Woe to Ephraim

¹Na mabele a go dira senkgwa a a šilaganywa? Motho le ka mohla ga a ke a dulela go a gatakela. O sepediša leotwana la kariki ya gagwe le dipere tša gagwe godimo ga ona, eupša ga a šilagane."

²Se le sona se tšwa go Jehofa wa madira, yoo morero wa gagwe e lego o makatšago, yoo ditiro tša gagwe di atlegilego kudu."

³“Go madimabe Ariele, wena Ariele motse woo Dafida a bego a hlomile mešaša go wona! Hlatlamanyang nywaga; latelelanyang menyanya."

⁴Ke tla thatafišetša Ariele dilo, go tla ba le manyami le dillo gomme yona go nna e tla etša sebešo sa aletare ya Modimo."

⁵Ke tla hloma mešaša mahlakoreng a gago ka moka, ke tla go rakelela ka legora gomme ka go dikanetša ka dibo."

⁶O tla kokobetšwa e le gore o bolele o le fase, polelo ya gago e tlo kwagalela fase bjalo ka ge eka e tšwa leroleng. Lentšu la gago le tla tšwa fase go etša la motho yo a dirišanago le meoya e mebe, polelo ya gago ya tswirinya leroleng."

⁷Lešaba la bao o sa ba tsebego le tla etša lerole gomme la dinkgwete la etša mooko o tšewago ke moya. Se se tla direga gateetee ka mo go sa letelwago."

⁸Jehofa wa madira o tla le šetša a le hlakodiša ka modumo wa legadima, tšhišinyego ya lefase, le ka modumo o mogolo, phefo e kgolo, ledimo le kgabo ya mollo o tšhumago.”"

⁹Go tla direga bjalo ka ge eka ke torong, ponong ya bošego, mabapi le lešaba la ditšhaba ka moka tšeo di lwago le motse wa Ariele, gaešita le bohle bao ba lwago le wona le dibo tša go o dikanetša gotee le bao ba o thatafišetšago dilo."

¹⁰Ee, go tla etša ge motho yo a swerwego ke tlala a lora a eja, eupša ge a phafoga a kwa a swerwe ke tlala; go tla etša ge motho yo a nyorilwego a lora a enwa, eupša ge a phafoga a kwa a lapile gomme a nyorilwe; se ke seo se tla diragalelago lešaba ka moka la ditšhaba tšeo di lwago le Thaba ya Tsione."

¹¹Gakanegang gomme le tlabege; iphoufatšeng gomme le foufale. Ba tagilwe, eupša ga ba tagwa ke beine; ba a thekesela, eupša ga ba thekesedišwe ke bjala."

¹²Jehofa o le robaditše boroko bjo bogolo bja moya; o tswaletše mahlo a lena, e lego baporofeta, gomme o khurumeditše dihlogo tša lena, e lego baboni."

¹³Pono ya tše ka moka go lena e etša mantšu a puku yeo e tswaletšwego, yeo ba e neago motho yo a tsebago go bala, ba re go yena: “Anke o bale puku ye ka go hlaboša,” yena a re: “Ga ke kgone go e bala, ka gobane e tswaletšwe”;"

¹⁴puku e tla newa yo mongwe yo a sa tsebego go bala, ke moka ba re go yena: “Anke o bale puku ye ka go hlaboša,” gomme yena a re: “Ga ke tsebe go bala le gatee.”"

¹⁵Jehofa o re: “Ka ge batho ba ba mpatamela ka molomo e bile ba ntagafatša ka melomo feela mola dipelo tša bona di le kgole le nna gomme go ithuta ga bona ditaelo tša batho ba go tšea e le go mpoifa,"

¹⁶ka gona ke nna yo, yena yo a tlago go dira gape ka mo go makatšago bathong ba, a dira ka mokgwa o makatšago le ka seo se makatšago; bohlale bja dihlalefi tša bona bo tla fela gomme temogo ya dihlalefi tša bona e tla utega.”"

¹⁷Go madimabe bao ba iphihlago ge ba utela Jehofa morero wa bona, bao ditiro tša bona di bonalago leswiswing, mola ba re: “Ke mang yo a re bonago, ke mang yo a tsebago ka rena?”"

¹⁸Lena ba menagano e kgopamego! Na mmopi yo a bopago ka letsopa a ka lekanywa le letsopa? Na selo seo se dirilwego se ka bolela ka modiri wa sona sa re: “Ga se a ntira”? Na selo seo se hlamilwego se ka bolela ka mohlami wa sona sa re: “Ga se a kwešiša”?"

¹⁹Na ga go a šala lebakanyana feela gore Libanoni e fetošwe serapa sa dienywa, le gona na serapa sa dienywa se ka swantšhwa le sethokgwa?"

²⁰Mohlang woo difoa di tla kwa mantšu a puku ye gomme mahlo a difofu a tla bona gaešita le kgamping ya leswiswi le leswiswing."

²¹Ba boleta ba tla thabela Jehofa kudu, le badiidi bao ba lego gare ga batho ba tla thabela Mokgethwa wa Isiraele,"

²²ka gobane nkgwete e tla fedišwa, moikgantšhi a se sa ba gona, gomme bohle bao ba dulago ba phakgametše go senya ba tla fedišwa,"

²³bao ba dirago gore motho a senye ka mantšu a gagwe, le bao ba beelago yo a neago kgalemelo kgorong molaba, le bao ba fapošago moloki ka dingangišano tša lefeela."

²⁴Ka gona se ke seo Jehofa yo a lopolotšego Aborahama a se boditšego ntlo ya Jakobo a re: “Jakobo a ka se hlabje ke dihlong, le gona sefahlego sa gagwe se ka se sehlefale;"

²⁵ge a bona bana ba gagwe bao e lego modiro wa diatla tša ka ba le go yena, bona ba tla kgethagatša leina la ka le go kgethagatša Mokgethwa wa Jakobo gomme ba boifa Modimo wa Isiraele."

²⁶Bao ba fošago menaganong ya bona ba tla kwešiša, gaešita le bao ba ngunangunago ba tla hwetša thuto.”"

²⁷“Go madimabe bana ba dinganga,” o re’alo Jehofa, “bao ba ikemišeditšego go phetha morero, eupša e se o tšwago go nna; ba lakana ka go tšhollela medimo dibego, eupša e se ka go dumelelana le moya wa ka, gore ba hlatlaganye dibe;"

²⁸bao ba tšeago leeto la go ya Egipita e bile ba sa nkgopela, gore ba yo nyaka tšhireletšo sebong sa Farao le go tšhabela moriting wa Egipita!"

²⁹Sebo sa Farao se tla le hlabiša dihlong, la kokobetšwa ka baka la go tšhabela moriting wa Egipita."