Arise, Shine

¹Ge e le lena, le tla bitšwa baperisita ba Jehofa; go tla thwe le badiredi ba Modimo wa rena. Le tla ja matlotlo a ditšhaba gomme la ikgogomoša ka baka la mahumo a letago ao le a hweditšego go bona."

²Go e na le gore batho ba ka ba hlabje ke dihlong, ba tla bušetšwa gabedi, go e na le gore ba kokobetšwe ba tla goeletša ka lethabo ka baka la kabelo ya bona. Ka gona ba tla hwetša dikarolo tše pedi nageng ya bona. Ba tla thaba go iša mehleng ya neng le neng."

³Nna, Jehofa, ke rata toka gomme ke hloile bohlakodi le go se loke. Ke tla ba nea moputso wa bona ka go botega gomme ka dira kgwerano ya neng le neng le bona."

⁴Bana ba bona ba tla tsebja ditšhabeng, ditlogolo tša bona tša tsebja merafong. Ka moka bao ba ba bonago ba tla tseba gore ke bana bao ba šegofaditšwego ke Jehofa.”"

⁵Ruri ke tla hlalalela Jehofa. Moya wa ka o tla thabela Modimo wa ka. Ka gobane o nkapešitše diaparo tša phološo; o mphuthetše ka seaparo sa go hloka matsogo sa toko, go etša monyadi yo a rwalago hlogong go swana le moperisita, le go etša monyadiwa yo a ikgabišago ka dikgabiši."

⁶Go etša ge lefase le hlogiša dimela tša lona le go etša ge serapa se hlogiša tšeo di bjetšwego go sona, ka mokgwa o swanago Mmuši Morena Jehofa o tla hlogiša toko le tumišo pele ga ditšhaba ka moka."

⁷Nka se ke ka homola ka baka la Tsione, nka se ke ka dula ka kgosela ka baka la Jerusalema go fihlela go loka ga yona go etla bjalo ka letago gomme phološo ya yona e etla bjalo ka serumula seo se tukago."

⁸“Ditšhaba di tla bona go loka ga gago wena mosadi gomme dikgoši ka moka tša bona letago la gago. O tla bitšwa ka leina le lefsa, leo le tla bolelwago ke molomo wa Jehofa."

⁹O tla swana le mphapahlogo wa botse seatleng sa Jehofa, le tuku ya bogoši seatleng sa Modimo wa gago."

¹⁰O ka se sa bitšwa mosadi yo a tlogetšwego; le naga ya gago e ka se sa bitšwa lešope; eupša wena o tla bitšwa Yo a Nkgahlago gomme naga ya gago ya bitšwa Mosadi yo a Nyetšwego. Ka gobane o tla be o kgahlile Jehofa gomme naga ya gago e tla etša mosadi yo a nyetšwego."

¹¹Go etša ge lesogana le tšea kgarebe gore e be mosadi wa lona, barwa ba gago ba tla go tšea ba go dira mosadi wa bona. Modimo wa gago o tla go thabela go swana le ge monyadi a thabela monyadiwa."

¹²Wena Jerusalema, ke beile bahlapetši merakong ya gago. A ba se ke ba homola letšatši ka moka le bošego ka moka, ka mehla yohle. “Lena bao le bolelago ka Jehofa, le se ke la homola,"

¹³le se ke la homola la se bolele ka yena go ba go fihla a tiišitše Jerusalema, ee, go ba go fihla a e hlomile e le tumišo lefaseng.”"

¹⁴Jehofa o enne ka seatla sa gagwe sa le letona le ka letsogo la gagwe le matla, a re: “Nka se sa nea manaba a lena mabele a lena e le dijo, e bile bašele ba ka se nwe beine ya lena e mpsha yeo le itapišeditšego yona."

¹⁵Eupša bao ba kgobelago mabele ba tla a ja gomme ba tumiša Jehofa; bao ba kokotletšago beine ba tla e enwa malapeng a ka a makgethwa.”"

¹⁶Etšwang, etšwang ka dikgoro. Kgorelang batho tsela. Bulang tsela e kgolo, e buleng. Tlošang maswika go yona. Emišetšang merafo sefoka."

¹⁷Bonang! Jehofa o dirile gore se se kwale karolong ya kgolekgole ya lefase: “Botšang morwedi wa Tsione le re: ‘Bona! Phološo ya gago e a tla. Bona! O tla le moputso wo a o neago gomme meputso yeo a e lefago e pele ga gagwe.’”"

¹⁸Batho ba tla ba bitša setšhaba se sekgethwa, sona seo se rekolotšwego ke Jehofa; wena o tla bitšwa Motsongwa, Motse wo o sa Tlogelelwago sa Ruri."

¹⁹Ke mang yo yo a tšwago Edomo, yo a aperego diaparo tša mebala e tagago a etšwa Botsera, yo a aperego diaparo tša gagwe tše di hlomphegago, a gwanta ka matla a gagwe a magolo? “Ke Nna yo a bolelago se se lokilego, Yena yo a nago le matla a magolo a go phološa.”"

²⁰Ke ka baka la’ng diaparo tša gago di hwibitše gomme di le bjalo ka tša yo a gatakelago segatelong sa morara?"

²¹“Ke gataketše morara segatelong ke nnoši, go se motho yo a nago le nna yo a tšwago ditšhabeng. Ke ba gataketše ke galefile ka ba ka ba gatakela ke befetšwe. Madi a bona a tsurutlago a thankgeditše diaparo tša ka gomme ke šilafaditše diaparo tša ka ka"

²²Gobane letšatši la tefetšo le pelong ya ka gomme ngwaga wa batho ba ka ba rekolotšwego o tlile."