The Second Tablets

¹Ke moka ka retologa ka fologa thabeng, ka bea diphaphathi tšeo ka arekeng yeo ke bego ke e dirile gore di dule moo, feela bjalo ka ge Jehofa a be a ntaetše."

²“Ke moka bana ba Isiraele ba tloga Beerothe Bene-jaakane ba ya Mosera. Arone o hwetše moo a ba a bolokelwa gona; morwa wa gagwe Eleasara a ba moperisita legatong la gagwe."

³Go tloga moo ba ya Gudegoda gomme go tloga Gudegoda ba ya Jotobatha, e lego naga ya meedi ya mafula yeo e elelago meetse."

⁴“Ka yona nako yeo Jehofa a hlaola moloko wa Lefi gore e be wona o rwalago areka ya Jehofa ya kgwerano, gore e be wona o emago pele ga Jehofa go mo hlankela gomme o be o šegofatše ka leina la gagwe go ba go fihla lehono le."

⁵Ke ka baka leo e itšego ge bana babo Lefi ba fiwa kabelo le bohwa, yena a se di fiwe. Jehofa ke yena bohwa bja gagwe, feela bjalo ka ge Jehofa Modimo wa gago a mmoditše."

⁶Nna ke ile ka dula thabeng go etša matšatšing ale a pele, ka dula matšatši a masomenne le mašego a masomenne, gomme le ka lona lekga leo Jehofa o ile a ntheetša. Jehofa o be a sa nyake go le fediša."

⁷Ke moka Jehofa a re go nna: ‘Ema o ete setšhaba pele gore se sepele, gore se yo tšea naga yeo ke enetšego borakgolokhukhu ba sona gore ke tla se nea yona ya ba ya sona.’"

⁸“Bjale wena Isiraele, ke eng seo Jehofa Modimo wa gago a go kgopelago sona ge e se gore o boife yena Jehofa Modimo wa gago, e le gore o sepele ditseleng tša gagwe ka moka le go mo rata gotee le go hlankela Jehofa Modimo wa gago ka pelo ya gago ka moka le ka moya wa gago ka moka?"

⁹Na ga se gore o lote ditaelo tša Jehofa le melao ya gagwe yeo ke go laelago yona lehono gore o holege?"

¹⁰Bona, magodimo ke a Jehofa Modimo wa gago, ona magodimo a magodimo, le lefase gotee le tšohle tšeo di lego go lona."

¹¹Jehofa o ile a kgomarela borakgolokhukhu ba gago ba nnoši e le gore a ba rate, moo a ilego a kgetha bana ba bona ba mehleng e tlago, e lego lena, mo go merafo ka moka, go fihla lehono le."

¹²Le bolotšeng dipelo tša lena gomme le se sa thatafiša melala ya lena le ka mohla."

¹³Ka gobane Jehofa Modimo wa lena ke Modimo gare ga medimo le Morena wa marena, Modimo yo mogolo, yo matla le yo a boifišago, yo a sa bebego sefahlego sa motho goba go amogela letsogo-le-kobong,"

¹⁴yo a ahlolelago tšhiwana le mohlologadi, le yo a ratago modiiledi e le gore a mo nee dijo le diaparo."

¹⁵Le lena le rate badiiledi, ka gobane le be le le badiiledi nageng ya Egipita."

¹⁶“O boife Jehofa Modimo wa gago. O mo hlankele, o mo kgomarele o be o ene ka leina la gagwe."

¹⁷Ke Yena o swanetšego go mo tumiša, gomme ke yena Modimo wa gago yo a go diretšego dilo tše tše kgolo le tše boifišago tšeo mahlo a gago a di bonego."

¹⁸Borakgolokhukhu ba gago ba theogetše Egipita e le batho ba masomešupa gomme bjale Jehofa Modimo wa gago o go atišitše go swana le dinaledi tša magodimong ka bontši."

¹⁹“O rate Jehofa Modimo wa gago, o lote boitlamo bja gago go yena, o boloke melao ya gagwe, dikahlolo tša gagwe le ditaelo tša gagwe ka mehla."

²⁰Le tseba gabotse lehono (gobane ga ke bolele le bana ba lena bao ba sa tsebego tayo ya Jehofa Modimo wa lena le bao ba sa kago ba e bona, ba bona bogolo bja gagwe, seatla sa gagwe se matla le letsogo la gagwe leo le otlolotšwego,"

²¹goba ba bona dipontšho le ditiro tša gagwe tšeo a di dirilego Farao kgoši ya Egipita le naga ya gagwe ka moka kua Egipita;"

²²goba seo a se dirilego madira a Baegipita, dipere le dikoloi tša bona tša ntwa tšeo a ilego a di apeša ka meetse a Lewatle le Lehwibidu ge ba be ba ba rakediša, gomme Jehofa a ba fediša go etša ge go le bjalo lehono le;"