Making the Priestly Garments

¹Ba e direla mašelana a magetleng ao a bego a rokeletšwe go yona. A be a rokeletšwe magetleng a yona ka bobedi."

²Lepanta la yona la go e tlema le be le dirilwe ka dilo tšeo efoda e dirilwego ka tšona, e lego tlhale ya mmala wa gauta, tlhale e talalerata, boya bjo bo tailwego ka mmala wa bophepolo bjo bohwibidu, garane ya mmala o mohwibiduhwibidu le linene e boletiana yeo e ohlilwego, feela bjalo ka ge Jehofa a laetše Moshe."

³Ke moka ba tšea maswika a mabedi a bitšwago onikisi ba a tsenya ka gare ga dikonotswana tša gauta, ba gwara maina a barwa ba Isiraele go ona ka mokgwa woo palamonwana ya seka e gwarwago ka gona."

⁴A tsenya maswika ao mašelaneng ao a rokeletšwego magetleng a efoda gore e be maswika a kgopotšo go bana ba Isiraele, feela bjalo ka ge Jehofa a laetše Moshe."

⁵A dira phaphathiana ya sehubeng, a e dira ka mokgwa woo mokgabiši a kgabišago ka gona. A e dira ka dilo tšeo efoda e dirilwego ka tšona, e lego tlhale ya mmala wa gauta, tlhale e talalerata, boya bjo bo tailwego ka mmala wa bophepolo bjo bohwibidu, garane ya mmala o mohwibiduhwibidu le linene e boletiana yeo e ohlilwego."

⁶E be e na le mahlakore a mane a lekanago ge e hlatlagantšwe. Ba dira gore ge phaphathiana yeo ya sehubeng e hlatlagantšwe, botelele bja yona bo lekane le seatla se se atlaladitšwego le bophara bja yona bo lekane le seatla se se atlaladitšwego."

⁷Ba e direla methaladi e mene ya maswika. Mothaladi wa pele o be o na le leswika le le bitšwago rubi le la topase gotee le la emeralede."

⁸Mothaladi wa bobedi o be o na le la thekoise le la safire gotee le la jasepere."

⁹Mothaladi wa boraro o be o na le la lesheme le la agate gotee le la amethisete."

¹⁰Mothaladi wa bone o be o na le la kirisolite le la onikisi gotee le la jade. Mašobana ao maswika ao a tsenago go ona e be e le a gauta."

¹¹Maswika ao a be a latelana go ya ka maina a barwa ba Isiraele. E be e le a lesomepedi go ya le ka maina a bona, a gwarilwe ka mokgwa woo palamonwana ya seka e gwarwago ka gona. Leswika le lengwe le le lengwe le be le na le leina la yo mongwe wa ba meloko e lesomepedi."

¹²Mo phaphathianeng ya sehubeng ba dira thapo e logilwego bjalo ka ketane, ka mokgwa woo moohli wa dithapo a di ohlago ka gona. E be e le ya mmala wa gauta e sekilego."

¹³Ke moka ba dira dikonotswana tše pedi tša gauta le mašobana a mabedi a gauta, ba phula mašobana ao a mabedi mo dintlhaneng tše pedi tša phaphathiana ya sehubeng."

¹⁴Ka morago ga moo ba tsenya dithapo tšeo tše pedi tša mmala wa gauta mašobaneng ao a mabedi a lego dintlhaneng tša phaphathiana yeo ya sehubeng."

¹⁵Ba tsenya dintlha tše pedi tša dithapo tšeo tše pedi dikonotswaneng tše pedi. Ba bea dikonotswana tšeo mašelaneng a lego magetleng a efoda, karolong ya yona ya ka pele."

¹⁶Ke moka ba dira mašobana a mangwe a mabedi a gauta mo dintlhaneng tše pedi tša lešela la ka gare la phaphathiana ya sehubeng leo le kgohlanago le efoda."

¹⁷Ba dira mašobana a mangwe gape a mabedi a gauta mašelaneng a mabedi a lego magetleng a efoda karolong ya tlasana, lešelaneng leo le lego ka ntle, kgauswi le moo e kgomagantšwego gona, ka godingwana ga lepanta la efoda."

¹⁸Mafelelong ba tlemelela phaphathiana yeo ya sehubeng go tloga mašobaneng a yona go ya mašobaneng a efoda ka lenti le letalalerata, gore phaphathiana yeo e dule e le ka godingwana ga lepanta la efoda le gore e se šuthe moo godimo ga efoda, feela bjalo ka ge Jehofa a laetše Moshe."

¹⁹A dira seaparo sa go hloka matsogo seo se aparwago ka tlase ga efoda, a se dira ka mokgwa woo mologi wa mašela a logago ka gona, ka moka ga sona a se dira ka tlhale e talalerata."

