Work Resumed

¹Seo se nyakegago ke dipowana, dikgapa le dikwana gore e be dibego tša go fišwa tša Modimo wa legodimo gomme go etša ge baperisita bao ba lego Jerusalema ba bolela, ba newe le korong, letswai, beine gotee le makhura ka mehla;"

²gore ka mehla ba nee Modimo wa legodimo dibego tša monko o bose le go rapelela kgoši le barwa ba yona gore ba phele."

³Ke laetše gore motho le ge e le ofe yo a robago taelo ye go rutlwe kota ntlong ya gagwe gomme a kokotelwe go yona, ntlo ya gagwe e tla fetolwa lefelo la boithomelo la batho bohle ka baka la seo."

⁴Modimo yo a dirilego gore leina la gagwe le dule moo a a phekgole kgoši le ge e le efe le batho bao ba robago taelo ye le go senya ntlo ya Modimo yeo e lego Jerusalema. Nna Dario ke laetše. Anke taelo ye e latelwe gateetee.”"

⁵Ke moka mmuši Tatenai wa ka mošola wa Noka ya Eforate, Shethara-bosenai le badirišani ba bona ba latela ka ntle le go dikadika lentšu leo kgoši Dario a le rometšego."

⁶Banna ba bagolo ba Bajuda ba be ba aga le go tšwela pele ka go tutuetšwa ke boporofeta bja moporofeta Hagai le Sakaria setlogolo sa Ido gomme ba aga le go fetša tempele go ya ka taelo ya Modimo wa Isiraele, Korese, Dario le Arithasasitha kgoši ya Peresia."

⁷Ba feditše go aga ntlo ye ka letšatši la boraro la kgwedi ya Adara, ka ngwaga wa botshelela wa pušo ya kgoši Dario."

⁸Bana ba Isiraele, baperisita, Balefi le bohle bao e kilego ya ba mathopša ba kgakola ntlo ye ya Modimo ba thabile."

⁹Ba kgakola ntlo ye ya Modimo ka go hlaba dipoo tše lekgolo, dikgapa tše makgolopedi, dikwana tše makgolonne, gomme ba hlabela Baisiraele ka moka sebego sa sebe sa diphooko tše lesomepedi go ya ka palo ya meloko ya Isiraele."

¹⁰Ba bea baperisita ka dihlopha tša bona le Balefi ka dihlopha tša bona, e le gore ba direle Modimo kua Jerusalema go ya ka taelo yeo e lego pukung ya Moshe."

¹¹Bao e kilego ya ba mathopša ba bina paseka ka letšatši la lesomenne la kgwedi ya pele."

¹²Baperisita le Balefi ba ile ba itlhwekiša e le sehlopha, ba hlweka ka moka ga bona gomme ba itlhabela phoofolo ya paseka, ba e hlabela le bao e kilego ya ba mathopša le bana babo bona bao e lego baperisita."

¹³Bana ba Isiraele bao ba bego ba boile bothopša ba ile ba ja, gwa ja le bohle bao ba bego ba itlhwekišitše ditšhileng tša ditšhaba tša naga gomme ba tla go bona go tlo tsoma Jehofa Modimo wa Isiraele."

¹⁴Ba bina monyanya wa dinkgwa tše di sa omelwago ba thabile ka matšatši a šupago; Jehofa a ba thabiša gomme a letefatša pelo ya kgoši ya Asiria gore e matlafatše diatla tša bona mošomong wa go aga ntlo ya Modimo wa therešo, Modimo wa Isiraele."

¹⁵Ka morago ga dilo tše, nakong ya pušo ya Arithasasitha kgoši ya Peresia, Esera o ile a tloga Babilona. E be e le morwa wa Seraya, wa Asaria, wa Hilikia,"

¹⁶wa Shalume, wa Tsadoko, wa Ahitubo,"

¹⁷wa Amaria, wa Asaria, wa Merayothe,"