The Valley of Dry Bones

¹“Morwa wa motho, lebiša sefahlego sa gago go Gogo wa naga ya Magogo, yena kgošana e kgolo ya Mesheke le Tubala, gomme o mo porofetele."

²O bolele o re: ‘Se ke seo Mmuši Morena Jehofa a se boletšego: “Ke nna yo ke lwa le wena Gogo, wena kgošana e kgolo ya Mesheke le Tubala."

³Ke tla go retolla ka go tsenya dikgwega mehlagareng. Ka go tliša le madira a gago ka moka, dipere le banamedi ba tšona. Ka moka ga bona ba apere gabotse, e le phuthego e kgolo yeo e nago le kotse e kgolo le e nyenyane, ka moka ga bona ba swere ditšhoša;"

⁴Baperesia, Baethiopia le Bapute ba na le bona, ka moka ga bona ba na le kotsana le kefa ya ntwa;"

⁵Bagomere le mephato ya bona ka moka ya madira, ba ntlo ya Togarama bao ba lego ka leboaboa le mephato ya bona ka moka ya madira, meraforafo yeo e nago le wena."

⁶“‘“Itokiše o be o itlhame, wena le ba phuthego ya gago ka moka bao ba phuthegilego hleng ga gago, wena o be mohlokomedi wa bona."

⁷“‘“O tla hlahlobja ka morago ga matšatši a mantši. Bofelong bja nywaga yeo o tla tla nageng yeo batho ba yona ba phološitšwego tšhošeng, bao ba kgobokeditšwego go tšwa meraforafong gomme ba tlišwa dithabeng tša Isiraele tšeo ka mehla e bego e le lefelo leo le šwalalanego. Batho ba naga ye ba tšerwe go tšwa meraforafong gomme ka moka ga bona ba dula ka polokego."

⁸O tla rotoga. Wa tsena bjalo ka ledimo. Wa ba bjalo ka maru a khupetšago naga, wena le mephato ya gago ka moka ya madira le meraforafo yeo e nago le wena.”’"

⁹“Se ke seo Mmuši Morena Jehofa a se boletšego: ‘Letšatšing leo o tla tlelwa ke dikgopolo pelong ya gago, wa loga maanomabe;"

¹⁰ke moka o tla re: “Ke tla rotoga ka lwa le naga e sa šireletšwago ya magaeng. Ke tla tsena go bao ba sa šitišwego ke selo, bao ba dulago ka polokego, bao ka moka ga bona ba dulago mo go sego morako, mapheko le mejako.”"

¹¹E le gore o hwetše dithebola tše dintši o be o hule dilo tše dintši, e le gore o emišetše seatla sa gago mafelong a šwalalanego ao a boetšego a ba le badudi, le bathong bao ba kgobokeditšwego go tšwa ditšhabeng, e lego bao ba kgobelago lehumo le thoto, bao ba dulago bogareng bja lefase."

¹²“‘Basheba, Badedane, barekiši ba Tarashishi le ditawana ka moka tša mariri—ba tla re go wena: “Na o tsenela gore o hwetše dithebola tše dintši? Na o kgobokeleditše phuthego ya gago go tlo hula dilo tše dintši, gore o thope silifera le gauta, o tšee lehumo le thoto, o be o hwetše dithebola tše dintši kudu?”’"

¹³“Ka gona wena morwa wa motho, porofeta o botše Gogo o re: ‘Se ke seo Mmuši Morena Jehofa a se boletšego: “Na mohlang batho ba ka ba Isiraele ba dula ka polokego o ka se tsebe seo?"

¹⁴Wena o tla tla o etšwa lefelong la gago ka leboaboa, wena le meraforafo, ka moka ga yona e nametše dipere, e le phuthego e kgolo, gaešita le madira a mantšintši."

¹⁵Batho ba ka ba Isiraele o tla ba tsogela matla go etša maru a khupeditšego naga. Wena Gogo, seo se tla direga mehleng ya bofelo, gomme ke tla dira gore naga ya ka e go tsogele matla e le gore ditšhaba di ntsebe ge ke ikgethagatša ka wena pele ga mahlo a tšona.”’"

¹⁶“Se ke seo Mmuši Morena Jehofa a se boletšego: ‘Na o sa le yena yo ke boletšego le yena mehleng e fetilego ka bahlanka ba ka, baporofeta ba Isiraele, bao ba bego ba porofeta mehleng yeo—ngwaga le ngwaga—gore o tle godimo ga bona?’"

¹⁷“‘Letšatšing leo, letšatšing la ge Gogo a tlela mmu wa Isiraele,’ o re’alo Mmuši Morena Jehofa, ‘pefelo ya ka e tla bonagala sefahlegong sa ka."

¹⁸Ke tla bolela ka phišego e bile ke tuka bogale. Ruri letšatšing leo go tla ba le tšhišinyego e kgolo ya lefase mmung wa Isiraele."

¹⁹Dihlapi tša lewatle, dinonyana tša magodimo, dibata tša naga, digagabi ka moka tše di gagabago mmung le batho bohle bao ba lego lefaseng di tla thothomela ka baka la ka. Dithaba di tla phušolwa, maswika a magaga a wa, le morako o mongwe le o mongwe wa wela fase.’"

²⁰“‘Ke tla mmiletša tšhoša go tlo lwa le yena tikologong ka moka ya dithaba tša ka,’ o re’alo Mmuši Morena Jehofa. ‘Yo mongwe le yo mongwe o tla lwa le ngwanabo ka tšhoša ya gagwe."

²¹Ke tla mo ahlola ka go mo tlišetša leuba la bolwetši le tšhollo ya madi; ka pula ya matlorotloro le sefako, ke tla dira gore a nelwe ke mollo le sebabole, yena le mephato ya gagwe ya madira le meraforafo yeo e tlago go ba e na le yena."

²²Ke tla ikgodiša, ka ikgethagatša ka ba ka itsebiša pele ga mahlo a ditšhaba tše dintši; ke moo di tlago go tseba gore ke nna Jehofa.’"

²³“Ge e le wena morwa wa motho, porofetela Gogo o re: ‘Se ke seo Mmuši Morena Jehofa a se boletšego: “Ke nna yo ke lwa le wena Gogo, wena kgošana e kgolo ya Mesheke le Tubala."

²⁴Ke tla go retolla ka go eta pele, ka go rotoša go tšwa ka leboaboa gomme ka go tliša dithabeng tša Isiraele."

²⁵Ke tla itia bora bja gago bja tšwa ka seatleng sa gago sa le letshadi, mesebe ya gago ka e wiša ka seatleng sa gago sa le letona."

²⁶O tla wela dithabeng tša Isiraele, wena le mephato ya gago ka moka ya madira le merafo yeo e tlago go ba e na le wena. Ke tla go gafela go dinonyana tša go ja nama, dinonyana tša mehutahuta le dibata tša naga gore o be dijo tša tšona.”’"

²⁷“‘O tla wela fase godimo ga naga, gobane nna ke boletše,’ o re’alo Mmuši Morena Jehofa."

²⁸“‘Ke tla romela mollo godimo ga Magogo le godimo ga bao ba dulago dihlakahlakeng ka polokego; ke moo batho ba tlago go tseba gore ke nna Jehofa."