3John 1

¹Le gona tšwelang pele le bontšha kgaugelo go ba bangwe bao ba nago le dipelaelo;"

²ba phološeng ka go ba ubula mollong. Eupša tšwelang pele le bontšha kgaugelo go ba bangwe, le dira bjalo ka poifo ge le dutše le hloya gaešita le seaparo seo se šilafaditšwego ke nama."

³Bjale go yo a kgonago go le diša gore le se kgopše le go le emiša le hloka sekodi ponong ya letago la gagwe ka lethabo le legolo,"

⁴go Modimo a nnoši Mophološi wa rena ka Jesu Kriste Morena wa rena, e be letago, bogolo, matla le bolaodi lebakeng la bosafelego bjohle bjo bo fetilego le bjale le go iša bosafelego ka moka. Amene."

⁵Kutollo ka Jesu Kriste, yeo Modimo a mo neilego yona gore a bontšhe bahlanka ba gagwe dilo tše di tlago go direga kgauswinyane. O romile morongwa wa gagwe gomme a e bontšha Johane mohlanka wa gagwe ka dipontšho,"

⁶yo a hlatsetšego lentšu le Modimo a le neilego le bohlatse bjo Jesu Kriste a bo neilego, ee, le go hlatsela dilo tšohle tše a di bonego."

⁷Go thaba yo a balago ka go hlaboša le bao ba kwago mantšu a boporofeta bjo, bao ba bolokago dilo tše di ngwadilwego go bjona; gobane nako e beilwego e batametše."

⁸Nna Johane ke ngwalela diphuthego tše šupago tše di lego seleteng sa Asia ke re: Eka le ka ba le botho bjo bogolo bja Modimo le khutšo tše di tšwago go “Yo a lego gona le yo a bego a le gona le yo a tlago,” le go tšwa go meoya e šupago yeo e lego pele ga sedulo sa gagwe sa bogoši,"

⁹le go tšwa go Jesu Kriste, “Hlatse e Botegago,” “Leitšibulo go tšwa bahung” le “Mmuši wa dikgoši tša lefase.” Go yo a re ratago le yo a re lokolotšego dibeng tša rena ka madi a gagwe—"

¹⁰a re dira mmušo, baperisita ba Modimo wa gagwe yo e bilego e le Tatagwe—ee, go yena a e be letago le matla ka mo go sa felego. Amene."

¹¹Bonang! O tla ka maru gomme mahlo ka moka a tla mmona, go akaretša le bao ba mo hlabilego; meloko ka moka ya lefase e tla itshetla dihuba e nyamile ka baka la gagwe. Ee, Amene."

¹²Jehofa Modimo o re: “Ke nna Alfa le Omega, Yo a lego gona le yo a bego a le gona le yo a tlago go tla, yena Ramatlaohle.”"

¹³Nna Johane ngwanabo lena le yo a nago le kabelo le lena tlaišegong le mmušong le kgotlelelong gotee le Jesu, ke bile sehlakahlakeng se se bitšwago Patimo ka baka la go bolela ka Modimo le go nea bohlatse ka Jesu."

¹⁴Ke bile letšatšing la Morena ka pudulelo gomme ka kwa lentšu le matla le le swanago le la phalafala ka morago ga ka,"