Laws of the Assembly

¹Fela Jehofa Modimo wa gago ga se a nyaka go theetša Bileama; eupša Jehofa Modimo wa gago o ile a fetoša thogako gore e be tšhegofatšo bakeng sa gago, ka ge Jehofa Modimo wa gago a be a go rata."

²O se ke wa šomela gore ba be le khutšo le katlego mehleng ka moka ya ge o sa phela, go ba go iša mehleng ya neng le neng."

³“O se ke wa hlaswa Moedomo ka gobane ke ngwaneno. “O se ke wa hlaswa Moegipita ka gobane o bile modiiledi nageng ya gabo."

⁴Bana ba bona ba molokong wa boraro ba ka itlela phuthegong ya Jehofa."

⁵“Ge e ba o ka tšwa wa yo hloma mešaša gore o lwe le manaba a gago, o itote dilong ka moka tše mpe."

⁶Ge mo go wena go ka ba le monna yo a sego a hlweka ka baka la go ediša bošego, a tšwele ka ntle ga mešaša. A se ke a tla mešašeng."

⁷Ge e eba thapama a hlape ka meetse, e be gona a ka tlago mešašeng ge letšatši le sobetše."

⁸Lefelo la boithomelo le be ka ntle ga mešaša gomme o ye moo."

⁹Mo go ditlabakelo tša gago go be le kepo gomme e re ge o eya go ithoma ka ntle ga mešaša, o epe molete ka yona ke moka ge o feditše o retologe o khupetše mantle a gago."

¹⁰Ka gobane Jehofa Modimo wa gago o sepelasepela mešašeng ya gago gore a go hlakodiše le go gafela manaba a gago go wena; mešaša ya gago e be e mekgethwa, e le gore go wena a se ke a bona selo seo se sa hlomphegego gomme a lesa go sepela le wena."

¹¹“O se ke wa bušetša lekgoba go mong wa lona ge le tšhabile go mong wa lona la tla go wena."

¹²Le tla dula le wena ga geno lefelong le ge e le lefe leo le le kgethago moo le go ratago, go o mongwe wa metse ya gago. O se ke wa le hlakiša."

¹³“Go se be le o tee wa barwedi ba Isiraele yo a bago mogweba-ka-mmele wa tempeleng, le gona go se be le ge e le mang wa barwa ba Isiraele yo e bago mogweba-ka-mmele wa tempeleng."

¹⁴O se ke wa tliša tšhelete ya tefo ya mogweba-ka-mmele goba ya mpša ntlong ya Jehofa Modimo wa gago bakeng sa go dira keno le ge e le efe, ka gobane ditefo tšeo ka bobedi ke selo se se šišimišago go Jehofa Modimo wa gago."

¹⁵“O se ke wa lefiša ngwaneno tswalo, e lego tswalo ya tšhelete, tswalo ya dijo, tswalo ya selo le ge e le sefe seo motho a ka nyakago tswalo go sona."

¹⁶Motho o šele yena o ka mo lefiša tswalo eupša ngwaneno o se mo lefiše tswalo, e le gore Jehofa Modimo wa gago a go šegofatše medirong ya gago ka moka nageng yeo o yago go e tšea gore e be ya gago."

¹⁷“Ge o ka enela Jehofa Modimo wa gago keno, o se ke wa diega go e phetha ka gobane Jehofa Modimo wa gago o tla e nyaka go wena, gomme o tla ba o dirile sebe."

¹⁸Eupša ge o ka se dire keno, o tla be o sa dira sebe."

¹⁹O lote polelo yeo o e boletšego ka molomo wa gago, o be o dire feela bjalo ka ge o enetše Jehofa Modimo wa gago keno yeo o e boletšego ka molomo wa gago e le sebego sa boithaopo."

²⁰“Ge o ka tsena serapeng sa merara sa wa geno, o je feela diterebe tšeo di lekanego go kgotsofatša moya wa gago, eupša o se ke wa tsenya selo ka ntlatlaneng ya gago."

²¹“Ge o ka ya tšhemong e sa bunwago ya wa geno, o kge feela diako tše di budulego ka seatla sa gago, eupša mabele a wa geno ao a sego a bunwa o se ke wa a sega ka sekela."

²²“Ge e ba monna a ka tšea mosadi a mo nyala, ka morago mosadi yoo a se sa amogelega mahlong a monna yoo ka baka la ge a hweditše selo se sengwe seo a se bonego se sa hlomphege go yena, gona monna yoo a mo ngwalele lengwalo la bohlatse la tlhalo gomme a mo nee lona ka seatleng ke moka a mo lese a tšwe ka ntlong ya gagwe."

²³Mosadi yoo a tšwe ka ntlong ya monna yoo gomme a tšewe ke monna yo mongwe."

²⁴Ge e ba monna wa bobedi a be a thomile go se sa mo rata e bile a mo ngwaletše lengwalo la bohlatse la tlhalo a mo nea lona ka seatleng ke moka a mo lesa gore a tšwe ka ntlong ya gagwe, goba ge e ba yena monna yoo wa bobedi yo a ilego a mo tšea a mo nyala a ka hwa,"

²⁵gona monna wa gagwe wa pele yo a mo rakilego a ka se dumelelwe go mo tšea gape gore e be mosadi wa gagwe ka morago ga ge a šilafaditšwe; ka gobane seo ke selo se se šišimišago pele ga Jehofa, le gona naga yeo Jehofa Modimo wa gago a go neago yona e le bohwa, o se ke wa e iša sebeng."