Wisdom Better Than Folly

¹e lego seo moya wa ka o bego o duletše go se tsoma, eupša ga se ka se hwetša. Go ba sekete (1 000) ke hweditše monna o tee yo a lokilego, eupša gare ga ba ka moka ga se ka hwetša mosadi yo a lokilego."

²Selo setee seo ke se hweditšego ke gore Modimo wa therešo o dirile batho ba lokile, eupša bona ba itsomela maano a mantši.”"

³Ke mang yo a swanago le yo bohlale? Ke mang yo a tsebago tlhathollo ya dilo? Bohlale bja motho bo ediša sefahlego sa gagwe gomme sefahlego sa gagwe se thata se a kaonefala."

⁴Ke re: “Lota taelo ya kgoši, o dire seo ka baka la keno yeo e dirilwego pele ga Modimo."

⁵O se ke wa itlhaganela go tloga pele ga kgoši. O se ke wa dulela go dira tše mpe. Kgoši e tla dira tšohle tšeo di e kgahlago,"

⁶ka gobane lentšu la kgoši le matla kudu; ke mang yo a ka rego go yona: ‘O dira’ng?’”"

⁷Yo a lotago taelo a ka se welwe ke selo le ge e le sefe sa bošula, gomme pelo yeo e hlalefilego e tla tseba nako le mokgwa wa go ahlola."

⁸Taba e nngwe le e nngwe e na le nako le mokgwa wa go e ahlola, ka gobane bošula bo atile bathong."

⁹Ga go yo a tsebago seo se tlago go direga, ka gobane ke mang yo a ka mmotšago kamoo se tlago go direga ka gona?"

¹⁰Ga go motho yo a nago le matla a go laola moya gore a ka o thibela; e bile ga go yo a nago le matla a go laola letšatši la go hwa; le gona a ka se lokollwe ntweng. Bokgopo bo ka se hlakodiše bao ba nweletšego go bjona."

¹¹Tše ka moka ke di bone gomme pelo ya ka ya eleletša ka mediro ka moka yeo e dirilwego ka tlase ga letšatši, nakong ya ge motho a buša yo mongwe gore a mo gobatše."

¹²Eupša le ge go le bjalo, ke bone ba kgopo ba bolokwa, ka bona kamoo ba bego ba tsena le kamoo ba bego ba etšwa lefelong le lekgethwa gomme ba lebalwa motseng woo ba ilego ba dira bjalo go wona. Se le sona ke lefeela."

¹³Ka ge tiro e mpe e sa ahlolwe ka go akgofa, ke ka baka leo dipelo tša bana ba batho di ikemišeditšego go dira bobe."

¹⁴Gaešita le ge modiradibe a ka dira bobe ga lekgolo gomme a phela nako e telele a dutše a dira boithatelo, fela seo ke se tsebago ke gore bao ba boifago Modimo wa therešo dilo di tla ba sepelela gabotse, ka ge ba be ba mmoifa."

¹⁵Eupša yo kgopo dilo di ka se mo sepelele gabotse le gatee, e bile a ka se telefatše matšatši a gagwe ao a etšago moriti, ka gobane ga a boife Modimo."

¹⁶Lefeela leo le lego gona lefaseng ke la gore go na le bao ba lokilego bao ba tlelwago ke tše di loketšego mediro ya ba kgopo gomme go na le ba kgopo bao ba tlelwago ke tše di loketšego mediro ya bao ba lokilego. Ka re se le sona ke lefeela."

¹⁷Nna ka reta lethabo, ka ge go se se sekaone bathong fa tlase ga letšatši se se phalago go ja le go nwa gotee le go thaba gomme bona ba swanetše go thaba boitapišong bja bona matšatšing a ge ba sa phela, ao Modimo wa therešo a ba neilego ona ka tlase ga letšatši."

¹⁸Ka go ya ka se, ka gafela pelo ya ka go hwetša bohlale le go lemoga modiro wo o dirwago mo lefaseng, ka gobane ga go yo a patago boroko, e ka ba mosegare goba bošego."

¹⁹Ka bona mediro ka moka ya Modimo wa therešo, ka bona kamoo batho ba palelwago ke go hlatha modiro wo o dirwago ka tlase ga letšatši; le ge batho ba itapiša kudu go e tsoma, eupša ba ka se e hlathe. Gaešita le ge ba ka re ba hlalefile kudu gore ba ka e tseba, fela ba ka se e hlathe."

²⁰Ka eleletša tše ka moka pelong, ka ba ka di nyakišiša, ka bona ge ba ba lokilego le ba bohlale gotee le mediro ya bona ba le seatleng sa Modimo wa therešo. Batho ga ba tsebe lerato goba lehloyo tšeo di bego di le gona pele ba eba gona."

²¹Bohle ba tlelwa ke tše di swanago. Moloki le yo kgopo, wa go loka le yo a hlwekilego, wa go se hlweke le yo a dirago sehlabelo gotee le yo a sa se dirego, ba tlelwa ke tše di swanago. Moloki o swana le modiradibe; yo a enago o swana le mang le mang yo a tšhabago go ena keno."

²²Se ke bošula go tšohle tšeo di dirwago ka tlase ga letšatši, bja gore ka ge ka moka ba tlelwa ke tše di swanago, dipelo tša bana ba batho di tletše bobe; dipelo tša bona di tletše bogaswi nakong ya ge ba sa phela gomme ka morago ga moo ba ikela bahung."

²³Mang le mang yo a balwago le ba phelago o na le kholofelo, ka ge mpša e phelago e phala tau e hwilego."

²⁴Bao ba phelago ba a tseba gore ba tlo hwa; eupša ge e le bahu ga ba tsebe selo le gatee, le gona ga ba sa na moputso le ka mohla ka gobane ba lebetšwe."

²⁵Le gona, lerato la bona, lehloyo la bona le lehufa la bona di fedile gomme ga ba sa na karolo le ka mohla selong le ge e le sefe seo se dirwago ka tlase ga letšatši."

²⁶Eya o je dijo tša gago o thabile, o nwe beine ya gago ka pelo e thabilego, ka gobane Modimo wa therešo o šetše a kgahlilwe ke mediro ya gago."

²⁷Diaparo tša gago ka mehla e be tše tšhweu, hlogo ya gago e se hloke makhura."

²⁸Thabela bophelo le mosadi yo o mo ratago matšatšing ka moka a bophelo bja gago bja lefeela bjo Modimo a go filego bjona ka tlase ga letšatši, matšatšing ka moka a lefeela a ge o sa phela, ka gobane seo ke karolo ya gago bophelong le boitapišong bjo o itapišago ka bjona ka tlase ga letšatši."

²⁹Tšohle tšeo seatla sa gago se kgonago go di dira, di dire ka matla a gago ka moka ka gobane Bodulabahu mo o yago gona, ga go na modiro le ge e le maano goba tsebo."