The LORD's Reply

¹Letšatši le kgwedi tša ema pho sebakabakeng. Mesebe ya gago ya fofa bjalo ka seetša. Go bekenya ga lerumo la gago gwa ediša."

²O phatšitše lefase o tuka bogale. Wa šilakanya ditšhaba ka bogale."

³Wa phološa setšhaba sa gago gore o phološe motlotšwa wa gago. Wa šwalalanya moetapele wa ba ntlo ya ba kgopo. Motheo wa yona wa epollwa wa senywa go fihla tlhakeng. Se?lah."

⁴Wa pšhatlaganya moetapele wa bahlabani ba gagwe ka melamo ya gagwe ge ba be ba kgeregela go ntšhwalalanya. Lethabo la bona le be le etša la bao ba jago mohlaki moo a ikutilego."

⁵O phatša lewatle ka dipere tša gago, wa ba wa phatša le mafula."

⁶Ge ke ekwa seo, teng ya ka ya huduega; ge ke ekwa molaetša, melomo ya ka ya thothomela; marapo a ka a bola. Ke be ke tšhogile ka ge ke be ke swanetše go leta mehla ya tlalelo ka setu le go tla ga gagwe go tlo hlasela batho."

⁷Gaešita le ge mogo o ka se khukhuše, morara wona wa se enywe; mohlware wa šitwa go enywa, mašemo a mebotong a hloka dijo; mohlape wa dihuswane wa fela mašakeng gomme gwa hlokwa mohlape wa dikgomo merakeng;"

⁸Fela ge e le nna ke tla hlalalela Jehofa; ke tla thabela Modimo yo a mphološago."

⁹Jehofa Mmuši Morena ke matla a ka a magolo; ge e le maoto a ka o tla a dira gore a etše a dikgama, wa ba wa ntshepediša mafelong a ka a phagamego. Go mohlabeledi ka dikwadi tša ka."

¹⁰Lentšu la Jehofa leo le tletšego Tsefanya morwa wa Kushi, morwa wa Gedalia, morwa wa Amaria, morwa wa Hesekia mehleng ya Josia morwa wa Amone kgoši ya Juda še le:"

¹¹“Ruri ke tla fediša dilo tšohle tše di lego lefaseng,” o re’alo Jehofa."

¹²“Ke tla fediša batho le diphoofolo. Ke tla fediša dinonyana tša legodimo le dihlapi tša lewatle, dikgopišo gotee le batho ba kgopo; le gona ke tla fediša batho lefaseng,” o re’alo Jehofa."

¹³“Ke tla otlollela seatla sa ka go Juda le go baagi ka moka ba Jerusalema gomme ke tla fediša mašaledi a barapedi ba Baali mo lefelong le, ke fediše le leina la baperisita ba medimo e šele gotee le baperisita ba bangwe,"

¹⁴le bao ba khunamelago makoko a legodimo ba le ditlhakeng le bao ba khunamago ba enela Jehofa dikeno e bile ba enela le Malikamo;"

¹⁵le bao ba furalelago Jehofa gotee le bao ba sa kago ba tsoma Jehofa ba bile ba sa mmotšiše selo.”"

¹⁶Ikhomoleleng pele ga Mmuši Morena Jehofa; ka gobane letšatši la Jehofa le kgauswi, le gona Jehofa o lokišeditše sehlabelo; o kgethagaditše balaletšwa ba gagwe."

¹⁷“Mohlang wa sehlabelo sa Jehofa ke tla sekiša dikgošana le barwa ba kgoši le bohle bao ba aperego diaparo tša bašele."

¹⁸Le gona ke tla sekiša bohle bao ba lego kgauswi le sedulo sa bogoši mohlang woo, bao ba tlatšago dintlo tša beng ba bona ka bošoro le bofora."

¹⁹Mohlang woo,” o re’alo Jehofa, “go tlo hlabja mokgoši Kgorong ya Dihlapi, gwa gololwa karolong ya bobedi ya motse gomme meboto ya pšhatlagana."

²⁰Gololang lena badudi ba Makateshe, ka gobane bagwebi ka moka ba fedišitšwe; bohle bao ba elago silifera ba bolailwe."