Kindness to Mephibosheth

¹Ke moka Dafida a re: “Ke tla bontšha Hanuni morwa wa Nahashi botho ka ge tatagwe a mpontšhitše botho.” Ka gona Dafida a roma bahlanka ba gagwe gore ba yo mo homotša ka tše di diragaletšego tatagwe, gomme bahlanka ba Dafida ba tsena nageng ya bana ba Amoni."

²Eupša dikgošana tša bana ba Amoni tša botša Hanuni mong wa tšona tša re: “Na o nagana gore Dafida o godiša tatago mahlong a gago ka ge a rometše bahomotši go wena? Na Dafida ga se a romela bahlanka ba gagwe go tlo nyakišiša, go hlola naga le go e wiša?”"

³Ka gona Hanuni a tšea bahlanka ba Dafida a kota ditedu tša bona ka thoko e tee gomme a ripa diaparo tša bona ba šala ba le feela go tloga mathekeng ke moka a re ba sepele."

⁴Ka morago batho ba ya ba botša Dafida mabapi le banna bao gomme gateetee a romela lentšu la gore ba gahlanetšwe, ka gobane banna bao ba be ba ikwa ba gobošitšwe o šoro; kgoši ya re: “Dulang Jeriko go fihlela ditedu tša lena di gola, ke moka le boeng.”"

⁵Ka morago bana ba Amoni ba lemoga gore ba ipaketše go hloiwa ke Dafida, ke moka bana ba Amoni ba roma baromiwa gore ba yo thwala Basiria ba Bethe-rehobo le Basiria ba Tsoba, banna bao ba sepelago ka maoto ba dikete tše masomepedi (20 000) le kgoši ya Maaka le banna ba sekete (1 000) ba Ishitobo gotee le banna ba dikete tše lesomepedi (12 000)."

⁶Ge Dafida a ekwa ka seo, a romela Joaba le madira ka moka gotee le bagale."

⁷Bana ba Amoni ba tšwa ba itokišetša ntwa kua kgorong ya motse gomme Basiria ba Tsoba le ba Rehobo le Ishitobo le Maaka le bona ba be ba eme ba nnoši ba itokišetša ntwa kua molaleng."

⁸Eitše ge Joaba a bona gore o be a hlaselwa ka pele le ka morago ntweng, gateetee a kgetha ba bangwe ba bao e lego bagale Isiraeleng, a ba lokišeletša ntwa gore ba yo lwa le Basiria."

⁹Ke moka ba bangwe ka moka a ba gafela seatleng sa Abishai ngwanabo, e le gore ba itokišetše go yo lwa le bana ba Amoni."

¹⁰Le gona a re: “Ge e ba Basiria ba ka mphekeetša ka matla, gona wena o tle o mphološe; eupša ge e ba bana ba Amoni ba ka go fekeetša ka matla, gona le nna ke tla go phološa."

¹¹Tia matla, gore re tle re bontšhe sebete bakeng sa setšhaba sa gabo rena le bakeng sa metse ya Modimo wa rena; ge e le Jehofa yena o tla dira se a bonago se lokile mahlong a gagwe.”"

¹²Ke moka Joaba le batho bao ba bego ba na le yena ba tšwa ba yo hlabana le Basiria gomme bona ba tšhaba pele ga gagwe."

¹³Ge e le bana ba Amoni ba ile ba bona gore Basiria ba tšhabile gomme le bona ba tšhaba Abishai, ke moka ba boela motseng. Ka morago Joaba a gomela bana ba Amoni a tla Jerusalema."