Genesis 10

¹Ye ke pego ya barwa ba Noa e lego Sheme, Hama le Jafete. Bjale ka morago ga meetsefula ba belegelwa barwa."

²Barwa ba Jafete e be e le Gomere, Magogo, Madai, Jafane, Tubala, Mesheke le Tirase."

³Barwa ba Gomere e be e le Ashekenase, Rifata le Togarama."

⁴Barwa ba Jafane e be e le Eliasha, Tarashishi, Khithima le Dodanima."

⁵Go bona ba go tšwile badudi ba ditšhaba tša dihlakahlakeng bao ba ilego ba phatlalala le dinaga tša bona, yo mongwe le yo mongwe a tloga go ya ka leleme la gabo, go ya ka malapa le go ya ka ditšhaba tša bona."

⁶Barwa ba Hama e be e le Kushe, Mitsiraima, Pute le Kanana."

⁷Barwa ba Kushe e be e le Seba, Hafila, Sabetha, Raama le Sabatheka. Barwa ba Raama e be e le Sheba le Dedane."

⁸Kushe ya ba tatago Nimirode. Ke yena wa go thoma go ba mogale lefaseng."

⁹A ba motsomi yo matla wa go ganetša Jehofa. Ke ka baka leo go nago le polelwana e rego: “Go etša Nimirode motsomi yo matla wa go ganetša Jehofa.”"

¹⁰Mmušo wa gagwe o thomile Babele, Ereke, Akadi, Kaline, nageng ya Shineara."

¹¹Go tloga nageng yeo o ile a ya Asiria gomme a aga Ninife, Rabothe-Ire, Kala"

¹²le Resene magareng ga Ninife le Kala: yona e bopa motse o mogolo."

¹³Mitsiraima ya ba tatago Ludi, Anamime, Balehabimi, Nafatuhimi"

¹⁴le Bapatarusi, Kasaluhimi (yoo Bafilisita ba tšwilego go yena) le Kafutori."

¹⁵Kanana ya ba tatago Sidone yo e bego e le leitšibulo la gagwe, le Hethe"

¹⁶le Bajebusi, Baamore, Bagirigashe"

¹⁷le Bahefe, Baaraki, Basini"

¹⁸le Baarafadi, Batsemari le Bahamathi; ka morago ga moo malapa a Bakanana a ile a gašana."

¹⁹Ka gona mollwane wa Bakanana o ile wa thoma ka Sidone go fihla ka Gerara kgauswi le Gatsa, go fihla ka Sodoma, Gomora, Adema le Tseboima kgauswi le Lasha."

²⁰Bona ba e be e le barwa ba Hama go ya ka malapa a bona le maleme a bona, ba le dinageng tša bona go ya ka ditšhaba tša bona."

²¹Sheme rakgolokhukhu wa barwa ka moka ba Ebere, ngwanabo Jafete yo mogolo, le yena o ile a belegelwa bana."

²²Barwa ba Sheme e be e le Elama, Asishure, Arapagashadi, Ludi le Arama."

²³Barwa ba Arama e be e le Utsi, Huli, Getere le Masha."

²⁴Arapagashadi ya ba tatago Shela, gomme Shela ya ba tatago Ebere."

²⁵Ebere a belegelwa barwa ba babedi. Yo mongwe wa bona leina la gagwe e be e le Pelege, ka gobane mehleng ya gagwe lefase le be le arogane; leina la ngwanabo e be e le Jokotane."

²⁶Jokotane ya ba tatago Alamodadi, Shelefe, Hatsaramafete, Jera"

²⁷le Hadorama, Usale, Dikela"

²⁸le Obale, Abimaele, Sheba"

²⁹le Ofira, Hafila le Jobaba; ba ka moka e be e le barwa ba Jokotane."

³⁰Lefelo leo ba bego ba dula go lona le be le nabile go tloga Mesha go fihla Sefara, dithabeng tša ka Bohlabela."

³¹Bona ba e be e le barwa ba Sheme go ya ka malapa a bona le maleme a bona, ba le dinageng tša bona go ya ka ditšhaba tša bona."

³²Ao e be e le malapa a barwa ba Noa go ya ka mašika a bona le ditšhaba tša bona, gomme ditšhaba tšeo di ilego tša phatlalala le lefase ka morago ga meetsefula di tšwile go bona."