Acts 12

¹gomme a re: “Wena monna yo a tletšego mohuta o mongwe le o mongwe wa boradia le wa bonokwane, wena morwa wa Diabolo, wena lenaba la se sengwe le se sengwe sa go loka, na o ka se lese go šarakanya ditsela tše di lokilego tša Jehofa?"

²Bjale tseba gore seatla sa Jehofa se godimo ga gago, o tla foufala, wa se bone seetša sa letšatši ka lebakanyana.” Gateetee kgodi e koto le leswiswi tša wela godimo ga gagwe gomme a sepela a tšama a nyaka batho gore ba mo hlahle ka seatla."

³Ke moka molaodi wa selete ge a bona seo se diregilego, a fetoga modumedi ka ge a be a tlabilwe ke thuto ya Jehofa."

⁴Banna bao gotee le Paulo, bjale ba tšea leeto la ka lewatleng go tloga Phafo gomme ba fihla Perega, Pamfilia. Eupša Johane a tloga go bona a boela Jerusalema."

⁵Lega go le bjalo, ba tloga Perega ba tla Antiokia kua Pisidia. Ba ya sinagogeng ka letšatši la sabatha, ba dula fase."

⁶Ka morago ga go balwa phatlalatša ga Molao le Baporofeta, balaodi ba okamelago ba sinagoge ba romela lentšu go bona ba re: “Banna, bana bešo, ge e ba go na le lentšu le ge e le lefe la kgothatšo leo le nago le lona bakeng sa batho, le boleleng.”"

⁷Ka gona, Paulo a ema a bontšha ka seatla sa gagwe gore ba homole gomme a re: “Banna, Baisiraele le lena ba bangwe bao le boifago Modimo, ntheetšeng."

⁸Modimo wa batho ba ba Isiraele o kgethile borakgolokhukhu ba rena, a ba godiša nakong ya bodiiledi bja bona nageng ya Egipita gomme a ba ntšha go yona ka letsogo le le emišitšwego."

⁹Ka lebaka la mo e ka bago nywaga e masomenne o ile a ba kgotlelela kua lešokeng."

¹⁰Ka morago ga go fediša ditšhaba tše šupa nageng ya Kanana, o ile a aba naga ya bona ka matengwa."

¹¹Seo ka moka se diragetše mo e ka bago nywageng e makgolonne-masomehlano (450). “Ka morago ga dilo tše o ile a ba nea baahlodi go fihla ka Samuele moporofeta."

¹²Eupša go tloga nakong yeo go ya pele ba ile ba nyaka kgoši, gomme Modimo a ba nea Saulo morwa wa Kishe, monna wa moloko wa Benjamini, ka nywaga e masomenne."

¹³Ka morago ga go mo tloša o ile a ba tsošetša Dafida e le kgoši, yoo ka yena a neilego bohlatse gomme a re: ‘Ke hweditše Dafida morwa wa Jese e le monna yo a kwanago le pelo ya ka, yo a tlago go dira dilo ka moka tšeo ke di kganyogago.’"

¹⁴Go tšwa baneng ba monna yo, Modimo go ya ka kholofetšo ya gagwe o tlišeditše Isiraele mophološi, e lego Jesu."

¹⁵Ka morago ga gore Johane a bolele phatlalatša (pele ga ge go etla yena Yoo) gore batho ka moka ba Isiraele ba kolobetšwe e le go bontšha gore ba a itshola."

¹⁶Eupša ge Johane a phetha tsela ya gagwe, o ile a re: ‘Le nagana gore ke nna mang? Ga se nna yena. Eupša go na le yo a tlago ka morago ga ka yo ke sa swanelegego go hunolla diramphašane tša dinao tša gagwe.’"

¹⁷“Banna, bana bešo, lena bana ba lešika la Aborahama le lena ba bangwe bao le lego gare ga bao ba boifago Modimo, lentšu la phološo ye le rometšwe go rena."

¹⁸Gobane badudi ba Jerusalema le babuši ba bona ga se ba ka ba lemoga yena Yo, eupša ge ba be ba mo ahlola, ba ile ba phethagatša tšeo di boletšwego ke Baporofeta, e lego dilo tšeo di balwago ka go hlaboša ka Sabatha e nngwe le e nngwe."

¹⁹Gaešita le ge ba sa hwetša lebaka la go swanelwa ke lehu, ba ile ba kgopela Pilato ka šiši gore a bolawe."

²⁰Bjale ge ba feditše go phetha dilo ka moka tšeo di bego di ngwadilwe mabapi le yena, ba mo fološa koteng ba mo robatša lebitleng."

²¹Eupša Modimo o mo tsošitše bahung;"

²²gomme ka matšatši a mantši o ile a bonagala go bao ba bego ba rotogile le yena go tloga Galilea go ya Jerusalema. Bona bao mo nakong ye ke dihlatse tša gagwe go batho."

²³“Ka gona re le botša ditaba tše dibotse tša mabapi le kholofetšo yeo e dirilwego go borakgolokhukhu ba rena."

²⁴Modimo o e phethagaditše ka mo go feletšego go rena bana ba bona ka gore a tsoše Jesu; go etša ge go ngwadilwe psalmeng ya bobedi gore: ‘O morwa wa ka, nna lehono ke Tatago.’"

²⁵Therešo yeo ya gore o mo tsošitše bahung le go mo rerela gore a se hlwe a eya tshenyegong, o e boletše ka tsela ye: ‘Ke tla le bontšha botho bjo bo botegago bjo bo holofeditšwego Dafida.’"