Jerusalem's Sins

¹“‘Ka nyaka monna yo a tšwago go bona yo a bego a tla lokiša morako wa maswika le go ema nthobeng e lego pele ga ka go lwela naga yeo e le gore ke se e senye; ka se hwetše motho."

²Ka gona ke tla tšhollela bogale bja ka godimo ga bona. Ka ba fediša ka mollo wa kgalefo ya ka. Ditsela tša bona ke tla di bušetša dihlogong tša bona,’ o re’alo Mmuši Morena Jehofa.”"

³Lentšu la Jehofa la tšwela pele la ntlela, la re:"

⁴“Morwa wa motho, go kile gwa ba le basadi ba babedi, barwedi ba mosadi o tee."

⁵Ba ile ba thoma go gweba ka mmele kua Egipita. Ba gweba ka mmele bofseng bja bona. Gona moo ba swarwaswarwa matswele ba ba ba phopholwa dihuba bokgarebeng bja bona."

⁶Leina la yo mogolo e be e le Ohola mola la ngwanabo e be e le Oholiba, gomme ya ba ba ka, ba belega barwa le barwedi. Ge e le maina a bona, Ohola ke Samaria gomme Oholiba ke Jerusalema."

⁷“Ohola yena a thoma go gweba ka mmele mola a sa le ka tlase ga ka, a kganyoga baratiwa ba gagwe ka matla, a kganyoga Baasiria bao ba bego ba le kgauswi le yena,"

⁸babuši ba go apara mašela a matalalerata, le matona—masogana ka moka a rategago, mašole a go namela dipere."

⁹A tšwela pele a gweba ka mmele le bona, bona barwa ba rategago ba Asiria ka moka ga bona; a itšhilafatša ka bohle bao a bego a ba kganyoga ka matla, le ka medingwana ya bona e šišimišago."

¹⁰Ga se a tlogela go gweba ka mmele mo a go thomilego kua Egipita, gobane ba robetše le yena bofseng bja gagwe, ke bona ba ilego ba phophola sehuba sa gagwe bokgarebeng bja gagwe gomme ba dula ba fišegela go robala le yena ka tsela e gobogilego."

¹¹Ka gona ka mo gafela diatleng tša baratiwa ba gagwe, diatleng tša barwa ba Asiria, bona bao a bego a ba kganyoga ka matla."

¹²Ke bona bao ba ilego ba mo hlobola bofeela bja gagwe. Ba tšea barwa le barwedi ba gagwe, yena ba mmolaya ka tšhoša. A tuma gampe gare ga basadi gomme ba mo ahlola."

¹³“Ge Oholiba ngwanabo a bona seo, yena a bontšha kganyogo ya gagwe ya nama ka tsela e senyago go feta ya mogolwagwe, a gweba ka mmele go feta ka tsela yeo mogolwagwe a otswitšego ka yona."

¹⁴A kganyoga barwa ba Asiria ka matla, babuši le matona ao a bego a le kgauswi le yena, ao a bego a kgona go kgetha moaparo e bile e le mašole a go namela dipere—ka moka ga bona ke masogana a rategago."

¹⁵Ka bona seo ka gobane o be a itšhilafaditše gomme bobedi bja bona ba be ba sepela ka tsela e tee."

¹⁶A oketša ditiro tša gagwe tša go gweba ka mmele ge a bona diswantšho tša banna ba betlilwego lebotong, diswantšho tša Bakaladea tše di betlilwego tša mmala o mohwibidu,"

¹⁷di tlemilwe matheka ka mapanta, di bofilwe dituku tša go lekelela dihlogong tša tšona, di na le ponagalo ya bahlabani ka moka ga tšona, di swana le barwa ba Babilona, bao e lego Bakaladea ge e le mabapi le naga yeo ba tswaletšwego go yona."

¹⁸Ya re ge a di bona a di kganyoga ka matla a ba a romela baromiwa go tšona kua Kaladea."

¹⁹Barwa ba Babilona ba dula ba etla go yena, malaong a dipontšho tša lerato, ba mo šilafatša ka bootswa; a šilafatšwa ke bona, moya wa gagwe wa ba furalela o tennwe ke bona."

²⁰“A tšwela pele ka ditiro tša gagwe tša go gweba ka mmele pepeneneng le go hlobola bofeela bja gagwe, moo moya wa ka o ilego wa mo furalela o tennwe ke go ba le yena, go etša ge o ile wa furalela mogolwagwe o tennwe ke go ba le yena."

²¹A atiša ditiro tša gagwe tša go gweba ka mmele go fihlela a gopola mehleng ya bofsa bja gagwe, ge a be a gweba ka mmele nageng ya Egipita."

²²A dula a na le kganyogo e matla e swanago le ya basadi ba direthe bao beng ba bona ba nago le dinama tše di etšago tša dipokolo tše ditona le bao ditho tša bona tša bong di etšago tša dipere tše ditona."

²³Wa gopola boitshwaro bjo bo hlephilego bja bofseng bja gago ge o be o phopholwa sehuba go tloga kua Egipita go iša pele, e le gore o kgotsofatše kganyogo ya matswele a bofseng bja gago."

²⁴“Ka gona wena Oholiba, se ke seo Mmuši Morena Jehofa a se boletšego: ‘Bjale ke tsoša baratiwa ba gago go lwa le wena, bona bao moya wa gago o ba furaletšego ka go tenega, ke tla ba tliša go tšwa mahlakoreng ka moka gore ba lwe le wena,"

²⁵barwa ba Babilona le Bakaladea ka moka, banna ba Pekoda, ba Shoa le ba Koa, le barwa ba Asiria ka moka bao ba nago le bona, masogana a rategago, babuši bohle le matona ka moka ga ona, bahlabani le ba biditšwego bao ba nametšego dipere ka moka ga bona."

²⁶Ba tla go tsogela ka go tswirinya ga dikoloi tša ntwa le maotwana a tšona, ka phuthego ya batho, ka kotse e kgolo le e nyenyane gotee le ka kefa ya ntwa. Ba tla go dikanetša ka gohle, ka ba nea matla a go ahlola, gomme ba tla go ahlola ka dikahlolo tša bona."

²⁷Ke tla ntšhetša bogale bja ka go wena, ba tla go gatela mogato ba befetšwe. Ba tla go kgaola nko le ditsebe, mašaledi a gago a tla wa ka tšhoša. Ba tla tšea barwa le barwedi ba gago, mašaledi a gago a tla jewa ke mollo."

²⁸Ruri ba tla go hlobola diaparo ba go tšeela dilo tša gago tše dibotse."

²⁹Ke tla kgaotša boitshwaro bja gago bjo bo hlephilego, le gore go gweba ga gago ka mmele moo o go thomilego kua nageng ya Egipita go kgaotše; o ka se emišetše mahlo a gago go bona gomme o ka se sa gopola Egipita.’"

³⁰“Gobane se ke seo Mmuši Morena Jehofa a se boletšego: ‘Bjale ke go gafela diatleng tša bao o ba hloilego, diatleng tša bao moya wa gago o ba furaletšego ka go tenega."

³¹Ba tla go gatela mogato ka lehloyo gomme ba tšea dilo tša gago ka moka tšeo o itapišeditšego tšona, ba go tlogela o hlobotše o le feela; bofeela bja gago bja ge o be o dira ditiro tša bootswa le boitshwaro bja gago bjo bo hlephilego le ditiro tša gago tša go gweba ka mmele di tla pepentšhwa."