Land Beyond Ethiopia

¹Jehofa o tla tsebja ke Baegipita; mohlang woo Baegipita ba tla tseba Jehofa, ba direla Jehofa sehlabelo le go mo nea mpho, ba mo enela keno le go e phetha."

²Jehofa o tla otla Egipita. O tla e otla le go e fodiša; ba tla boela go Jehofa, ba mo lopa gomme a ba fodiša."

³Mohlang woo go tla ba le tsela e kgolo e tšwago Egipita e eya Asiria gomme Asiria e tla tla Egipita, Egipita yona ya ya Asiria; Egipita le Asiria di tla hlankela Modimo."

⁴Mohlang woo Isiraele e tla ba ya boraro e na le Egipita le Asiria, e tla ba tšhegofatšo lefaseng,"

⁵ka gobane Jehofa wa madira o tla e šegofatša, a re: “A go šegofale Egipita, batho ba ka, go šegofale le Asiria, modiro wa diatla tša ka gotee le Isiraele, bohwa bja ka.”"

⁶Ngwageng woo Tharatane a tlilego Ashidodo ka wona ge a be a romilwe ke Saragone, kgoši ya Asiria, o ile a lwa le Ashidodo gomme a e thopa;"

⁷mohlang woo Jehofa a bolela ka Jesaya morwa Amotse, a re: “Sepela gomme o tlemolle mokotla lethekeng la gago; o role le diramphašane maotong a gago.” Ke moka a dira bjalo, a sepela a hlobotše e bile a sa rwala selo maotong."