Hosea's Marriage to Gomer

¹Ke tla le tlemelela go nna ka kholofetšo ya lenyalo go ya go ile, le gona ke tla le tlemelela go nna ka toko le ka toka le ka botho le ka dikgaugelo."

²Ke tla le tlemelela go nna ka potego; le tla tseba Jehofa.’"

³“‘Mehleng yeo ke tla araba,’ o re’alo Jehofa, ‘ke tla araba magodimo, ge e le ona a tla araba lefase;"

⁴lefase lona le tla araba mabele le beine e bose le makhura; ge e le tšona di tla araba Jeseriele."

⁵Ke tla ipšalela yena go etša peu lefaseng, ke tla gaugela yo a sa kago a gaugelwa gomme ka re go batho bao e sego ba ka: “Le batho ba ka”; ge e le bona ba tla re: “O Modimo wa rena.”’”"

⁶Jehofa o boletše le nna a re: “Boela o rate mosadi wa gago yo a ratwago ke monna yo mongwe gomme a dira bohlotlolo, go etša ge Jehofa a rata bana ba Isiraele le ge ba eya go medimo e mengwe e bile ba rata dinkgwa tša makwapi a morara.”"

⁷Ka ithekela yena ka ditsekana tše lesomehlano tša silifera le tekanyo ya nkgo e tee le seripa ya garase."

⁸Ke moka ka re go yena: “O tla ba wa ka ka matšatši a mantši. O se ke wa otswa, o se ke wa ratana le monna yo mongwe; le nna ke tla ba bjalo go wena.”"

⁹Ke ka gobane bana ba Isiraele ba tla fetša matšatši a mantši ba se na kgoši le kgošana, ba se na sehlabelo, ba se na kokwane, efoda le modingwana wa lapa."

¹⁰Ka morago ga moo bana ba Isiraele ba tlo boa ba nyaka Jehofa Modimo wa bona le Dafida kgoši ya bona; mehleng ya bofelo ba tla tla go Jehofa ba thothomela e bile ba tlela go loka ga gagwe."

¹¹Ekwang lentšu la Jehofa lena bana ba Isiraele, gobane Jehofa o seka molato le badudi ba naga ye, gobane mo nageng ye ga go na therešo goba botho le ge e le go tseba Modimo."