Punishment for Israel

¹“Le bjetše bokgopo. Le bunne go se loke. Le jele dienywa tša bofora ka gobane le botile tsela ya lena le bagale ba lena ba bantši."

²Go tsogile mpherefere gare ga batho ba lena gomme metse ya lena ka moka e šireleditšwego e tla šwalalanywa, go etša ge Shalemane a ile a šwalalanya ntlo ya Arabele mohlang wa ntwa ge mmago bana a be a pšhatlaganywa kgauswi le bana ba gagwe."

³Lena ba Bethele, le tla dirwa ka yona tsela ye ka baka la bobe bja lena bjo bo feteletšego. Ruri kgoši ya Isiraele e tla fedišwa e sa le ka masa.”"

⁴“Isiraele ke mo ratile ge e be e sa le mošemane, ka bitša morwa wa ka kua Egipita."

⁵“Ba biditšwe. Ge ba bitšwa ba ile ba tloga. Ba ile ba thoma go direla diswantšho tša Baali dihlabelo gomme ba thuntšhetša diswantšho tše di betlilwego muši wa dihlabelo."

⁶Ge e le nna ke rutile Baefuraime go sepela, ka ba kuka ka matsogo a ka; eupša ba be ba sa lemoge gore ke ba alafile."

⁷Ke ile ka dula ke ba goga ka dithapo tša botho bjo bo swanelago batho, ke ba goga ka marala a lerato, moo ke ilego ka etša yo a ba tlošago joko melaleng, ka tlišetša yo mongwe le yo mongwe wa bona dijo ka botho."

⁸A ka se boele nageng ya Egipita, eupša Asiria e tla ba kgoši ya gagwe ka gobane ba ganne go boela go nna."

⁹Tšhoša e tlo dikologa metseng ya gagwe, ya tloša mapheko a gagwe le go ba fediša ka baka la maano a bona."

¹⁰Batho ba ka ba lemetše go ntlhanogela. Le ge ba ba bitša gore ba boele go yo godimodimo, ga go na le o tee yo a emago."

¹¹“Nka go lahla bjang wena Efuraime? Nka lesa bjang go go hlakodiša wena Isiraele? Nka go swantšha bjang le Adema? Nka go dira bjang tše ke di dirilego Tseboima? Pelo ya ka e fetogile; e bile ke tletše kwelobohloko."

¹²Nka se ke ka tuka bogale. Nka se ke ka fediša Efuraime gape ka gobane ke nna Modimo, ga se nna motho, ke Mokgethwa gare ga lena; nka se tle ke galefile."

¹³Ba tlo latela Jehofa. O tla rora bjalo ka tau; yena o tla rora gomme bana ba tla ba thothomela ba etšwa bodikela."

¹⁴Ba tlo tšwa Egipita ba thothomela go etša nonyana gomme ba tlo etša leeba ge ba etšwa nageng ya Asiria; ke tla ba dudiša ka dintlong tša bona,” o re’alo Jehofa."

¹⁵“Efuraime e ntikaneditše ka maaka, ba ntlo ya Isiraele bona ba ntikaneditše ka bofora. Eupša Juda e sa dutše e sepela le Modimo, e bile e botegela Mokgethwakgethwa.”"

¹⁶“Efuraime e iphepa ka phefo gomme letšatši ka moka e hlwa e rakediša phefo ya ka bohlabela. E atiša go bolela maaka le go senya. Ba dira kgwerano le Asiria gomme ba iša makhura Egipita."

¹⁷“Jehofa o tla sekiša Juda, gaešita le go dira gore Jakobo a ikarabele go ya ka ditsela tša gagwe; o tla mmušetša go ya ka ditiro tša gagwe."