Habakkuk's Complaint

¹Ka gobane lefase le tla tlala go tseba letago la Jehofa go etša ge meetse a apešitše lewatle."

²“‘Go madimabe yo a neago ba gabo sa go nwa, a se hlakanyago le pefelo le kgalefo ya gagwe gore ba tagwe e le gore a bone bofeela bja bona."

³O tla khorišwa lenyatšo go e na le letago. Le wena se nwe gomme o tšewe bjalo ka yo a sa bollago. Senwelo se se lego seatleng sa le letona sa Jehofa se tla go tlela gomme letago la gago le tla nyatšega;"

⁴ka gobane o tla aparelwa ke bošoro bjo bo dirilwego Libanoni gotee le polao ya diphoofolo yeo e di tšhošitšego, ka baka la tšhollo ya madi a batho le bošoro bjo bo dirilwego lefaseng, motseng le go bohle bao ba dulago gona."

⁵Seswantšho se se betlilwego, modimo wa seswantšho gotee le mohlahli wa maaka di hola’ng ge mmetli wa tšona a di betlile a bile a di botile moo a bilego a dira medimo e se nago mohola le e sa bolelego?"

⁶“‘Go madimabe yo a rego go kota: “Tsoga!” gomme go leswika la semumu a re: “Tsoga! Wena o re rute”! Tšona di manegilwe ka gauta le silifera gomme ga di buše moya le gatee."

⁷Jehofa yena o tempeleng ya gagwe e kgethwa. A lefase ka moka le homole pele ga gagwe!’”"

⁸Thapelo ya moporofeta Habakuku ya koša ya sello še:"

⁹Jehofa, ke kwele ka pego ya gago. Jehofa, ke wetšwe ke poifo ka baka la mediro ya gago. E phediše ge nywaga e dutše e eya! Eka o ka e tsebatša ge nywaga e dutše e eya. Anke o gopole go bontšha kgaugelo ge o tšholla kgalefo ya gago."

¹⁰Modimo a tla a etšwa Themane, yena Mokgethwa a fologa Thabeng ya Parane. Letago la gagwe la apeša magodimo; lefase la tlala theto ya gagwe."

¹¹Ge e le go phadima ga gagwe go be go le bjalo ka seetša. Seatleng sa gagwe go etšwa mahlasedi a mabedi gomme ke moo matla a gagwe a bego a utegile gona."

¹²A etilwe pele ke leuba la bolwetši, a šetšwe morago ke phišo e kgolo."

¹³A ema pho gore a šišinye lefase. A lebelela, ke moka a tšhoša ditšhaba tša thothomela. Ge e le dithaba tša bogologolo tša šilakanywa, meboto ya neng le neng ya bobama. Tše ke ditsela tša gagwe go tloga kgale."

¹⁴Ka bona ditente tša Kushane di le tlalelong. Ditente tša naga ya Midiane tša rutlologa."

¹⁵Jehofa, na ke dinoka tšeo o di befeletšego goba na o tuketše lewatle bogale? Ka gobane o tlile o nametše dipere tša gago; dikoloi tša gago e le tša go phološa."

¹⁶Bora bja gago bo apotšwe. Go bolelwa ka dikeno tše di ennwego tša ditšhaba. Se?lah. O arotše lefase ka dinoka."

¹⁷Dithaba di go bone, tša thothomela. Pula ya matlakadibe ya na. Bodiba bja kwatša modumo wa bjona, bja emišetša meetse godimo."