The One Place of Worship

¹eupša le tsome lefelo leo Jehofa Modimo wa lena a tlago go le kgetha melokong ka moka ya lena gore a bee leina la gagwe go lona le gore leina leo le dule moo, gomme lena le ye moo."

²Ke moka gona moo le tliše dibego tša lena tša go fišwa, dihlabelo tša lena, dikarolo tša lena tša lesome, meneelo e tšwago diatleng tša lena, dibego tša lena tša keno, dibego tša lena tša boithaopo le maitšibulo a mehlape ya lena ya dikgomo le ya dihuswane."

³Gona moo le jele pele ga Jehofa Modimo wa lena gomme le thabele mediro ka moka ya lena, lena le malapa a lena, ka gobane Jehofa Modimo wa lena o le šegofaditše."

⁴“Le se ke la dira dilo tšohle tšeo re di dirago mo lehono, moo yo mongwe le yo mongwe a dirago seo a bonago se lokile mahlong a gagwe,"

⁵gobane ga se la hlwa le tsena lefelong la boikhutšo le bohweng tšeo Jehofa Modimo wa lena a le neago tšona."

⁶Le tsheleng Noka ya Jorodane le be le duleng nageng yeo Jehofa Modimo wa lena a le neago yona gore e be ya lena; yena o tla le khutšiša manabeng ka moka a lena ao a le dikologilego, ke moka la dula ka polokego."

⁷Lefelo leo Jehofa Modimo wa lena a tlago go kgetha gore leina la gagwe le dule go lona, gona moo ke mo le tlago go tliša tšohle tšeo ke le laelago tšona, e lego dihlabelo tša lena le dibego tša lena tša go fišwa, dikarolo tša lena tša lesome le meneelo e tšwago diatleng tša lena le dilo ka moka tšeo le di kgethago gore e be dibego tša lena tša keno tšeo le di enelago Jehofa."

⁸Le thabeng pele ga Jehofa Modimo wa lena, lena le barwa le barwedi ba lena, le makgoba a lena a banna le a basadi gotee le Molefi yo a lego ka gare ga dikgoro tša lena, ka gobane ga a hwetše kabelo goba bohwa bjoo lena le bo hwetšago."

⁹O itlhokomele gore dibego tša gago tša go fišwa o se di direle lefelong le lengwe le le lengwe leo o le bonago."

¹⁰Eupša dibego tša gago tša go fišwa o di direle lefelong leo Jehofa a tlago go le kgetha go o mongwe wa meloko ya geno, gomme gona moo o dire dilo ka moka tšeo ke go laelago tšona."

¹¹“Le gona o hlabe phoofolo ge moya wa gago o kganyoga nama gomme o je nama ka go šegofatšwa ke Jehofa Modimo wa gago yo a go neilego yona, o le ka gare ga dikgoro tša gago ka moka. E ka jewa ke yo a sa hlwekago le yo a hlwekilego, go etša ge o eja nama ya tshepe le ya kgama."

¹²Feela madi a yona le se ke la a ja. O a tšhollele fase bjalo ka meetse."

¹³Ka gare ga dikgoro tša gago o ka se dumelelwe gore o jele karolo ya lesome ya mabele a gago goba ya beine ya gago e mpsha goba ya makhura a gago goba maitšibulo a mohlape wa gago wa dikgomo le wa dihuswane goba sebego le ge e le sefe sa dibego tša gago tša keno tšeo o tlago go ena ka tšona goba dibego tša gago tša boithaopo goba moneelo o tšwago seatleng sa gago."

¹⁴Eupša o tla e jela pele ga Jehofa Modimo wa gago, lefelong leo Jehofa Modimo wa gago a tlago go le kgetha, wena le morwa le morwedi wa gago le lekgoba la gago la monna le la mosadi gotee le Molefi yo a lego ka gare ga dikgoro tša gago; o thabele mediro ka moka ya gago pele ga Jehofa Modimo wa gago."

¹⁵O itlhokomele gore o se ke wa lahla Molefi mehla ka moka ya ge o sa phela nageng ya geno."

