Burden of Egypt

¹Jehofa a re: “Go etša ge mohlanka wa ka Jesaya a sepetše ka nywaga e meraro a hlobotše e bile a se a rwala selo maotong bakeng sa go ba seka le pontšho malebana le Egipita le Ethiopia,"

²ke kamoo kgoši ya Asiria e tla gapago sehlopha sa mathopša a Egipita le a Ethiopia, bašemane le bakgalabje, ba hlobotše e bile ba sa rwala selo maotong gomme marago a le ka ntle, e le go pepentšha bofeela bja Egipita."

³Ba tla tšhoga le go hlabja ke dihlong ka baka la Ethiopia yeo ba bego ba e holofetše le ka Egipita yeo ba bego ba ikgantšha ka yona."

⁴Mohlang woo badudi ba naga e bapilego le lebopo ba tla re: ‘Se ke seo se diragaletšego bao re bego re ba holofetše, bao re bego re tšhabela go bona gore ba re thuše, e le gore re hlakodišwe go kgoši ya Asiria! Ge e le rena re ka phonyokga bjang?’”"

⁵Molaetša o matla malebana le lešoka la lewatle šo: Go etša madimo a ka borwa ao a tšutlago, kotsi e tla e etšwa lešokeng, e etšwa nageng e boifišago."

⁶Ke bontšhitšwe pono e boifišago: Moradia o a radia gomme mosenyi o a senya. Elama, rotoga! Media, hlasela! Go fegelwa gohle mo go bakwago ke Babilona ke go fedišitše."

⁷Ke ka lebaka leo letheka la ka le tletšego mahloko a šoro. Dihlabi di ntshwere, go etša dihlabi tša mosadi yo a belegago. Ke tlaletšwe mo ke sa kgonego le go kwa; ke gakanegile mo ke sa kgonego le go bona."

⁸Pelo ya ka e a kibakiba; letšhogo le a nthothomediša. Leswiswana leo ke bego ke le rata le a ntšhoša."

⁹A go lokišwe tafola e beakanywe, madulo a rulaganywe gomme go jewe, go nwewe! Emang lena dikgošana, tlotšang kotse."

¹⁰Se ke seo Jehofa a mpoditšego sona a re: “Sepela o yo bea mohlapetši gore a bolele seo a se bonago.”"

¹¹Yena a bona koloi ya ntwa yeo e gogwago ke dipere tše pedi le yeo e gogwago ke dipokolo gotee le yeo e gogwago ke dikamela. A di lebeledišiša."

¹²A goeletša go etša tau e rorago, a re: “Jehofa, ke ema serokamong letšatši ka moka gomme ke ema lefelong la ka la tlhapetšo mašego ohle."

¹³Bonang, bjale go tla koloi ya ntwa e nametšwego ke banna yeo e gogwago ke dipere tše pedi!” Mohlapetši a re: “E wele! Babilona e wele, gomme Modimo o pšhatlagantše diswantšho ka moka tše di betlilwego tša medimo ya yona!”"

¹⁴Lena batho ba ka ba fotšwego le wena morwa wa seboa sa ka, ke le begetše seo ke se kwelego go Jehofa wa madira, Modimo wa Isiraele."

¹⁵Molaetša o matla malebana le Duma šo: Go na le yo a nkgoeletšago a le Seire, a re: “Hee mohlapetši, tša bošego di re’ng? Hee mohlapetši, tša bošego di re’ng?”"

¹⁶Mohlapetši a re: “Masa a tla sa, le bošego bo tla tla. Ge e ba le tla rata go botšiša, gona botšišang. Le boe gape!”"

¹⁷Molaetša o matla malebana le leganata šo: Lena melokeloke ya basepedi ya banna ba Dedane le dikamela tša lena, le tla lala leganateng leo le lego lešokeng."

¹⁸Gahlanetšang yo a nyorilwego ka meetse. Lena badudi ba naga ya Thema, neang motšhabi senkgwa."

¹⁹Ba tšhabile ditšhoša le tšhoša e khwamotšwego le bora bjo bo ngangilwego gotee le ntwa e kgolo."

²⁰Se ke seo Jehofa a mpoditšego sona a re: “Go sa šetše ngwaga, go ya ka nywaga ya mothwalwa, letago ka moka la Kedara le lona le tla fela."

²¹Palo ya bao ba šetšego ya banganga-bora, bagale ba barwa ba Kedara, e tla ba e sego nene, gobane Jehofa Modimo wa Isiraele o boletše seo.”"

²²Molaetša o matla mabapi le moedi wa dipono šo: Molato wa gago ke eng, ge ka moka ga lena le nametše ditlhakeng?"

²³O be o tletše khuduego, wena motse wa lešata le o hlalalago. Batho ba gago bao ba bolailwego ga se bao ba bolailwego ka lerumo goba bao ba hwilego tlhabanong."

²⁴Babuši ba gago ka moka ba tšhabile ka nako e swanago. Ba golegilwe go sa dirišwe bora. Batho ba gago ka moka bao ba hweditšwego ba golegilwe bohle. Ba be ba tšhabetše kgole."

²⁵Ke ka baka leo ke itšego: “Širošang mahlo a lena go nna. Ke tla lla gabohloko. Le se ke la phegelela go nkhomotša ka baka la go šwalalanywa ga morwedi wa setšhaba sa gešo."