The Inability to Be Satisfied

¹O se itire yo a lokilego kudu goba wa ipontšha o le yo a hlalefilego kudu. O re’ng o itshenya?"

²O se be yo kgopo kudu goba wa ba lešilo. Go re’ng o ka hwa pele ga nako?"

³Go kaone gore o kwe keletšo ye, fela o sa hlokomologe e nngwe; ka gobane yo a boifago Modimo o tla di šetša bobedi bja tšona."

⁴Bohlale bo dira gore yo bohlale a be yo matla go feta babuši ba matla bao ba lego motseng."

⁵Lefaseng ga go motho yo a lokilego yo a dirago seo se lokilego gomme a sa dire sebe."

⁶Le gona, o se šetše mantšu ka moka ao batho ba a bolelago, e le gore o se kwe ge mohlanka wa gago a go roga."

⁷Ka gobane pelo ya gago e tseba gabotse gore ke gantši le wena o roga ba bangwe."

⁸Tše ka moka ke di lekile ka bohlale. Ka re: “Ke tla hlalefa.” Eupša bohlale bo be bo le kgole le nna."

⁹Seo se lego gona se kgole kudu e bile se iša kudu. Ke mang yo a ka se utollago?"

¹⁰Ka retologa, le pelo ya ka ya retologa gore ke hwetše, ke latišiše le go tsoma bohlale gotee le lebaka leo ka lona dilo di diregago, le gore ke tsebe gore botlaela ke bokgopo le gore bogaswi ke bošilo;"

¹¹ge ke nyakišiša, ka hwetša gore seo se galakago go phala lehu ke mosadi yo e lego molaba le yo pelo ya gagwe e lego lokwa gomme diatla tša gagwe e le ditlemo. Motho yo a phonyokgago go yena e ba yo a lokilego pele ga Modimo wa therešo, eupša motho yo a tanywago ke mosadi yo o dira sebe."

¹²Mokgoboketši o itše: “Se ke se hweditšego ke gore dilo di bapišwe, e le gore ke kwešiše kamoo dilo di lego ka gona,"