Cities of Refuge

¹goba yo a ka rego ge a sepetše le wa gabo ba ile sethokgweng go yo rwalela dikgong, ya re ge a emišitše seatla gore a reme sehlare ka selepe, ke moka hlogwana ya selepe ya khwamoga mo go mpheng wa sona wa kota gomme ya itia wa gabo a hwa, gona motho yoo a tšhabele go o mongwe wa metse yeo gore a phele."

²Go sego bjalo, ka baka la ge pelo ya molefeletši wa madi e tuka bogale, a ka rakediša yoo a bolailego motho gomme a mo swara, ka ge tsela e le e telele; a ka ba a mo itia a mmolaya, mola e le gore ga se a hlwa a ahlolelwa lehu, ka gobane a be a se a hloya wa gabo."

³Ke ka baka leo ke go laelago ke re: ‘O ipeele metse e meraro ka thoko.’"

⁴“Ge e ba Jehofa Modimo wa gago a katološa selete sa gago go ya kamoo a enetšego borakgolokhukhu ba gago gomme a go neile naga ka moka yeo a holofeditšego go e nea borakgolokhukhu ba gago,"

⁵ka ge o tla be o lota ditaelo tše ka moka tšeo ke go laelago tšona lehono ka gore o di phethe, gore o rate Jehofa Modimo wa gago le go sepela ditseleng tša gagwe ka mehla, gona o ikokeletše ka metse e mengwe e meraro go yeo e meraro,"

⁶e le gore go se tšhollwe madi a se nago molato nageng ya geno yeo Jehofa Modimo wa gago a go neago yona e le bohwa, le gore o se be le molato wa madi."

⁷“Eupša ge go ka ba le motho yo a bego a hloile ngwanabo, a ile a mo lalela le go mo tsogela gomme a mo itia a mmolaya, ya ba motho yoo o tšhabetše go o mongwe wa metse ye,"

⁸gona banna ba bagolo ba motse wa gabo ba romele lentšu gomme a tšewe fao, ba mo gafele seatleng sa molefeletši wa madi, ke moka a bolawe."

⁹Leihlo la gago le se ke la mo kwela bohloko, gomme o lefetše molato wa yoo a se nago molato wa madi Isiraeleng, gore dilo di go sepelele gabotse."

¹⁰“O se ke wa šuthiša mollwane wa wa geno, ge borakgolokhukhu ba gago ba tla be ba beile mellwane bohweng bjoo o tlago go bo hwetša nageng yeo Jehofa Modimo wa gago a go neago yona gore e be ya gago."

¹¹“Hlatse e tee e se ke ya ema go bea motho molato le ge e le ofe goba go mo phara ka sebe le ge e le sefe, ge e ba go ka ba le sebe le ge e le sefe seo a se dirago. Taba e tiišwe ka molomo wa dihlatse tše pedi goba tše tharo."

¹²Ge e ba go ka tsoga hlatse yeo e rerelago motho yo mongwe bošoro ka go mmea molato wa gore o tshetše molao,"

¹³gona batho bao ba babedi bao ba lwago ba ye go ema pele ga Jehofa, pele ga baperisita le baahlodi bao ba tla bego ba hlankela mehleng yeo."

¹⁴Baahlodi ba nyakišiše gabotse; ge e ba hlatse yeo e le hlatse ya maaka gomme e latofatša ngwanabo yona ka maaka,"

¹⁵gona le e direng ka mokgwa wo e bego e rerile go dira ngwanabo yona, le tlošeng se sebe mo gare ga lena."

¹⁶Ka gona bao ba šetšego ba tla di kwa gomme ba tšhoga, le gona ba ka se tsoge ba dirile selo se sebe go etša se mo go wena."

¹⁷Leihlo la gago le se ke la ba le kwelobohloko: bophelo bo lefše ka bophelo, leihlo ka leihlo, leino ka leino, seatla ka seatla le lenao ka lenao."

¹⁸“Ge o ka re o tšwile go yo lwa le manaba a gago gomme wa bona dipere le dikoloi tša ntwa, wa bona setšhaba se segolo go go feta, o se ke wa se boifa; gobane Jehofa Modimo wa gago o na le wena, yena yo a go rotošitšego a go ntšha nageng ya Egipita."

¹⁹Ge le batametše go ya tlhabanong, moperisita le yena a batamele a bolele le setšhaba."

²⁰A se botše a re: ‘Lena Baisiraele, ekwang, lehono le kgauswi le go yo lwa le manaba a lena. Dipelo tša lena di se ke tša boifa. Manaba ao a se ke a le tšhoša gomme la boifa goba la thothomela,"

²¹gobane Jehofa Modimo wa lena o sepela le lena gore a le lwele manabeng a lena e le gore a le phološe.’"