The Suffering Servant

¹“Bonang! Ke bopile setsebi sa mošomo wa diatla, sona seo se butšwetšago mollo wa magala gomme sa rula sebetša ka bokgoni bja sona. Ke Nna yo a bopilego mosenyi yo a senyago."

²Sebetša le ge e le sefe seo se rulelwago go lwa le wena se ka se atlege gomme leleme le ge e le lefe leo le go hlaselago kahlolong o tla le ahlola. Bjo ke bohwa bja bahlanka ba Jehofa gomme toko ya bona e tšwa go nna,” o re’alo Jehofa."

³Hee lena bohle bao le nyorilwego! Etlang meetseng. Le lena bao le se nago tšhelete! Etlang le rekeng gomme le je. Ee, etlang le rekeng beine le maswi go se tšhelete le tefo."

⁴Ke ka baka la’ng le duletše go lefelela seo e sego senkgwa ka tšhelete, le gona ke ka baka la’ng le itapišetša seo se sa tlišego kgotsofalo? Ntheetšeng ka kelohloko, le je dijo tše dibotse, le gona anke moya wa lena o thabele menono."

⁵Ntshekegeleng tsebe gomme le tle go nna. Theetšang, gomme moya wa lena o tla phela, le gona ruri ke tla dira kgwerano ya neng le neng le lena e lego mabapi le botho bjo bo botegago bjo bo holofeditšwego Dafida."

⁶Bonang! Ke mo kgethile gore e be hlatse ditšhabeng, ka mmea e le moetapele le molaodi ditšhabeng."

⁷Bonang! Wena o tla bitša setšhaba seo o sa se tsebego gomme ba setšhaba bao ba sa kago ba go tseba ba tla kitimela go wena ka baka la Jehofa Modimo wa gago le ka baka la Mokgethwa wa Isiraele ka gobane o tla be a go botsefaditše."

⁸Tsomang Jehofa a sa hwetšagala. Mmitšeng a sa le kgauswi."

⁹Anke motho yo kgopo a tlogele tsela ya gagwe, le yo kotsi a tlogele menagano ya gagwe; anke a boele go Jehofa yo a tlago go mo gaugela, le go Modimo wa rena ka gobane o tla mo lebalela kudu."

¹⁰“Ka gobane menagano ya lena ga se menagano ya ka, le ditsela tša lena ga se ditsela tša ka,” o re’alo Jehofa."

¹¹“Go etša ge magodimo a phagametše lefase, le ditsela tša ka di phagametše ditsela tša lena, gomme menagano ya ka e phagametše menagano ya lena."

¹²Go etša ge pula le kapoko di ena di etšwa magodimong gomme di sa boele gona ka ntle le gore di thapiše lefase le go dira gore le tšweletše gotee le go hlogiša, mobjadi a newa peu le moji a newa senkgwa,"