Sennacherib's Threat

¹Jesaya a re go bona: “Se ke seo le swanetšego go se botša mong wa lena, le re: ‘Se ke seo Jehofa a se boletšego: “Le se ke la boifa ka baka la mantšu ao le a kwelego ao bahlanka ba kgoši ya Asiria ba nkgobošitšego ka ona."

²Bjale ke mo tsenya moya gomme o tla kwa pego a boela nageng ya gabo; ke tla mo wiša ka tšhoša nageng ya gabo.”’”"

³Ka morago ga moo Rabashake a boa gomme a hwetša kgoši ya Asiria e elwa le Libina, gobane o be a kwele gore e tlogile Lakishi."

⁴A kwa go bolelwa ka Tirihaka kgoši ya Ethiopia go thwe: “O tlile go lwa le wena.” Ge a ekwa seo, a roma baromiwa le semeetseng go Hesekia, a re:"

⁵“Se ke seo le tla se botšago Hesekia kgoši ya Juda: ‘O se ke wa lesa Modimo wa gago yo o mmotilego a go fora ka gore: “Jerusalema e ka se gafelwe diatleng tša kgoši ya Asiria.”"

⁶O ikwetše ka noši seo dikgoši tša Asiria di se dirilego dinageng ka moka ka go di senya, na wena o re o tla hlakodišwa?"

⁷Na medimo ya ditšhaba tšeo borakgolokhukhu ba ka ba ilego ba di fediša e ile ya di hlakodiša, e lego tša Gotsana, Harane, Retsefa gotee le barwa ba Edene bao ba bego ba le Thele-asara?"

⁸E kae kgoši ya Hamathi, kgoši ya Arapadi, kgoši ya motse wa Sefarafaima, ya motse wa Hena le ya motse wa Ifa?’”"

⁹Hesekia a tšea lengwalo seatleng sa baromiwa a le bala, ka morago ga moo Hesekia a rotogela ntlong ya Jehofa gomme a le phutholla pele ga Jehofa."

¹⁰Ke moka Hesekia a rapela Jehofa, a re:"

¹¹“Wena Jehofa wa madira, Modimo wa Isiraele, wena o dutšego godimo ga bakerubi, ke wena o nnoši o lego Modimo wa therešo mebušong ka moka ya lefase. Ke wena o dirilego magodimo le lefase."

¹²Wena Jehofa, sekega tsebe gomme o kwe. Wena Jehofa, lebelela gomme o bone le go kwa mantšu ka moka ao Sanheribe a a rometšego go kwera wena Modimo yo a phelago."

¹³Wena Jehofa, ke therešo gore dikgoši tša Asiria di šwalalantše dinaga ka moka gotee le naga ya tšona."

¹⁴Medimo ya tšona e ile ya gafelwa mollong ka gobane e be e se medimo, eupša e le mediro ya diatla tša batho, e le dikota le maswika, gomme di e fedišitše."

¹⁵Bjale wena Jehofa Modimo wa rena, re phološe seatleng sa gagwe, e le gore mebušo ka moka ya lefase e tsebe gore wena Jehofa o Modimo o nnoši.”"

¹⁶Jesaya morwa wa Amotse a romela lentšu go Hesekia, a re: “Se ke seo Jehofa Modimo wa Isiraele a se boletšego: ‘Ka ge o nthapetše mabapi le Sanheribe kgoši ya Asiria,"

¹⁷le ke lentšu leo Jehofa a le boletšego malebana le yena, a re: “Kgarebe yeo e lego morwedi wa Tsione e go nyaditše, e go kwerile. Morwedi wa Jerusalema o šišintše hlogo a le ka morago ga gago."

¹⁸Ke mang yo o mo kwerilego le go mo goboša ka mantšu? O hlabošeditše lentšu la gago go mang? Na o emišetša mahlo a gago godimo? A ke re ke go Mokgethwa wa Isiraele!"

¹⁹O kwerile Jehofa ka bahlanka ba gago wa re: ‘Ka dikoloi tše dintši tša ntwa, Ke tla hlatlogela godimo ga dithaba Dikarolong tša kgolekgole tša Libanoni; Ke tla rema dihlare tša yona tše ditelele tša metsedara le dihlare tša yona tše dibotse tša mejunipere. Ke tla fihla tlhoreng ya yona, sethokgweng sa yona sa serapa sa dienywa."

²⁰Ge e le nna ke tla epa le go nwa meetse, Ke tla gopiša mekero ka moka ya Nile ya Egipita ka bogato bja dinao tša ka.’"

²¹Na ga se wa kwa? Se ke seo ke bego ke dutše ke tla se dira go tloga mehleng ya kgale. Ke se rerile le go tloga mehleng e fetilego. Bjale ke tla se phetha. Wena o tla šwalalanya metse e šireleditšwego ya fetoga mekgobo ya mašope."

²²Badudi ba yona ba tla repha matsogo; Ba tla tšhoga le go hlabja ke dihlong. Ba tla etša dimela tša tšhemo le bjang bjo bonanana bjo botala, Bjang bja ditlhaka tša dintlo le bja mašemong a mebotong bjo bo tšhungwago ke phefo ya ka bohlabela."