The Useless Vine

¹Dilong tša gago ka moka tše di šišimišago le ditirong tša gago tša go gweba ka mmele ga se wa ka wa gopola mehleng ya bofsa bja gago ge o be o hlobotše o le feela; o be o ragaraga o le mading a gago."

²Ya re ge o dirile bobe bja gago ka moka, (“o wa madimabe, wena o wa madimabe,” o re’alo Mmuši Morena Jehofa)"

³wa ikagela mmoto gomme wa itirela lefelo le le phagamego borekišetšong bjo bongwe le bjo bongwe."

⁴Magahlanong a mangwe le a mangwe a ditsela o ikagela lefelo le le phagamego wa goboša botse bja gago, wa tlaralaletša mofeti yo mongwe le yo mongwe wa tsela maoto a gago, wa atiša ditiro tša gago tša go gweba ka mmele."

⁵Wa gweba ka mmele le bana ba Egipita, baagišani ba gago bao ba nago le nama e kgolo, wa tšwela pele o atiša go gweba ga gago ka mmele e le gore o nkgopiše."

⁶Tseba gore ke tla otlolla seatla sa ka go lwa le wena, ka fokotša kabelo ya gago, ka go gafela dikganyogong tša basadi bao ba go hloilego, e lego barwedi ba Bafilisita, bona basadi bao ba jelwego ke dihlong ka baka la boitshwaro bja gago bjo bo hlephilego."

⁷“‘Wa tšwela pele o gweba ka mmele le bana ba Asiria ka gobane o be o sa kgotsofale, wa gweba ka mmele le bona, le gona moo wa se kgotsofale."

⁸Wa atiša go gweba ga gago ka mmele le Bakaladea thokong ya naga ya Kanana; gaešita le gona moo wa se kgotsofale."