Idolatrous Elders

¹Bjale ke lebišitše sefahlego sa ka go bona. Ba tšwile mollong, eupša ba tla jewa ke mollo. Ke moo le tlago go tseba gore ke nna Jehofa ge ke lebiša sefahlego sa ka go bona.’”"

²“‘Ke tla dira gore naga ya bona e be lešope ka gobane ba dirile tša go se botege,’ o re’alo Mmuši Morena Jehofa.”"

³Lentšu la Jehofa la buša la ntlela, la re:"

⁴“Morwa wa motho, tsebiša Jerusalema ka dilo tša yona tše di šišimišago."

⁵O re: ‘Se ke seo Mmuši Morena Jehofa a se boditšego Jerusalema: “O tšwa nageng ya Kanana e bile o belegetšwe gona. Tatago e be e le Moamore gomme mmago e le Mohethe."

⁶Ge e le ka tša matswalo a gago, letšatšing leo o belegwego ka lona ga wa ka wa ripša kalana, ga wa ka wa hlapišwa ka meetse gore o hlweke, ga wa ka wa šidilwa ka letswai, le gona ga wa ka wa phuthelwa ka mašela."

⁷Ga go leihlo leo le ilego la go kwela bohloko ka gore le go direle dilo tše ka ge le go šokela, eupša o ile wa lahlelwa fase molaleng ka ge moya wa gago o be o hlaswega letšatšing la ge o be o belegwa."

⁸“‘“Ya re ge nna ke feta kgauswi le wena ka go bona o ragaraga o le mading a gago, ka go botša o le go ona ka re: ‘Phela!’ Ee, ka go botša o le mading a gago ka re: ‘Phela!’"

⁹Ka go atiša kudukudu bjalo ka dimela tša naga e le gore o tle o gole o ate gomme o tle o kgabišitšwe ka sekgabiši se sebotsebotse. Matswele a gago a ile a thoka, moriri wa gago wa gola ya ba o mobotse ge o be o sa dutše o hlobotše o le feela.”’"

¹⁰“‘Ya re ge ke feta kgauswi le wena ka go lebelela gomme ka go bona o fihlile dinakong tša go ratana. Ka gona ka phurollela seaparo sa ka godimo ga gago ka khupetša bofeela bja gago, ka go enela ka ba ka tsenela kgwerano le wena,’ o re’alo Mmuši Morena Jehofa, ‘ka go re’alo wa ba wa ka."

¹¹Go oketša moo, ka go hlapiša ka meetse ka go tloša madi ka ba ka go tlotša ka makhura."

¹²Ka go apeša seaparo se se kgabišitšwego, ka go rweša dieta tša letlalo le boleta ka go phuthela ka lešela le boletiana la linene ka ba ka go khurumetša ka lešela la theko e kgolo."

¹³Ka buša ka go hlama ka mekgabišo, ka go rweša maseka diatleng le pheta molaleng."

¹⁴Ka ba ka go rweša lengina la nkong le mangina a ditsebeng gotee le mphapahlogo o mobotse hlogong."

¹⁵Wa ikgabiša ka gauta le silifera, wa apara lešela le boletiana la linene le la theko e kgolo le seaparo se se kgabišitšwego. Wa ja dinkgwa tša bupi bja mathume, dinose le makhura, wa ba yo mobotsebotse gomme wa feleletša o swanelegela maemo a bogoši.’”"

¹⁶“‘Leina la gago la tuma ditšhabeng ka baka la botse bja gago, gobane e be e le bjo bo phethagetšego ka baka la letago la ka leo ke go neilego lona,’ o re’alo Mmuši Morena Jehofa.”"

¹⁷“‘Eupša wa bota botse bja gago, wa ba mogweba-ka-mmele ka baka la leina la gago, wa ba wa tšama o gweba ka mmele le mofeti yo mongwe le yo mongwe wa tsela; wa ba nea botse bja gago."

¹⁸Wa tšea tše dingwe tša diaparo tša gago wa itirela mafelo a phagamego a mebalabala gomme wa gweba ka mmele o le go ona—dilo tša mohuta woo ga di a swanela go ba gona, e bile ga di a swanela go direga."

¹⁹Wa tšea dilo tša gago tše dibotse gare ga gauta ya ka le silifera ya ka yeo ke go neilego yona, wa itirela diswantšho tša banna wa otswa le tšona."

²⁰Wa tšea diaparo tša gago tše di kgabišitšwego wa di apeša tšona; wa bea makhura a ka le diorelo tša ka pele ga tšona."

²¹Dijo tša ka tše ke go neilego tšona—tša bupi bja mathume, makhura le dinose tšeo ke go ješitšego tšona—o ile wa ba wa di bea pele ga tšona gore e be monko o bose, gomme se sa tšwela pele se direga,’ o re’alo Mmuši Morena Jehofa.”"

²²“‘Wa tšea barwa le barwedi ba gago bao o mpelegetšego bona, wa direla diswantšho tšeo dihlabelo ka bona gore di ba je—na o re ditiro tša gago tša go gweba ka mmele ga di a lekana?"

²³Wa bolaya bana ba ka, wa ba nea diswantšho tšeo ka go ba fetiša mollong."