Jews Triumph; Purim

¹Bajuda ba ile ba gapeletšega go boloka matšatši ao le go a amogela. Ba ile ba ba ba dira gore seo e be molao le go bana ba bona gotee le go bohle bao ba bego ba ba tlatša, gore matšatši ao a se ke a ba feta, gore e be molao gore matšatši ao a mabedi a bolokwe go ya le ka seo se ngwadilwego ka ga ona le gore seo se dirwe ka nako ya ona ngwaga le ngwaga."

²Matšatši ao a be a swanetše go gopolwa le go bolokwa molokong o mongwe le o mongwe, lapeng le lengwe le le lengwe, seleteng se sengwe le se sengwe le motseng o mongwe le o mongwe; le gona matšatši ao a Purimi a be a se a swanela go lebalwa mo go Bajuda e bile bana ba bona ba be ba se ba swanela go tlogela go a gopola."

³Mohumagadi Esitere, e lego morwedi wa Abihaili, yena gotee le Morodekai wa Mojuda ba ile ba ngwala lengwalo le matla la go tiišetša lengwalo le la bobedi leo le bolelago ka Purimi."

⁴Ke moka a romela mangwalo go Bajuda ka moka ba dileteng tše lekgolo-masomepedi-šupa (127), e lego mmušong wa Ahasiwerosi, a ngwadile mantšu a khutšo le a therešo,"

⁵go tiišetša gore matšatši ao a Purimi a bolokwa ka lebaka la ona, feela bjalo ka ge Morodekai wa Mojuda le mohumagadi Esitere ba ile ba ba laela gore ba dire bjalo, le go ya kamoo ba phethilego ka gona ba ba ba laela le bana ba bona gore ba dire bjalo mabapi le ditaba tša go ikona dijo le tša go llela thušo."

⁶Mantšu a Esitere a ile a tiišetša ditaba tše tša mabapi le Purimi gomme a ngwalwa ka pukung."

⁷Kgoši Ahasiwerosi a laela gore go dirwe mošomo wa kgapeletšo mo nageng le dihlakahlakeng tša lewatleng."

⁸Ge e le modiro wa gagwe ka moka o mogolo, tša matla a gagwe le tšohle tša bogolo bja Morodekai bja ge kgoši e mo godiša, na ga di a ngwalwa ka Pukung ya ditaba tša mehleng ya dikgoši tša Media le Peresia?"

⁹Gobane Morodekai wa Mojuda o be a latela Kgoši Ahasiwerosi ka maemo, e le yo mogolo mo go Bajuda e bile a ratwa ke bana babo ba bantši, a dira tše di holago setšhaba sa gabo e bile a bolela ka khutšo le bana ba bona ka moka."

¹⁰Go kile gwa ba le monna yo mongwe nageng ya Utsi yo a bego a bitšwa Jobo; monna yoo o be a se na bosodi e bile a lokile, a boifa Modimo e bile a phema go dira bobe."

¹¹O be a na le barwa ba šupago le barwedi ba bararo."

¹²O be a ruile dinku tše dikete tše šupago (7 000), dikamela tše dikete tše tharo (3 000), dipane tše makgolohlano tša dikgomo, dipokolo tša ditshadi tše makgolohlano e bile a na le sehlopha se segologolo sa bahlanka; monna yoo e be e le yo mogolo go feta bohle Babohlabela."

¹³Barwa ba gagwe ba be ba fela ba dira monyanya ntlong ya yo mongwe le yo mongwe letšatšing leo le mo lebanego; ba be ba romela lentšu gore go yo laletšwa dikgaetšedi tša bona tše tharo gore di tlo ja le go nwa le bona."

¹⁴E be e re ge ka moka ga bona ba feditše go dira menyanya matšatšing a bona ao a ba lebanego, Jobo a romele lentšu la gore ba ikgethagatše; o be a tsoga e sa le ka masa a neela dihlabelo tša go fišwa go ya ka palo ya bona ka moka; gobane Jobo o be a re: “Mohlomongwe bana ba ka ba dirile sebe le go roga Modimo ka dipelong tša bona.” Ke kamoo Jobo a bego a dira ka gona ka mehla."