¹⁶“E tla re ge Jehofa Modimo wa gago a katološa naga ya gago go etša ge a go holofeditše, wena o tla re: ‘E re ke je nama,’ ka ge moya wa gago o kganyoga go ja nama. Wena o ka e ja neng le neng ge moya wa gago o e kganyoga."

¹⁷Ge e ba lefelo leo Jehofa Modimo wa gago a kgethago go bea leina la gagwe go lona le ka ba kgole le wena, gona o hlabe diruiwa tše dingwe mohlapeng wa gago wa dikgomo goba wa dihuswane woo Jehofa a go neilego wona, feela bjalo ka ge ke go laetše, gomme o je nama ka gare ga dikgoro tša gago neng le neng ge moya wa gago o e kganyoga."

¹⁸Eupša o e je ka tsela yeo nama ya tshepe le ya kgama e jewago ka gona; e ka jewa ke yo a sa hlwekago le yo a hlwekilego."

¹⁹O tloge o ikemišetša gore o se ke wa ja madi, ka gobane madi ke bophelo bja phoofolo yeo. Ka gona o se ke wa ja nama ge e ba e na le madi."

²⁰O se ke wa a ja. O a tšhollele fase bjalo ka meetse."

²¹O se ke wa a ja, e le gore dilo di go sepelele gabotse, wena le bana ba gago ba mehleng e tlago, ka gobane o tla be o dira se se lokilego mahlong a Jehofa."

²²O rwale dilo tše kgethwa tšeo e tlago go ba tša gago le dibego tša gago tša keno, o ye lefelong leo Jehofa a tlago go le kgetha."

²³O neele dibego tša gago tša go fišwa, e lego nama le madi. O di neele godimo ga aletare ya Jehofa Modimo wa gago; madi a dihlabelo tša gago a tšhollelwe ka thoko ga aletare ya Jehofa Modimo wa gago, eupša nama yona o ka e ja."

²⁴“O hlokomele gomme o kwe mantšu a ka moka ao ke go laelago ona, e le gore dilo di ka go sepelela gabotse go iša mehleng ya neng le neng, wena le bana ba gago ba mehleng e tlago, ka gobane o tla be o dira se se lokilego le se se nepagetšego mahlong a Jehofa Modimo wa gago."

²⁵“Ge Jehofa Modimo wa gago a fediša pele ga gago ditšhaba tšeo o yago go di amoga naga ya tšona, o di amoge yona o dule go yona."

²⁶O itlhokomele ka ge o ka tanywa gomme wa di latela, ka morago ga gore di fedišwe pele ga gago, le ka ge o ka botšiša ka medimo ya tšona, wa re: ‘Ditšhaba tše di be di hlankela medimo ya tšona bjang? Gona le nna ke tla dira ka tsela e swanago.’"

²⁷O se ke wa swara Jehofa Modimo wa gago ka tsela yeo, ka gobane di diretše medimo ya tšona selo se sengwe le se sengwe seo se šišimišago Jehofa le seo a se hloilego, e bile ka mehla di fišetša medimo ya tšona barwa le barwedi ba tšona mollong."

²⁸Le ele hloko gore le phethagatša lentšu le lengwe le le lengwe leo ke le laelago lona. Le se ke la oketša go lona goba la fokotša go lona."

²⁹“Ge mo gare ga lena go ka tsoga moporofeta goba molori wa ditoro gomme a le nea pontšho goba seka,"

³⁰gomme pontšho yeo goba seka seo sa phethagatša seo a le boditšego sona ge a be a re: ‘A re šaleng medimo e mengwe morago, medimo yeo le sa e tsebego, ke moka re e hlankele,’"

³¹lena le se ke la theetša mantšu a moporofeta yoo goba molori yoo wa ditoro, ka gobane Jehofa Modimo wa lena o tla be a le leka gore a tsebe ge e ba le rata yena Jehofa Modimo wa lena ka dipelo tša lena ka moka le moya wa lena ka moka."

³²Le lateleng Jehofa Modimo wa lena, le boifeng yena, le loteng ditaelo tša gagwe, le theetšeng lentšu la gagwe, le mo hlankeleng le be le mo kgomarele."