New Heavens and New Earth

¹“Motho yo a hlabago poo o swana le yo a bolayago motho. Yo a dirago sehlabelo ka nku o swana le yo a robago mpša molala. Yo a tlišago sebego sa mpho o swana le yo a tlišago madi a kolobe! Yo a fišago seorelo sa segopotšo o swana le yo a bolelago tšhegofatšo ka mantšu a bofora. Le gona ke batho bao ba kgethilego ditsela tša bona gomme moya wa bona o kgahlwa ke dilo tša makgapha."

²Ka gona, ke tla kgetha ditsela tša go ba kweša bohloko; ke tla ba tlišetša dilo tše di ba tšhošago; ka baka la gore ke ile ka bitša, eupša gwa se be le yo a arabago; ke boletše, eupša gwa se be le yo a theetšago; ba ile ba dira se sebe mahlong a ka gomme ba kgetha dilo tšeo di sa nkgahlego.”"

³Ekwang lentšu la Jehofa, lena bao le tšhošwago ke lentšu la gagwe, ge a re: “Bana babo lena bao ba le hloilego, bao ba le kgethollago ka baka la leina la ka, ba itše: ‘Anke Jehofa a tagafatšwe!’ Le gona o tla tšwelela go lena ka lethabo gomme bona ba tla hlabja ke dihlong.”"

⁴Go na le modumo wa mpherefere o tšwago motseng, modumo o tšwago tempeleng! Ke modumo wa Jehofa ge a bušetša manaba a gagwe seo se a swanetšego."

⁵Pele ga ge e šokwa, e ile ya belega. Pele e ka tlelwa ke bohloko bja pelego, e ile ya belega ngwana yo motona."

⁶Ke mang a kilego a kwa ka selo se swanago le se? Ke mang a kilego a bona dilo tše swanago le tše? Na naga e ka belegwa ka lešoko ka letšatši letee? Goba na setšhaba se ka belegwa ka nako e tee? Tsione e šokilwe ya ba ya belega bana ba yona."

⁷“Ge e le nna, na nka bula popelo gomme ka dira gore ngwana a se belegwe?” go bolela Jehofa. “Goba na nka dira gore ngwana a be kgauswi le go belegwa ke moka ka tswalela popelo?” go boletše Modimo wa gago."

⁸Thabang le Jerusalema le be le thabe le yona, lena barati ka moka ba yona. Hlalalang le yona ka kudu, lena bao le duletšego go e llela;"

⁹ka gobane le tla anya gomme la hwetša kgotsofalo letsweleng la khomotšo e tletšego yeo a e neago; ka gobane le tla hupa gomme la hwetša lethabo le legolo tlhokong ya letswele ya letago la gagwe."

¹⁰Se ke seo Jehofa a se boletšego a re: “Ke e nea khutšo e etšago noka le letago la ditšhaba le etšago lefula gomme le tla le anya. Le tla kukwa la bewa lehlakoreng gomme la farwa difarong."

¹¹Go etša monna yo mmagwe a dulago a mo homotša, le nna ke tla dula ke le homotša ka mo go swanago; le tla homotšwa ka baka la Jerusalema."

¹²Le tla bona e bile dipelo tša lena di tla hlalala gomme marapo a lena a tla hloga go etša bjang bjo bonanana. Seatla sa Jehofa se tla tsebja ke bahlanka ba gagwe, eupša o tla sola manaba a gagwe.”"

¹³“Šefa Jehofa o tla bjalo ka mollo, dikoloi tša gagwe di etša ledimo, e le gore a lefetše bogale bja gagwe ka pefelo e kgolo le kgalemelo ya gagwe ka dikgabo tša mollo."

¹⁴Ka kgonthe Jehofa bjalo ka mollo o tla ahlola nama ka moka ka lerumo la gagwe; bao ba bolailwego ke Jehofa e tla ba ba bantši."

¹⁵Bao ba ikgethagatšago le go itlhwekišetša go ya dirapeng tše ka morago ga yo a lego mo gare, ba eja nama ya kolobe le selo se se hlaswegago, gaešita le legotlo, bona ka moka ba tla fedišwa,” o re’alo Jehofa."

¹⁶“Ka ge ke tseba mediro ya bona le dikgopolo tša bona, ke a tla e le gore ke kgoboketše ditšhaba ka moka le maleme ka moka; ba tla tla gomme ba bone letago la ka.”"

¹⁷“Ke tla bea seka gare ga bona, ke tla romela ba bangwe ba bao ba phonyokgilego ditšhabeng, ke ba romela Tarashishi, Pule le Ludi, tšeo di ngangago bora, le Tubala le Jafane, dihlakahlaka tša kgole, tšeo di sa kago tša kwa ka nna goba tša bona letago la ka; ruri ba tla bolela letago la ka ditšhabeng."

¹⁸Ba tla tliša bana babo lena ka moka ba tšwago ditšhabeng ka moka e le mpho go Jehofa, ba nametše dipere le dikoloi le dikariki le dimeila le dikamela tša ditshadi tša lebelo thabeng ya ka e kgethwa, Jerusalema, go etša ge bana ba Isiraele ba tliša mpho ka sebjana se se hlwekilego ntlong ya Jehofa,” go boletše Jehofa."

¹⁹“Le gona ke tla tšea ba bangwe go bona gore e be baperisita le gore e be Balefi,” go boletše Jehofa."

²⁰“Go etša ge magodimo a mafsa le lefase le lefsa tšeo ke di dirago di eme pele ga ka, le bana ba lena le leina la lena di tla dula di eme bjalo,” o re’alo Jehofa."

²¹“Nama ka moka e tla tla go khunama pele ga ka go tloga kgweding e mpsha go ya go e nngwe le go tloga sabatheng e nngwe go ya go e nngwe,” go boletše Jehofa."

²²“Ba tla ya ba yo bogela ditopo tša banna bao ba bego ba ntshenyetša; diboko tšeo di lego go tšona di ka se hwe gomme le mollo wa tšona o ka se time, gomme di tla feroša nama ka moka dibete.”"

²³Mantšu a Jeremia morwa wa Hilikia, e lego yo mongwe wa baperisita bao ba bego ba le Anathothe nageng ya Benjamini;"

²⁴yo a tletšwego ke lentšu la Jehofa mehleng ya Josia morwa wa Amone, kgoši ya Juda, ngwageng wa lesometharo wa go buša ga gagwe."

²⁵La mo tlela gape le mehleng ya Jehoyakima morwa wa Josia, kgoši ya Juda, go fihlela go fela ngwaga wa lesometee wa pušo ya Tsedekia morwa wa Josia, kgoši ya Juda, go fihlela Jerusalema e išwa bothopša ka kgwedi ya bohlano."