Israel's Unfaithfulness

¹Go na le dithogako, go tletše bofora, polao le bohodu e bile go dirwa bohlotlolo gomme ditiro tša go tšhollwa ga madi di direga ka go latelana."

²Ke ka baka leo naga e tlago go lla gomme gwa fela modudi yo mongwe le yo mongwe yo a lego go yona, le sebata sa naga le dinonyana tša magodimo, dihlapi tša lewatle le tšona di tla kgobelana di hwile."

³“Lega go le bjalo, go se be le motho yo a phegišanago le yo mongwe, le gona go se be le yo a kgalemago yo mongwe ka ge batho ba geno ba etša bao ba phegišanago le moperisita."

⁴O tlo kgopša mosegare, le moporofeta o tlo kgopša le wena bjalo ka ge eka ke bošego. Mmago ke tlo mo fediša."

⁵Batho ba ka ba tlo fedišwa, ka gobane ga go na tsebo. Ka ge o ganne tsebo, ke tla go tlogediša go hlankela o le moperisita wa ka; ka ge o dula o lebala molao wa Modimo wa gago, nna ke tla lebala bana ba gago."

⁶Ge ba dutše ba ata, ba ntshenyetša kudu. Letago la ka ba le fetotše kgobogo."

⁷Ba iphepa ka sebe sa batho ba ka, moya wa bona o dula o duma gore ba obe molato."

⁸“Batho le moperisita ba tla swana; ke tla dira gore ba ikarabele ka baka la ditsela tša bona; ke tlo ba bušetša go ya ka ditiro tša bona."

⁹Ba tlo ja eupša ba ka se khore. Ba tlo swara basadi bjalo ka bagweba-ka-mmele; eupša ba ka se oketšege gobane ba tlogetše go šetša Jehofa."

¹⁰Bootswa le beine ya kgale le e mpsha di senya maikemišetšo a mabotse."

¹¹Batho ba ka ba dula ba botšiša modingwana wa bona wa kota gomme lehlotlo la bona le dula le ba botša; ka gobane wona moya wo wa bootswa o ba fapošitše, e bile ba tlogela go ikokobeletša Modimo wa bona ka baka la bootswa."

¹²Ba dira dihlabelo ditlhoreng tša dithaba, ba thuntšhetša muši wa dihlabelo mebotong le ka tlase ga sehlare se segologolo le sehlare sa mosetorekisi le sehlare se segolo, ka gobane moriti wa sona ke o mobotse. Ke ka baka leo barwedi ba lena ba otswago gomme dingwetši tša lena di hlotlolago."

¹³“Nka se bone barwedi ba lena molato gobane ba otswa, le dingwetši tša lena gobane di hlotlola. Ge e le banna bao, ba intšha le bagweba-ka-mmele, ba dira dihlabelo le basadi ba ba gwebago ka mmele ba tempeleng; ge e le batho bao ba hlokago kwešišo ba tla gatakelwa."

¹⁴Gaešita le ge wena Isiraele o otswa, fela anke Juda e se tsene molatong gomme lena le se tle Giligala, le gona le se ke la rotogela Bethe-abene goba la ena ka gore: ‘Ka Jehofa yo a phelago!’"

¹⁵Gobane Isiraele e na le kgang go etša kgomo ya kgang. Na bjale Jehofa a ka se ba diše bjalo ka kgapana kua molaleng?"

¹⁶Efuraime o ikgwerantše le medingwana. Mo leseng a le bjalo!"

¹⁷Ge bjala bja bona bo fedile, ruri ba swere mosadi bjalo ka mogweba-ka-mmele. Bašireletši ba gagwe ba ratile kgobogo."

¹⁸Phefo e mo tšere. Ba tla hlabja ke dihlong ka baka la dihlabelo tša bona.”"

¹⁹“Ekwang se lena baperisita, theetšang lena ba ntlo ya Isiraele, hlwayang tsebe lena ba ntlo ya kgoši, gobane ke lena le ahlolwago; ka ge le le molaba wa Mitsipa e bile le le bjalo ka lokwa le le phatlaletšego le Thabora."

²⁰Bao ba hlanogilego ba swaregile kudu ka modiro wa go hlaba dihlabelo tša diphoofolo gomme ke ba eleditše ka moka ga bona."

²¹Nna ke tsebile Efuraime gomme Isiraele ga se ya nkhutela. Bjale wena Efuraime, o swere basadi bjalo ka bagweba-ka-mmele; ge e le Isiraele e itšhilafaditše."

²²Ditiro tša bona ga di ba dumelele gore ba boele go Modimo wa bona, gobane mo go bona go tletše moya wa bootswa; e bile ga ba šetše Jehofa."

²³Boikgantšho bja Isiraele bo e latofaditše; ge e le Isiraele le Efuraime di kgopilwe ka baka la molato wa tšona. Juda le yona e kgopilwe le tšona."