Israel's Sin and the Servant's Obedience

¹“Tsoga, tsoga, ema wena Jerusalema, wena yo a nwelego seatleng sa Jehofa senwelo sa gagwe sa bogale. O nwele senwelo sa beine, sona senwelo seo se thekesedišago wa se fetša."

²Go be go se le o tee wa bana ka moka bao a ba belegego yo a mo felegetšago gomme go be go se le o tee wa bana ka moka yo a mo swarago ka seatla."

³Go na le dilo tše pedi tšeo di tlago go go wela. O tla kwelwa ke mang bohloko? O tla šwalalanywa gomme wa senywa. O tla welwa ke tlala le tšhoša! O tla homotšwa ke mang?"

⁴Bana ba gago ba idibetše. Ba rapaletše magahlanong a ditsela ka moka go etša nku ya naga e tantšwego lokweng, e le bao ba wetšwego ka matla ke bogale le kgalemelo ya Jehofa, Modimo wa lena.”"

⁵Ka gona, theetša se hle, wena mosadi yo a hlakišwago le yo a tagilwego, eupša a sa tagwa ke beine."

⁶Se ke seo Morena wa gago, Jehofa, yena Modimo wa gago yo a lwelago batho ba gagwe a se boletšego a re: “Bonang! Ke tla go amoga senwelo se se thekesedišago seatleng sa gago. Senwelo sa beine, sona senwelo sa ka sa bogale, o ka se buše wa nwa go sona le ka mohla."

⁷Ke tla se bea seatleng sa bao ba go tshwenyago, bao ba itšego go moya wa gago: ‘Inama gore re fete,’ ka ge o be o tlwaetše go dira mokokotlo wa gago gore o etše lefase le gore o etše tsela ya bao ba fetago.”"

⁸Tsoga, tsoga, tia matla, wena Tsione! Apara diaparo tša gago tše dibotse, wena Jerusalema, motse o mokgethwa! Go wena go se sa hlwa go etla motho yo a sa bollago le yo a sa hlwekago."

⁹Itlhohlore lerole, ema o dule, wena Jerusalema. Tlemolla ditlemo molaleng wa gago, wena morwedi wa lethopša wa Tsione."

¹⁰Se ke seo Jehofa a se boletšego a re: “Le rekišitšwe ka lefeela gomme le tla rekollwa ka ntle le tšhelete.”"

¹¹Se ke seo Mmuši Morena Jehofa a se boletšego a re: “Ke Egipita moo batho ba ka ba ilego gona ka lekga la pele go yo dula e le badiiledi; ge e le Asiria yona e ile ya ba gatelela ka ntle le lebaka."