The Three Feasts

¹O ka se dumelelwe go dira sehlabelo sa paseka motseng le ge e le ofe wa metse yeo Jehofa Modimo wa gago a go neago yona."

²Eupša lefelong leo Jehofa Modimo wa gago a tlago go kgetha gore leina la gagwe le dule go lona, gona moo o dire sehlabelo sa paseka mantšiboa ge letšatši le se no sobela, ka nako e beilwego yeo o tšwilego Egipita ka yona."

³O apeele le go jela lefelong leo Jehofa Modimo wa gago a tlago go le kgetha ke moka mesong o boele ditenteng tša gago."

⁴O fetše matšatši a tshelelago o eja dinkgwa tše di sa omelwago; letšatšing la bošupa e be seboka se sekgethwa sa Jehofa Modimo wa gago. O se ke wa šoma."

⁵“O ipalele dibeke tše šupago. O thome go bala dibeke tše šupago go tloga ge sekela e thoma go tsenywa mabeleng ao a sego a hlwa a bunwa."

⁶Ka morago o binele Jehofa Modimo wa gago monyanya wa dibeke go ya ka tekanyo ya sebego sa boithaopo yeo seatla sa gago se tlago go e nea, go ya kamoo Jehofa Modimo wa gago a tlago go go šegofatša ka gona."

⁷O thabe pele ga Jehofa Modimo wa gago, wena, morwa le morwedi wa gago, lekgoba la gago la monna le la mosadi, Molefi yo a lego ka gare ga dikgoro tša gago, modiiledi, tšhiwana le mohlologadi, e lego bao ba dulago le wena. O thabe le bona le le lefelong leo Jehofa Modimo wa gago a tlago go kgetha gore leina la gagwe le dule go lona."

⁸O gopole gore o be o le lekgoba kua Egipita, ka gona o latele ditaelo tše le go di phetha."

⁹“O bine monyanya wa mešaša ka matšatši a šupago ge o kgobela tšeo di tšwago seboeng sa gago le segatelong sa gago sa makhura le sa morara."

¹⁰O thabe mohlang wa monyanya wa gago, wena, morwa le morwedi wa gago, lekgoba la gago la monna le la mosadi, Molefi, modiiledi, tšhiwana gotee le mohlologadi, e lego bao ba lego ka gare ga dikgoro tša gago."

¹¹O binele Jehofa Modimo wa gago monyanya ka matšatši a šupago o le lefelong leo Jehofa a tlago go le kgetha, ka gobane Jehofa Modimo wa gago o tla go šegofatša punong ya gago ka moka gotee le medirong ka moka ya diatla tša gago gomme o thabe."

¹²“Yo mongwe le yo mongwe yo motona mo go lena a tšwelele gararo ka ngwaga pele ga Jehofa Modimo wa gago lefelong leo a tlago go le kgetha, e lego monyanyeng wa dinkgwa tše di sa omelwago, monyanyeng wa dibeke le monyanyeng wa mešaša, gomme go se be le yo a tlago pele ga Jehofa a lekeleditše diatla."

¹³Mpho e tšwago seatleng sa yo mongwe le yo mongwe e lekane le tšhegofatšo yeo Jehofa Modimo wa gago a mo šegofaditšego ka yona."

¹⁴“O ipeele baahlodi le bahlankedi ka gare ga dikgoro tša gago ka moka tšeo Jehofa Modimo wa gago a go neago tšona go ya ka meloko ya geno, bona ba ahlole batho ka kahlolo ya go loka."

¹⁵O se ke wa kgopamiša kahlolo. O se ke wa beba sefahlego goba wa amogela letsogo-le-kobong, gobane letsogo-le-kobong le foufatša mahlo a ba bohlale e bile le kgopamiša mantšu a baloki."

¹⁶Ge e le toka yona o e phegelele, e le gore o tle o tšwele pele o phela gomme o tšee naga yeo Jehofa Modimo wa gago a go neago yona gore e be ya gago."

¹⁷“O se ke wa ipšalela sehlare sa mohuta le ge e le ofe gore e be kota e kgethwa kgauswi le aletare ya Jehofa Modimo wa gago yeo o tlago go itirela yona."

¹⁸“Le gona o se ke wa itlhomela kokwane e kgethwa, e lego selo seo Jehofa Modimo wa gago a se hloilego kudu."

¹⁹“O se ke wa direla Jehofa Modimo wa gago sehlabelo ka poo goba nku yeo e nago le bosodi, e lego selo le ge e le sefe seo se solegago; ka gobane ke selo se se šišimišago go Jehofa Modimo wa gago."

²⁰“Ge mo go wena go o mongwe wa metse yeo Jehofa Modimo wa gago a go neago yona go ka hwetšwa monna goba mosadi yo a tlwaetšego go dira tše mpe mahlong a Jehofa Modimo wa gago gore a robe kgwerano ya gagwe,"

²¹a ya a rapela medimo e mengwe a ba a e khunamela goba a khunamela letšatši, kgwedi goba makoko ka moka a magodimo, e lego selo seo ke sego ka laela gore se dirwe,"

²²ke moka wena wa botšwa seo wa ba wa kwa ka sona gomme sa nyakišišwa gabotse, gwa ba gwa hlatselwa gore ke therešo gore selo se se se šišimišago se dirilwe Isiraeleng,"