Firstfruits and Tithes

¹O bolele o le pele ga Jehofa Modimo wa gago o re: ‘Tate e be e le Mosiria yo bophelo bja gagwe bo bego bo le kotsing; o ile a theogela Egipita a yo dula moo e le modiiledi a na le ba sego kae ka palo; eupša ge a le moo o ile a fetoga setšhaba se segolo, se matla le se sentši kudu."

²Baegipita ba ile ba re swara gampe, ba re hlakiša le go re diriša mošomo o thata wa bokgoba."

³Re ile ra goeletša Jehofa Modimo wa borakgolokhukhu ba rena, gomme Jehofa a kwa mantšu a rena a ba a šetša go hlakišwa ga rena, go tshwenyega ga rena le go gatelelwa ga rena."

⁴Mafelelong Jehofa o ile a re ntšha Egipita ka seatla se matla, ka letsogo leo le otlolotšwego, ka dilo tše di boifišago kudu, ka dipontšho le mehlolo."

⁵Ke moka a re tliša lefelong le gomme a re nea naga ye, naga yeo e elago maswi le dinose."

⁶Bjale šefa ke tlišitše dithakangwaga tša dienywa tša naga yeo Jehofa a nneilego yona.’ “Le gona o di bee pele ga Jehofa Modimo wa gago gomme o khuname pele ga Jehofa Modimo wa gago."

⁷O thabele dilo ka moka tše botse tšeo Jehofa Modimo wa gago a di neilego wena le ba lapa la gago, a di neilego wena le Molefi gotee le modiiledi yo a lego mo go wena."

⁸“Ge o feditše go kgoboketša karolo ka moka ya lesome ya puno ya gago ngwageng wa boraro, e lego ngwaga wa go ntšha karolo ya lesome, o e nee Molefi, modiiledi, tšhiwana le mohlologadi gomme ba e jele dikgorong tša gago ba khore."

⁹O bolele pele ga Jehofa Modimo wa gago o re: ‘Ke ntšhitše dilo tše tše kgethwa ntlong ya ka ka di nea Molefi le modiiledi, tšhiwana le mohlologadi, go ya ka ditaelo ka moka tšeo o ntaetšego tšona. Ga se ka tshela ditaelo tša gago, e bile ga se ka di lebala."

¹⁰Dilo tšeo ga se ka di ja ge ke be ke lla, ga se ka tloša le ge e le sefe sa tšona ge ke be ke se ka hlweka, le gona ga se ka nea tše dingwe tša tšona bakeng sa mohu le ge e le ofe. Ke ile ka theetša lentšu la Jehofa Modimo wa ka. Ke dirile go ya ka tšohle tšeo o ntaetšego tšona."

¹¹Lebelela fase o le lefelong la gago le lekgethwa, e lego ona magodimo, o šegofatše setšhaba sa gago sa Isiraele le naga yeo o re neilego yona, e lego naga yeo e elago maswi le dinose, feela bjalo ka ge o enetše borakgolokhukhu ba rena.’"

¹²“Lehono le Jehofa Modimo wa gago o go laela gore o phethe ditaelo le dikahlolo tše; o di latele le go di phetha ka pelo ya gago ka moka le ka moya wa gago ka moka."

¹³Wena lehono o tutueditše Jehofa gore a bolele gore e tla ba Modimo wa gago ge o dutše o sepela ditseleng tša gagwe, o lota melao ya gagwe, ditaelo tša gagwe le dikahlolo tša gagwe e bile o theetša lentšu la gagwe."

¹⁴Ge e le Jehofa yena lehono o go tutueditše gore o bolele gore o tla ba setšhaba sa gagwe, e lego thoto ya gagwe e kgethegilego, feela bjalo ka ge a go holofeditše, le go bolela gore wena o tla latela ditaelo tša gagwe ka moka,"

¹⁵le gore yena o tla go bea ka godimo ga ditšhaba tše dingwe ka moka tšeo a di dirilego, ke moka seo sa tlišetša Jehofa Modimo wa gago tumišo, botumo le botse, ge wena o itlhatsela o le setšhaba se sekgethwa go yena, feela bjalo ka ge a holofeditše.”"

¹⁶Moshe gotee le banna ba bagolo ba Isiraele ba laela setšhaba. Moshe a re: “Le latele taelo e nngwe le e nngwe yeo ke le laelago yona lehono."

¹⁷E re mohlang le tshela Noka ya Jorodane le tshelela nageng yeo Jehofa Modimo wa lena a le neago yona, le ipeeleng maswika a magolo gomme le a phare ka motaga."

¹⁸Mo godimo ga ona le ngwale mantšu ka moka a molao wo ge le šetše le tsheletše ka mošola, e le gore le tsene nageng yeo Jehofa Modimo wa lena a le neago yona, naga e elago maswi le dinose, go ya kamoo Jehofa Modimo wa borakgolokhukhu ba lena a boletšego le lena ka gona."

¹⁹Ge le šetše le tshetše Noka ya Jorodane, le beeng maswika ao Thabeng ya Ebala, feela bjalo ka ge re le laela lehono, gomme le a phare ka motaga."