¹⁵Eitše ka letšatši le lengwe ge barwa ba Modimo wa therešo ba be ba tlile go ema pele ga Jehofa, Sathane le yena a tsena gona moo gare ga bona."

¹⁶Jehofa a napa a botšiša Sathane a re: “O tšwa kae?” Ke moka Sathane a araba Jehofa a re: “Ke tšo ralala le lefase ke itshepelela go lona.”"

¹⁷Jehofa a re go Sathane: “A o etše hloko mohlanka wa ka Jobo, gore ga go yo a swanago le yena lefaseng, le gore ke monna yo a se nago bosodi le yo a lokilego, yo a boifago Modimo le yo a phemago go dira bobe?”"

¹⁸Ke moka Sathane a araba Jehofa a re: “Na o re ge Jobo a boifa Modimo o mmoifela lefeela?"

¹⁹Na ga se wena o mo ageleditšego ka legora, yena le bohle ba ntlo ya gagwe gotee le se sengwe le se sengwe seo a nago le sona go mo dikologa? O šegofaditše modiro wa diatla tša gagwe gomme diruiwa tša gagwe tšona di tletše gohle lefaseng."

²⁰Eupša, hle otlolla seatla sa gago o kgwathe selo se sengwe le se sengwe se a nago le sona gomme o bone ge e ba a ka se go roge mahlong.”"

²¹Jehofa a napa a re go Sathane: “Tseba gore tšohle tše a nago le tšona ke di gafetše seatleng sa gago. Eupša ge e le yena o se ke wa otlollela seatla sa gago go yena!” Ke moka Sathane a tloga pele ga sefahlego sa Jehofa."

²²Bjale eitše ka letšatši le lengwe ge barwa le barwedi ba gagwe ba be ba eja le go nwa beine ntlong ya ngwanabo bona wa leitšibulo,"

²³gwa tla moromiwa go Jobo, a re go yena: “Dikgomo di be di lema gomme dipokolo tše ditshadi di fula kgauswi le tšona"

²⁴ge go tla fihla Baseba ba hlasela ba di tšea, ba bolaya badiši ka bogale bja tšhoša; gwa phonyokga nna ke nnoši gore ke tle ke go begele.”"

²⁵Ge yo a sa bolela gwa tla yo mongwe a re: “Go tlile mollo wa Modimo o etšwa magodimong wa tšhuma dinku le badiši wa ba ja; gwa phonyokga nna ke nnoši gore ke tle ke go begele.”"

²⁶Ge yoo le yena a sa bolela, gwa tla yo mongwe a re: “Bakaladea ba tlile ka mephato e meraro ba hlasela dikamela ba di thopa, ba bolaya badiši ka bogale bja tšhoša; gwa phonyokga nna ke nnoši gore ke tle ke go begele.”"

²⁷Ge yoo le yena a sa bolela, gwa tla yo mongwe gape a re: “Barwa le barwedi ba gago ba be ba eja e bile ba enwa beine ntlong ya ngwanabo bona wa leitšibulo."

²⁸Gwa tla phefo e kgolo e etšwa lešokeng, ya šišinya dikhutlo tše nne tša ntlo gomme ntlo yeo ya wela godimo ga bana bao ba hwa. Gwa phonyokga nna ke nnoši gore ke tle ke go begele.”"

²⁹Jobo a napa a ema a gagola seaparo sa gagwe sa go hloka matsogo, a kota moriri wa hlogo ya gagwe, a wela fase a khunama"

³⁰a re: “Ke tšwile popelong ya mma ke le feela, Ke tla boela gona ke le feela. Jehofa o neile, e bile Jehofa o tšere. Anke leina la Jehofa le tšwele pele le tumišwa.”"

³¹Go tše ka moka Jobo ga se a ka a dira sebe goba a bolela gore Modimo o dirile selo le ge e le sefe se se fošagetšego."

³²Ka morago ga moo gwa tla letšatši la gore barwa ba Modimo wa therešo ba tle go ema pele ga Jehofa, Sathane le yena a tsena gona moo gare ga bona gore a eme pele ga Jehofa."