Final Judgment and Hope

¹Lentšu la Jehofa la ntlela la re:"

²“Ke go tsebile pele ke go bopa ka mpeng, ka go kgethagatša pele ga ge o etšwa ka popelong. Ke go dirile moporofeta ditšhabeng.”"

³Eupša nna ka re: “Joo Mmuši Morena Jehofa! Ga ke tsebe go bolela, gobane ke fo ba mošemanyana.”"

⁴Jehofa a re go nna: “O se ke wa re: ‘Ke fo ba mošemanyana.’ Eupša o tla ya go bohle bao ke tlago go go roma go bona; tšohle tšeo ke tlago go go laela tšona, o tla di bolela."

⁵O se ke wa boifa difahlego tša bona, gobane ‘ke na le wena gore ke go hlakodiše,’ o re’alo Jehofa.”"

⁶Jehofa a napa a ntšha seatla sa gagwe sa kgwatha molomo wa ka. Ke moka Jehofa a re go nna: “Šefa ke tsentše mantšu a ka molomong wa gago."

⁷Tseba gore lehono ke go beile gore o okamele ditšhaba le mebušo, e le gore o tumole, o phušole, o senye, o rutle, o age o be o bjale.”"

⁸Lentšu la Jehofa la tšwela pele la ntlela la re: “O bona’ng Jeremia?” Nna ka re: “Ke bona lekala la moalmonte.”"

⁹Jehofa a re go nna: “O bone gabotse, ka gobane ke dula ke phafogetše lentšu la ka gore ke le phethe.”"

¹⁰Lentšu la Jehofa la buša la ntlela ka lekga la bobedi la re: “O bona’ng?” Nna ka re: “Ke bona pitša ya go apea ya molomo o ahlamego yeo e butšwetšwago gomme molomo wa yona o furaletše leboa.”"

¹¹Ke moka Jehofa a re go nna: “Bošula bo tla tla bo etšwa ka leboa bo tlela badudi ka moka ba naga."

¹²Gobane ‘ke bitša meloko ka moka ya mebušo ya ka leboa,’ o re’alo Jehofa; ‘e tla tla gomme o mongwe le o mongwe wa yona wa bea sedulo sa wona sa bogoši mojakong wa dikgoro tša Jerusalema le go dikologa merako ka moka ya gona le hleng ga metse ka moka ya Juda."

¹³Ke tla ba ntšhetša dikahlolo tša ka ka baka la bobe bjohle bja bona, ka ge ba ntlogetše, ba duletše go thuntšhetša muši wa dihlabelo go medimo e mengwe le go khunamela mediro ya diatla tša bona.’"

¹⁴“Ge e le wena, o itleme matheka, o eme gomme o ba botše tšohle tšeo nna ke go laelago tšona. O se ke wa tšhoga selo ka baka la bona, e le gore ke se ke ka go tsenya letšhogo pele ga bona."

¹⁵Eupša ge e le nna, šefa lehono ke go dirile motse o šireleditšwego, kokwane ya tšhipi le merako ya koporo go bapa le naga ka moka, go dikgoši tša Juda, go dikgošana tša yona, go baperisita ba yona le go batho ba naga."

¹⁶Ba tla lwa le wena, eupša ba ka se go fenye, ka gobane ‘ke na le wena gore ke go hlakodiše,’ o re’alo Jehofa.”"

¹⁷Lentšu la Jehofa la ntlela la re:"

¹⁸“Eya o bolele le Jerusalema e hlwaile tsebe o re: ‘Se ke seo Jehofa a se boletšego: “Ke gopola gabotse botho bja gago bja bofseng bja gago, lerato la nakong ya ge o be o beeleditšwe, ge o be o sepela ka morago ga ka kua lešokeng, nageng yeo e sa bjalwago peu."

¹⁹Isiraele e be e le selo se sekgethwa go Jehofa, dithakangwaga tša Gagwe.”’ ‘Batho le ge e le bafe bao ba e fedišago ba tla ikobela molato. Ba tla welwa ke bošula,’ go boletše Jehofa.”"

²⁰Ekwa lentšu la Jehofa, wena ntlo ya Jakobo, le lena malapa ka moka a ntlo ya Isiraele."

²¹Se ke seo Jehofa a se boletšego a re: “Ke’ng seo botatago lena ba se hweditšego go nna seo e bego e se sa toka, moo e lego gore ba ile ba ba kgole le nna, ba tšwela pele ba sepela ka morago ga modingwana wa lefeela gomme le bona ya ba lefeela?"

²²Ga se ba ka ba botšiša gore: ‘Jehofa o kae, Yena yoo a re ntšhago nageng ya Egipita, Yena yo a re phatšišago lešokeng, nageng ya leganata le melete, nageng e se nago meetse le ya kgampi ya leswiswi, nageng yeo go yona go sa kago gwa feta motho le yeo go sa kago gwa dula motho?’"

²³“Ka feleletša ke le tlišitše nageng ya serapa sa dienywa, gore le je dienywa tša sona le dilo tša sona tše dibose. Eupša lena la tsena la šilafatša naga ya ka; bohwa bja ka la bo dira selo seo se šišimišago."

²⁴Baperisita bona ga ba ka ba botšiša gore: ‘Jehofa o kae?’ Ge e le bao ba šomago ka molao ga se ba ka ba ntseba; badiši bona ba tshetše molao wa ka, baporofeta le bona ba porofetile tša Baali gomme ba sepela ka morago ga bao ba se nago mohola."