²⁰Seaparo seo sa go hloka matsogo se be se bulegile mo kgareng, se bulegile ka mokgwa woo seaparo sa ntwa se bulegilego ka gona. Moo se bulegilego gona go be go na le morumo go se dikologa e le gore se se ke sa gagoga."

²¹Mo lemenong la sona ba dira diswantšho tša digarenate ka go logaganya tlhale e talalerata, boya bja mmala wa bophepolo bjo bohwibidu le garane ya mmala o mohwibiduhwibidu."

²²Ba dira le ditleloko tša gauta e sekilego gomme ba di tsenya magareng ga digarenate go dikologa lemeno la seaparo sa go hloka matsogo, ba di tsenya magareng ga digarenate;"

²³tleloko e nngwe le e nngwe ya gauta ya latelwa ke garenate go dikologa lemeno leo la seaparo sa go hloka matsogo, tša dirišwa ge ba hlankela, feela bjalo ka ge Jehofa a laetše Moshe."

²⁴Ka morago ga moo ba direla Arone le barwa ba gagwe diaparo tša linene e boletiana, tšeo di dirilwego ka mokgwa woo mologi wa mašela a logago ka gona,"

²⁵ba dira le tuku ya linene e boletiana, dikefa tše di kgabišitšwego tša linene e boletiana le marokgwana a linene e boletiana yeo e ohlilwego."

²⁶Ba dira le lepanta ka linene e boletiana yeo e ohlilwego, tlhale e talalerata le boya bja mmala wa bophepolo bjo bohwibidu. Tša logwa ka mokgwa woo mologi a logago ka gona, feela bjalo ka ge Jehofa a laetše Moshe."

²⁷Mafelelong ba tšea gauta e sekilego ba dira phaphathi ya go phadima, e lego seka se sekgethwa sa boineelo gomme ba se gwara ka mokgwa woo palamonwana ya seka e gwarwago ka gona ka mantšu a rego: “Bokgethwa ke bja Jehofa.”"

²⁸Ke moka ba tsenya lenti le letalalerata go yona e le gore ba e bofelele godimo ga tuku, feela bjalo ka ge Jehofa a laetše Moshe."

²⁹Ka gona modiro ka moka wa taberenakeleng, e lego tenteng ya kopano, wa fela, ka ge bana ba Isiraele ba be ba dirile tšohle go ya kamoo Jehofa a laetšego Moshe. Ba be ba dirile ka wona mokgwa woo."

³⁰Ba tliša taberenakele yeo go Moshe, ba tliša tente le ditlabakelo tša yona, dikgwega tša yona, diforeime tša yona, mapheko a yona, dikokwane tša yona le metheo ya yona e nago le mašoba,"

³¹sepipetši sa yona sa matlalo a dikgapa ao a tailwego ka mmala o mohwibidu, sepipetši sa yona sa matlalo a boleta le seširo sa go šira Areka,"

³²areka yeo e nago le diphaphathi tša bohlatse, dikota tša yona le sekhurumelo sa yona,"

³³tafola, dibjana tša yona ka moka le senkgwa sa pontšho,"

³⁴sehlomapone sa gauta e sekilego, mabone a sona ao a beilwego ka go lokologana, ditlabakelo tša sona ka moka le makhura a go gotetša lebone,"

³⁵aletare ya gauta, makhura a go tlotša motho ge a kgethwa, seorelo sa go nkga bose le seširo sa mojako wa tente,"

³⁶aletare ya koporo le sefo ya yona ya koporo, dikota tša yona le dibjana tša yona ka moka, sebjana sa go hlapela le sebeo sa sona,"

³⁷mašela a legora la lapa, dikokwane tša lona tše di nago le mašoba, seširo sa kgoro ya lapa, dithapo tša tente ya lona le dimapolo tša lona le ditlabakelo ka moka tša tirelo ya ka taberenakeleng, e lego tenteng ya kopano,"

³⁸diaparo tše di logilwego tša go hlankela ka sekgethweng, diaparo tše kgethwa tša moperisita Arone le diaparo tša barwa ba gagwe tša boperisita."

³⁹Bana ba Isiraele ba be ba dirile tirelo ka moka ka go latela tšohle tšeo Jehofa a di laetšego Moshe."

⁴⁰Moshe a lebelela modiro ka moka gomme a bona gore ba be ba o dirile feela bjalo ka ge Jehofa a be a laetše. Ke yona tsela yeo ba bego ba dirile ka yona. Moshe a napa a ba šegofatša."

⁴¹Jehofa a bolela le Moshe a re:"

⁴²“Ka letšatši la pele la kgwedi ya pele, o hlome taberenakele, e lego tente ya kopano."

⁴³O tsenye areka e nago le diphaphathi tša bohlatse ka go yona gomme o e šire ka seširo."