Priests and Prophets

¹Gobane ke yena yoo Jehofa Modimo wa gago a mo kgethilego mo go meloko ka moka ya gago gore ka mehla a hlankele leineng la Jehofa, yena le barwa ba gagwe."

²“Ge Molefi a ka tšwa go o mongwe wa metse ya gago ka moka ya Isiraele, moo a dutšego gona lebakanyana gomme ka baka la ge go na le seo moya wa gagwe o se kganyogago a tla lefelong leo Jehofa a tlago go le kgetha,"

³le yena a hlankele leineng la Jehofa Modimo wa gagwe go etša bana babo ka moka, e lego Balefi bao ba emego moo pele ga Jehofa."

⁴A je kabelo e lekanago le ya bona, go sa balwe seo a se hwetšago dilong tšeo a di rekišago dithotong tša borakgolokhukhu ba gagwe."

⁵“Ge o tsene nageng yeo Jehofa Modimo wa gago a go neago yona, o se ke wa ithuta go dira dilo tše di šišimišago tša ditšhaba tšeo."

⁶Go wena go se ke gwa hwetšwa motho yo a fetišago morwa goba morwedi wa gagwe mollong, senoge, ramalea goba motho yo a dirišago dipheko goba moloi,"

⁷goba yo a fošago ba bangwe ka meleko goba yo a dirišanago le meoya e mebe goba sedupe goba motho le ge e le ofe yo a botšišago dilo bahung."

⁸Ka gobane motho yo mongwe le yo mongwe yo a dirago dilo tše ke selo se se šišimišago go Jehofa, gomme ke ka baka la dilo tše tše di šišimišago ge Jehofa Modimo wa gago a raka ditšhaba tšeo pele ga gago."

⁹O ipontšhe o se na bosodi go Jehofa Modimo wa gago."

¹⁰“Ditšhaba tše tšeo o di amogago naga di be di theetša boramalea le dinoge; eupša ge e le wena, Jehofa Modimo wa gago ga se a go nea selo le ge e le sefe se se swanago le se."

¹¹Jehofa Modimo wa gago o tla go tsošetša moporofeta yo a swanago le nna mo go wena, mo gare ga bana beno—le mo theetšeng—"

¹²e le ge a araba tšohle tšeo o di kgopetšego go yena Jehofa Modimo wa gago kua Horebe mohlang le be le kgobokane, ge o be o re: ‘Dira gore ke se ke ka kwa lentšu la Jehofa Modimo wa ka gape, dira gore ke se bone mollo wo o mogolo gape, e le gore ke se ke ka hwa.’"

¹³Ke moka Jehofa a re go nna: ‘Tšeo ba di boletšego di a kwala."

¹⁴Ke tla ba tsošetša moporofeta yo a swanago le wena gare ga bana babo bona; ke tla bea mantšu a ka molomong wa gagwe, gomme yena o tla ba botša tšohle tšeo ke tlago go mo laela tšona."

¹⁵Ke tla sekiša motho yo mongwe le yo mongwe yo a ka se kego a theetša mantšu ao moporofeta yoo a tlago go a bolela ka leina la ka."

¹⁶“‘Eupša ge e le moporofeta yo a gapeletšago go bolela ka leina la ka mantšu ao ke sa mo laelago gore a a bolele goba yo a bolelago ka leina la medimo e mengwe, yena a bolawe."

¹⁷Ge pelong ya gago o ka re: “Re tla tseba bjang mantšu ao a sa bolelwago ke Jehofa?”"

¹⁸O tla tseba gore mantšu ao ga se ao a boletšwego ke Jehofa ge e ba moporofeta a ka bolela ka leina la Jehofa gomme mantšu ao a se direge goba a se phethege. Moporofeta yoo o a boletše ka boikgodišo. A se ke a go tšhoša.’"

¹⁹“Ge Jehofa Modimo wa gago a fediša ditšhaba tšeo yena Jehofa Modimo wa gago a go neago naga ya tšona, gomme wena o di amogile naga e bile o dutše metseng ya tšona le dintlong tša tšona,"

²⁰o ipeele ka thoko metse e meraro nageng ya gago yeo Jehofa Modimo wa gago a go neago yona gore e be ya gago."

²¹O ikgorele tsela, o arole ka diripa tše tharo selete sa naga yeo Jehofa Modimo wa gago a go neago yona, gomme mang le mang yo a bolayago motho a tšhabele moo."

²²“Bjale yo a ka swanelwago ke gore a re ge a bolaile motho a tšhabele moo gore a phele ke yo: Yo a bolayago wa gabo a sa ikemišetša gomme a be a se a mo hloya;"