia a tla a etšwa Thofethe, moo Jehofa a bego a mo romile gona gore a yo porofeta le gore a eme lapeng la ntlo ya Jehofa gomme a re go batho ka moka:"

¹⁰“Se ke seo Jehofa wa madira, Modimo wa Isiraele, a se boletšego: ‘Šefa ke tlišetša motse wo le metsana ya wona ka moka bošula ka moka bjoo ke bo boletšego ka wona, ka gobane ba thatafaditše melala ya bona gore ba se kwe mantšu a ka.’”"

¹¹Pashuri morwa wa Imere, yo e lego moperisita, e bile e le molaodi yo a etelelago pele ntlong ya Jehofa, a theetša Jeremia ge a le gare a porofeta mantšu a."

¹²Pashuri a otla moporofeta Jeremia gomme a mo tsenya ka setokising seo se bego se le Kgorong ya ka Godimo ya Benjamini, yeo e bego e le ntlong ya Jehofa."

¹³Eupša ya re letšatšing le le latelago Pashuri a ntšha Jeremia setokising; Jeremia a re go yena: “Jehofa ga a go bitše ka leina la Pashuri, eupša o go bitša ka la Tšhogo-thoko-tšohle."

¹⁴Se ke seo Jehofa a se boletšego a re: ‘Šefa ke dira gore o itšhoše o be o tšhoše le baratiwa ba gago ka moka gomme ba tla bolawa ka tšhoša ya manaba a bona mahlo a gago a lebeletše; ke tla gafela batho ba Juda ka moka seatleng sa kgoši ya Babilona, e tla ba iša bothopša Babilona gomme ya ba bolaya ka tšhoša."

¹⁵Ke tla gafa dilo ka moka tšeo di bolokilwego tša motse wo le ditšweletšwa ka moka tša wona le dilo ka moka tša wona tša bohlokwa; matlotlo ka moka a dikgoši tša Juda ke tlo a gafela seatleng sa manaba a bona. A tla a hula, a a tšea gomme a a tliša Babilona."

¹⁶Ge e le wena Pashuri, le badudi ka moka ba ntlo ya gago, le tla ya bothopša; o tla ya Babilona, wa hwela moo gomme o tla bolokwa gona gotee le baratiwa ba gago ka moka, ka gobane o ba porofetetše tša bofora.’”"

¹⁷O ntahleditše, wena Jehofa, mo ke ilego ka lahletšega. O ipontšhitše gore o mpheta ka matla gomme wa fenya. Ke segilwe letšatši ka moka; yo mongwe le yo mongwe o a nkwera."

¹⁸Gantši ge ke bolela, ke a goeletša. Ke goeletša bošoro le tshenyego. Ka gobane lentšu la Jehofa le mpaketše kgobošo le dikwero letšatši ka moka."

¹⁹Ke itše: “Nka se sa bolela ka yena gomme nka se sa hlwa ke bolela ka leina la gagwe.” Pelong ya ka gwa ba bjalo ka ge eka ke mollo o fišago wo o tswaleletšwego marapong a ka; ka lapa go homola gomme ka se sa kgotlelela."

²⁰Ka gobane ke kwele pego e mpe ka ba bantši. Go be go na le letšhogo thoko tšohle. Go thwe: “Mmegeng, e le gore le rena re mmege.” Motho yo mongwe le yo mongwe yo a itirago eka o na le khutšo le nna—ba lebeletše gore ke hlotše, ba re: “Mohlomongwe a ka forwa gore a dire phošo, e le gore re ka mo fenya gomme ra itefeletša go yena.”"

²¹Eupša Jehofa o be a na le nna a etša mogale yo a šiišago. Ke ka lebaka leo bao ba ntlaišago ba tlago go kgopša gomme ba ka se fenye. Ba tla hlabišwa dihlong kudu, ka gobane ba tla be ba se ba atlega. Go kokobetšwa ga bona ga neng le neng e tla ba mo go ka se kego gwa lebalwa."

²²Eupša wena Jehofa wa madira, o hlahloba yo a lokilego; o bona dipshio le pelo. Anke ke bone tefetšo ya gago go bona, ka gobane ke utolletše wena taba ya ka molaong."

²³Opelelang Jehofa! Tumišang Jehofa! Ka gobane o hlakodišitše moya wa modiidi seatleng sa badirabobe."