Haman's Downfall

¹Dileteng ka moka le metseng ka moka kae le kae moo lentšu la kgoši le molao wa yona di bego di fihlile, Bajuda ba be ba thabile e bile ba hlalala, e le monyanya le letšatši le lebotse; merafo e mentši ya moo nageng e be e ipolela gore ke Bajuda, ka gobane e be e boifa Bajuda."

²Kgweding ya lesomepedi, e lego kgwedi ya Adara, ka letšatši la lesometharo la yona, ge go be go fihlile nako ya gore lentšu la kgoši le molao wa yona di tle di phethwe, ka lona letšatši leo manaba a Bajuda a bego a letetše go ba fenya, dilo di ile tša fetoga, ka gore Bajuda ba ile ba fenya bao ba bego ba ba hloile."

³Bajuda ba ile ba kgobokana metseng ya bona dileteng ka moka tša Kgoši Ahasiwerosi gore ba lwe le bao ba bego ba nyaka go ba gobatša, gomme ga go monna le o tee yo a ilego a ema pele ga bona, ka gobane merafo ka moka e be e ba tšhogile."

⁴Dikgošana ka moka tša dilete, babušiši, babuši le bao ba bego ba dira mediro ya mošate ba be ba thuša Bajuda, ka gobane ba be ba tšhogile Morodekai."

⁵Gobane Morodekai e be e le yo mogolo ka ntlong ya kgoši gomme botumo bja gagwe bo be bo phatlalala dileteng ka moka, ka ge matla a monna yo Morodekai a be a gola a eya pele."

⁶Bajuda ba hlasela manaba a bona ka moka ka go a hlaba ka tšhoša, ba a bolaya le go a fediša, ba ba ba dira seo ba se ratago ka bao ba ba hloilego."

⁷Kua Shushani, e lego mošate, Bajuda ba ile ba bolaya batho gomme gwa fedišwa banna ba makgolohlano."

⁸Le gona Parashanadatha, Dalifoni, Asipatha,"

⁹le Poratha, Adalia, Aridatha"

¹⁰le Paramashita, Arisai, Aridai le Bayesatha,"